Chapter 8

"What the hell was that? What is happening, Evan?" Ito ang unang pagkakataon na galit na galit si Ever sa nakatatanda niya na kapatid. Hindi niya maintindihan ang mga eksena na naabutan niya kanina na naghahalikan sina Evan at Harper. Pero ang mas lalo niya na ikinagulat ay nang sabihin ni Evan na fiancée niya si Harper.

Evan was fuming mad the day of the accident. Hindi makalimutan ni Ever ang galit na nakita niya sa kapatid niya nang iuwi niya si Harper sa kanilang bahay dahil sa sobrang takot niya dahil nawalan ng malay ang babae. Pero ngayon naman ay tuwang-tuwa ang kapatid niya na ibalita sa kan'ya na engaged sila at mukhang masayang-masaya pa na kahalikan ang babae?

"I should be thanking you for that accident, Ever."

"What?!" naguguluhan niya na tanong sa kapatid.

"I apologize, kung ano man ang mga nasabi ko nang araw na iyon. It was an initial reaction on my part, dahil sa parati mo na pagdadala ng problema sa akin. But this time, brother, hindi problema ang dala mo kung hindi isang magandang regalo."

"Can you stop talking in riddles and tell me what the fuck is going on?" Ever doesn’t like any of this, not because he likes Harper. Hindi iyon ang dahilan niya, kung hindi dahil kilala niya ang kan’yang kapatid niya at sigurado siya na may balak si Evan na hindi maganda kay Harper.

"I found her, Ever. I found the woman who turned her back on me. Nahanap ko na ang mukhang pera na babae na iyon, at ngayon na nasa poder ko na siya ay paiikutin ko siya sa mga palad ko. I’ll play with her and let her feel my wrath."

Nanlaki ang mga mata ni Ever sa narinig sa kapatid. “You mean, Harper is Harper Mercader? Your ex-fiancée?"

Tumango si Evan sa kan'ya, "Yes, that woman is Harper Mercader. Tutal ay natatandaan naman niya na fiancé niya ako, kaya mas magiging madali na sa akin ang paghihiganti ko. And you know what’s good with all of this? Sa kan’ya na mismo nanggaling na natatandaan na niya ako bilang fiancé niya. I am part of the memory she remembers. Hindi lang ako sigurado kung natatandaan din ba niya ang pagtalikod niya sa akin sa kasunduan ng kasal namin."

Things are more complicated now than ever, at hindi malaman ni Ever kung maaawa ba sa babae na nasa pamamahay nila. Alam niya ang galit ni Evan kay Harper Mercader, at siya pa mismo ang may kagagawan kung bakit nasa kanila ang babae. May bahagi ni Ever ang nakokonsensya dahil siya pa ang naglapit kay Harper sa kapahamakan.

"What’s your plan?"

"Introduce her to the business circle as my fiancée. Announce the long overdue engagement, and on the wedding day itself, leave her. And in the process of all the plans, take advantage of the opportunity, at iyon ay ang pagsawaan siya. She’s my fiancée, at may responsibilidad siya na dapat gampanan sa akin."

"Don’t you think that’s too harsh, kuya?" Nag-aalangan na tanong pa ni Ever. Hindi mawala-wala ang pagkakonsensya na nararamdaman niya sa maaari na sapitin ni Harper dahil sa aksidente sa kamay ng sarili niya na kapatid.

"Too harsh? Can you hear yourself? Hindi ba at mas naging mapanakit nga siya sa akin nang talikuran niya ang kasunduan ng kasal namin dahil sa inaakala niya na naghihirap na ang pamilya natin? I was looking forward to marrying her, para may masandalan ako sa pagkawala ng mga magulang natin, pero ano ang ginawa niya? Tinalikuran niya ako dahil mukha siyang pera!"

Hindi na napigilan pa ang galit na kumakawala kay Evan kapag muli niya na naaalala ang ginawa na pagtalikod sa kan’ya ni Harper. Kahit kailan ay hindi niya basta-basta na mapapatawad ang babae na iyon. Sisiguraduhin niya na magagantihan niya si Harper at magmamakaawa sa kan’ya ang babae, because nobody ever dared turn their backs on him.

"Pero may sakit siya, Evan. May amnesia pa siya. Hindi ka ba nakokonsensya sa gagawin mo?"

Madidilim ang tingin na ipinukol sa kan’ya ni Evan dahil sa sinabi niya. "Siya ba ay nakonsensya noon talikuran niya ako? Sa mundo na ito, Ever, hindi puwede ang mahina; hindi puwede ang tatanga-tanga. Kailangan mo na maging matatag dahil wala kang ibang aasahan kung hindi ang sarili mo lamang. This is a world where everyone uses anyone, at nasa sa’yo na iyon kung gusto mo na ikaw ang manggamit o ikaw ang gamitin. In my case, hindi ako papayag na gamitin ako, we are a Ruiz, Ever. Everyone should bow down to us."

"I’m not sure this is a good idea."

"This is not a good idea. This is the best idea that there is. And don’t you think it’s destiny? Pagkakataon na mismo ang naglapit sa kan’ya sa akin. Ibig sabihin lang ay dumating na ang karma ng babae na iyon. Dumating na ang karma ni Harper Mercader. And that karma is me, Evan Ruiz."

Napakuyom na lamang ng kamao si Ever. Alam niya na kapag sinabi ni Evan ay wala na siyang magagawa pa. Evan knows what’s best for the both of them, at kung ang paghihiganti na ito ang sinasabi ni Evan na tama na gagawin niya ay wala rin ibang magagawa si Ever kung hindi ang suportahan ang kuya niya.

"Kailan mo siya balak na ipakilala bilang fiancée mo?" muli na tanong niya.

"Soon. Kailangan ko muna na baguhin si Harper. I don’t like her image. Hindi kapani-paniwala na ang kagaya niya ang magugustuhan ni Evan Ruiz. She needs a makeover. Iyon unang kita pa lamang sa kan’ya ng mga nasa business circle ay tatatak na agad ang presensya niya. Gusto ko na maging usap-usapan siya at kainggitan siya ng lahat. Kapag nasa pedestal na siya ay roon ko ipaparanas sa kan’ya ang pinakamasakit na pagbagsak niya."

"You’re playing a dangerous game, kuya."

Sa sinabi ni Ever ay nangunot ang noo ng nakatatanda na kapatid niya. Ever knows that despite his brother’s façade of being cold, a good man still exists, may malambot pa rin siya na puso. At hindi malayo na mahulog ang loob niya kay Harper kapag nagkataon. Ang problema sa laro ng paghihiganti na ginagawa ni Evan ay maaari na siya mismo ang masunog dito sa bandang huli.

"Don’t play with fire, Evan; you might just get burned in the end. Ano ang gagawin mo kapag tuluyan na nahulog ang loob mo kay Harper? I know you enough to think that eventually you will fall in love with her."

Evan smirked in response to his brother. Hindi yata siya kilala ni Ever at hindi yata alam ng kapatid niya kung gaano na katigas ang puso niya. He is out for revenge, and he no longer has hope of finding love.

"I won’t get burned, Ever, dahil hinding-hindi ako mahuhulog sa kan’ya. I hate her so much. Kung noon pa siguro na tumupad siya sa kasunduan ay baka may pag-asa pa na totoo na mahulog ako sa kan’ya. But this time, I have forgotten how to love. I am out for revenge, at alam mo iyan. Uunahin ko si Harper Mercader, at kasunod niya ang mga tao na naging rason ng pagkamatay ng mga magulang natin. Wala nang puwang para sa pagmamahal sa mundo ko, ang mayro’n na lamang ay galit at paghihiganti."