Chapter 47

CASSY

Nahanap na nga ni Ma'am Rosaline ang necklace na iniligay ni Sir Zach sa ilalim ng kama nila ni Sir Antonio bilang palit sa ninakaw ko ngang necklace sa kanya. Nalaman ko 'yon sa mga kasamahan ko na kasambahay dahil 'yon ang usap-usapan nila.

Hindi naman ako nagulat pa nang malaman ko 'yon dahil expected ko na 'yon. Expected na naming dalawa ni Sir Zach 'yon dahil plano niya 'yon, eh. Naniwala naman nga si Ma'am Rosaline na 'yon talaga ang hinahanap niyang necklace na akala niya ay ninakaw. Hindi ko pa nga nakakausap si Sir Zach tungkol sa bagay na 'yon.

"Paanong mahahanap ni Ma'am Rosaline ang necklace na 'yon, huh? 'Di ba ninakaw mo at naiwala 'yon?" nagtatakang tanong ni Izza na kaibigan ko sa akin matapos niyang malaman 'yon dahil sa mga kasamahan namin na kasambahay.

Hindi ko alam ang sasabihin ko sa kaibigan ko ngunit kailangan ko na may maisagot sa kanya. Hindi ko puwedeng sabihin sa kanya ang totoo. Iyon ang hindi ko talaga napaghandaan—ang isasagot ko kay Izza na kaib