CHAPTER 40

"SANTISIMA!"

Nabitawan ni Mama ang hawak niyang tray na nag hatid ng malakas na ingay sa loob ng kuwarto. Nabasag ang plato at baso. Nasayang din ang niluto niyang daing na bangus, sinangag, sawsawan na burong suka, pati na rin ang itlog na maalat na may kamatis.

"M-Ma... S-Sandali, mali ang iniisip mo-"

"Ukinayo kit'de!" sigaw niya sa amin habang kay Alexis nakatingin. "Pinagkatiwalaan kitang hayop ka! Pinatuloy at pinatulog sa pamamahay na ito, pero ito pa ang igaganti mo sa akin?! Pakasalan mo ang anak ko!"

Nanlaki ang mga mata ko at tuluyan na ngang nagising ang aking diwa. Tumayo ako at hinarap si Mama habang si Alexis naman ay sinasalubong lang ang nanlilisik na mga mata ni Mama.

"Ma sandali, bakit naman kasal agad-"

"Ukinam, maysa ka pay!" singhal niya naman sa akin. "Anong tingin n'yo sa akin, Minzi? Bulag? Tanga? Akala mo ba'y maniniwala ako sa'yo kung sasabihin mong walang nangyari sa inyo ng hayop mong amo?!"

Nagsimula ng uminit ang sulok ng mga mata ko. Hindi ko naman gust