CHAPTER 36

"Dito na lang ho..."

Akmang i-aabot ko na ang bayad ko ng pigilan ako ni Alexis.

"I'll take care of this," aniya saka naglabas ng buong five hundred pesos. "Ito ho ang bayad oh-"

"Hoy teka!" Bago pa mahuli ang lahat ay hinawakan ko na ang kamay niya. "Isang daan lang ang pamasahe natin dahil fifty pesos isa, pero dahil special one hundred fifty lang dapat."

Tumingin naman sa akin ang tricycle driver saka sumagot. "Mam malayo ho kasi, isa pa bako-bako ang daan. Maano naman ho kung dagdagan sana ang bayad."

Tinaasan ko siya ng kilay. "Sobra naman ho yata ang gusto n'yo. Dito ako lumaki kaya naman alam ko ho kung magkano ang pamasahe rito-"

"Hey that's okay," agap naman sa akin ni Alexis saka tumingin sa driver. "Sa tingin n'yo manong, magkano ho ba dapat ang ibayad ko sa'yo?"

Nanlaki ang mga mata ko. Kung pektusan ko kaya ang lalaking ito nang matauhan sa pinagsasabi niya?! Ano pang silbi ng pakikipagdebate ko sa tricycle driver kung siya mismo ang magtatanong kung magkano ba dapat ang