Chapter 71-The Truth Reveal

RENATE

Some souls suffer silently. Napatitig akonsa batang babae na masayang kumakain ng cake habang ang driver nito ay tahimik lang sa tabi niya. Mayamaya ay tumingin siya sa akin.

"Attorney Velasco?" aniya.

"Hmm?"

"Oras na po para bumalik sa bahay nina Congressman. Pagagalitan po kasi ako kapag lumagpas po sa oras ang uwi ng bata."

Bumaling ulit ako sa bata, at saka hinaplos ang mahaba at itim na itim nitong buhok.

"Sige," sagot ko. "Let's go home na?" Nakangiti kong sabi sa bata. Nakangiting tumango naman ito, at saka tumayo.

"Thank you po," masayang sabi nito saka yumakap sa akin.

"Tara na." Wika ko sa driver, at saka naglakad palabas ng cake shop.

Napatingala ako sa kalangitan at bumuga ng hangin. Nang makapasok na ang bata sa loob, saka naman ako nagsalita sa driver.

"May nakalimutan pala ako. Umuwi na kayo at nang makapagpahinga ang bata."

Wika ko saka naglakad palayo sa kanila. Tinawag pa ako ng bata, ngunit 'di ko binalak na lingunin ito.

In-on ko ang aking phone. Ang daming