The Other Woman of the CEO Chapter 81

Malamig ang hangin sa isang malayong lugar kung saan nagtatago sina Wilma at Joshua, tila ba may sariling mundo sa kanilang lihim na pagtatagpo. Madalas, sinisikap ni Wilma na maging maingat, panigurado na walang makakahalata sa kanilang relasyon. Ngunit sa gabing iyon, sabik na sabik silang magkita, para bang wala nang bukas. Inakala ni Wilma na walang makakaalam ng tagpong iyon, na ang pagbabanta ni Neil sa private investigator ay salita lang na dala ng galit.

Sa di kalayuan, nakapuwesto ang isang aninong nagmamanman sa kanila—si Leo, ang private investigator na tinanggap ni Neil upang alamin ang katotohanan. Mula sa kanyang taguan, dinig niya ang tawanan at bulungan ng dalawa, at bawat sandali ay kinukunan niya ng larawan. Napapangiti si Joshua habang hinalikan ang noo ni Wilma at mahigpit siyang niyakap. Samantalang si Wilma’y parang nahulog na rin sa lambing at mapang-akit na tinig ng kanyang dating pag-ibig.

"Huli ka, Wilma?" tahimik na bulong ni Leo habang ini-snap ang kamera.