Sarap o hirap?

Nagising si Hailey ng madaling araw at wala sa tabi nya ang asawa. Kaagad syang bumaba para hanapin ito ngunit wala syang Justine na nakita sa kabuuan ng mansyon. Mabuti na lang at gising pa ang guwardiya ng mansyon kaya dito sya nagtanong.

"Si Justine po? nakita nyo po ba sya?"

"Umalis po mam. Dala po yung bagong kotse nya."

"Nagsabi po ba kung saan sya pupunta?"

"Hindi po, e. Pero mukhang nakainom po si Sir. Ang bilis po kasi ng patakbo nya."

"Ah, ganun po ba? S-sige po."

Hindi mapigilan ni Hailey ang hindi mag-alala. Ngayon lang ito nangyari na umalis si Justine ng hindi nagpapaalam sa kanya. Wala rin syang ideya kung saan ito maaaring pumunta. Buong gabi sya hindi nakatulog dahil sa pag-aaalala.

Kinabukasan, umaga na umuwi si Justine. Gulo-gulo ang buhok nito at amoy alak pa. Naabutan ni Justine si Hailey na nakadukdok sa lamesa kaya naman hindi na nya ito ginising. Dire-diretso syang pumanik sa taas para maligo. Laking pasalamat ni Justine dahil tulog si Hailey nang dumating sy