Chapter 81

"Evan, susmiyo, ano ba ang nangyayari sa’yo? Ano ba ang problema mo na bata ka at ginagawa mo ito sa sarili mo?" Gulat na gulat si Manang Esmeralda na ang bumungad sa kan’ya pagbukas niya ng pintuan ay ang lasing na lasing na si Evan habang akay-akay ng dalawang tauhan nito. "Dalahin ninyo na siya sa silid niya." utos pa niya.

Agad naman na tumalima ang dalawang lalaki habang hindi malaman ni Manang Esmeralda ang kan’yang gagawin. Hindi naman din lingid sa kaalaman niya ang mga nangyayari sa mansyon, pero dahil bilang isang kasambahay lamang siya ng mga Ruiz ay hindi siya nangingialam sa mga nangyayari. Pero sa nakikita niya kay Evan sa ngayon ay hindi rin maiwasan ang awa na maramdaman niya para sa lalaki na itinuring na rin naman niya na parang anak niya.

Matagal na siya na namamasukan sa mga Ruiz at nasubaybayan niya ang paglaki ng magkapatid, kaya hindi rin maitatanggi na alam niya ang mga paghihirap na naranasan ng dalawa, lalo na si Evan na siyang umayos sa mga naiwan na proble