Chapter 14 : Luna in the Heart of Rimiera

"Sheena! Handa ka na bang makita si Rhei?"

Pagkarinig nya ng pangalan ng binata ay nabuhayan sya, pero alam nya ang gagawin ni Luna sa kaniyang summoner. Matagal na syang sunud – sunuran kay Luna.

Lalo na at nasa kanya si Gray. Pinapalakas ni Gray ang kapangyarihan ni Luna.

Yumuko na lamang si Sheena, pinipigil ang mga luha nya.

Malungkot na sumagot si Sheena kay Luna, "Handa na ako, Luna."

"H'wag ka ng malungkot, narito ako. Hindi kita iiwan." sabi ni Luna.

Pagkatalikod ni Luna ay ngumiti ito ng nakakaloko. "Panahon na para malaman kung sino ang pinuno."

"Sheena, sasama ka mamaya sa akin. Pupuntahan natin ang Forgotten Island."

"B-balak nyo po bang…"

"Tama ka, gigisingin natin ang Island Beast."

Kinilabutan si Sheena sa plano ni Luna. Ang Island beast ang pinakamahirap na nilalang para mapasunod. Pero mukhang madali lamang iyon kay Luna dahil sa kapangyarihan nya.

Ang Forgotten Island ay may kalayuan sa Raven domain, nasa ilalim iyon ng karagatan ng mga Ceruleans.

Ang Island beast ay may pagkakahalintulad sa mystic dragon, pero kumikilos ito sa sarili nito, ayaw nya na isinasailalim sya sa kapangyarihan.

Kulay silver ito at may ilang bakas ng ginto. Kaya nyang mag anyong tao. May kakayahan din syang lumipad pero limitado ang tagal nito.

Nakaupo lamang si Luna habang ipinapaayos ang mga kakailanganin nya sa pag alis. Hindi mabura sa kanya ang ngiti, palihim syang tinitignan ni Sheena. Si Gray ay nakaupo lamang sa balikat ni Luna.

May kumatok sa malaking pinto na kulay indigo. Mataas iyon at gawa sa kakaibang kahoy, kung titignan ay mapapaisip ka kung gaano kabigat iyon para itulak.

"Nakahanda na po ang lahat." sabi ng isang kawal habang nakayuko.

"Magaling, makakaalis ka na." 

Tumayo na sya at lumabas, nasa likuran nya si Sheena. Nasa harap sila ng isang gate, "Mag ingat po kayo sa kanya mahal na reyna." sabi ng tagabantay.

Tinignan nya lamang ito, at dahan dahang binuksan ang gate na may teleportation seal.

Tumambad sa kanila ang entrance ng isang kweba. Madilim doon at nakakatakot, idagdag pa ang mainit na klima sa loob.  Lumakad na sila, "Sheena, gawan mo ng paraan ang dilim na ito?" utos ni Luna habamg naniningkit ang mata, at nakatanaw sa madilim na kweba.

Bago pa makagawa ng liwanag si Sheena ay may mga flaming orbs na lumitaw, "Magaling Sheena!" bulalas ni Luna, pagkalingon nito ay namumutla na ang diwata.

Hindi pinahalata ni Luna ang pagkabigla.

Nanlilisik at kulay pula ang malalaki nitong mata, halos hindi nila napansin ang kapangyarihan nito. "Hiningahan nito si Sheena at naglaho, A-anong ginawa mo sa kanya?" sabi ni Luna, pagkabigla ang maririnig sa tono ng babae habang unti unting umaatras. Nagamit bigla ni Gray ang pakpak upang lumipad at lumayo sa kanila.

Hindi sya sinagot nito bagkus ay nilapitan sya bigla ng Island Beast. Hindi maitago ni Luna ang pagkatakot at pagkabahala nya.

Tinitigan nya ang Island Beast at ginagawang kontrolin ito, nakipagtitigan din ang beast sa kanya. Hindi natinag ang beast, huminga ito bigla at napaatras si Luna. Naglaho din si Gray.

"Hindi tatalab sa akin ang kapangyarihan mo  bigkas nito at tuluyang naglaho."

"Ano ang ginawa mo sa…"

"Kung saan sila ligtas."

Umalingawngaw sa buong kaeba ang nakakatakot na tawa ng Island Beast.

Napaupo si Luna sa panlulumo, kadiliman lamang ang nakikita nya. Sa isang iglap ay nakaramdam sya ng sakit ng katawan, hindi na nya napansin na may tumama sa kanya dahil sa dami ng tumatakbo sa isipan nya.

Kasunod nito ay patilapon syang bumangga sa isang bato, habang nakahiga sa mga bato ay may tumatawag sa kanya.

"Luna…"

"Gumising ka na..."

Luna’s POV

"Kuya…tulungan mo ko."

"Buti naman at kilala mo pa ako, gumising ka na. Hindi ito ang mundo mo."

"Kuya…"

"Luna, hanapin mo ang kahinaan ng mundong ito, igalaw mo ang iyong mga daliri…"

Napabalikwas ako sa sobrang sakit ng katawan ko. Nakita ko sina Sheena at Gray, bakas sa mukha ni Sheena ang pag aalala.

"Magpahinga ka muna, Luna." bigkas ni Gray , as usual wala talaga syang emosyon, na kabaligtaran kay Sheena.

Pumikit ako at inaalala ang mga nangyari, ilusyon ba lahat ng iyon.? Hindi ko man lang namalayan. Pero ang kirot at sakit ng katawan ko ay totoo, "Luna, dumilat ka na." boses ng kuya ko ang naririnig ko.

Pinatamaan ko ang buntot ng Island beast. Halos naputol iyon, at tila nalusaw ang barrier na nakapalibot sa akin. Nakangisi ang beast, sinubukan kong muli na gamitan sya ng mahika ko.  Nagbagong anyo ito. Nag anyong tao. "K-kuya…"

"Kaya mo nga ba akong kontrolin, mahal kong kapatid?" wika nya na may ngiti sa labi

Hindi na ako makagalaw, natulala ako sa kanya. Maya maya pa ay may tumama sa kanya, isang mahika.

"Pull yourself together, Luna!"sigaw ni Gray habang tuloy tuloy lang ang pag atake sa Island Beast.

"Enclose!" binalutan ni Sheena ng barrier ang beast.

"Mahina, napakahina nyo!" umalingawngaw ang boses ng island beast sa kweba. Sabay nito ay ang nakakatakot nyang halakhak.

Napatakip kami ng aming mga tenga sa sobrang lakas nyang tawa na ume-echo doon.

"Salamat sa pagpaslang mo kay Shinoe, Luna." matapos nun ay tumawa sya ng tumawa.

Namatay si kuya dahil sa akin? Binato ako ni Sheena ng mahina ng mahika nya.

Naalala ko na maaaring ginagamit nanaman ako ng Island beast. Tumabi muli si Gray sa akin, "Handa na ako." pumikit ako at nagconcentrate, ngayon ko lang ito gagawin ulit.

Inipon ko ang lahat ng mahika na mayroon ako, ramdam ko na lumalabas iyon papunta sa mga palad ko.

Lumalamig ang pakiramdam ko, rinig ko ultimo ang pinakamahihinang tunog : ang paghinga naming tatlo sa loob ng kweba, at ang kakaibang paghinga ng Island Beast. Nang matunton ko ang lugar nito at alam kong tama na ang lakas na nasa aking palad, ay mabilis ko syang pinatamaan ng itim kong mahika.

Lumikha ng barrier si Sheena pero dahil sa lakas ng pagsabog ay nabasag ito, tumilapon kami sa mga bato.

Nakita kong nanghihina na si Sheena, unti unti syang nagfa-fade, ibig sabihin ay pabalik na sya sa Forest of Levi.

Nagkaroon ako ng kalahating summoning seal ni Sheena. Nangisi ako dahil maaari ko na syang tawagin.

Nakita ko na natamaan ko ang Island Beast.