Chapter 4

Chapter 4

“Hindi ko akalain na lakwatsera pala ang anak mo sa labas, Rodrigo,” bungad sa akin ni Tita Taliana habang nakatayo sa may hagdanan. Nasa tabi niya si Arissa na ngayon ay umiirap na ang mata sa akin.

“Hindi po ako naglakwatsa,” tanggi ko sabay tingin ko kay Papa na ngayon ay nakakunot na ang noo sa akin.

“Tama na nga ’yan, Taliana…” si Papa sabay lapit sa akin. “Mabuti naman at nakauwi ka nang maayos. Hindi ko akalain na magagawa niya iyon…”

“Dad, what are you talking about?” Bumaba si Arissa sa hagdan sabay lakad patungo sa akin. “By the way, can I talk to you about something?"

“What is it, anak? Mamaya na…” pigil ni Papa kay Arissa. 

Bigla akong nakaramdam ng kirot dahil tinatawag niyang anak si Arissa, samantalang ako ay hindi.

“About marriage!” She grinned. “Nagbago ang isip ko after I saw him!”

Napawi ang ngiti ni Papa sabay baling sa akin.

“Alexa, magtungo ka muna sa kwarto mo," seryosong sambit ni Papa sa akin. 

Tumango ako at umakyat na sa hagdan. Medyo natigilan pa ako nang makita ko si Tita Taliana sa may hagdan, matalim ang kanyang tingin sa akin.

Lalagpasan ko na sana siya nang bigla niyang hinawakan ang braso ko. Napapikit ako sa sakit pero ininda ko iyon. 

“Magsumbong ka kay Rodrigo. You will taste hell, Alexa. Wala kang karapatang magreklamo sa kung ano man ang gagawin ko sa ’yo. You are just a pest in our family. Know your place,” mariin niyang sambit bago ako binitiwan.

***

Nakatitig lang ako sa singsing na kumikinang habang nakahiga ako sa malambot na kama. Iniisip ko ang nangyari kanina at hindi ko akalain na hinalikan ako ng lalaking iyon.

I don’t have any idea kung sino siya but his voice is familiar. Hindi ko lang matandaan kung saan ko narinig.

At dahil hindi ako makatulog. Tumayo ako sa aking kama at kinuha ang phone upang tawagan si Nanay. Mabuti at sumagot naman agad siya.

“Nay, kumusta po?” tanong ko at naglakad patungo sa may bintana. Hinawi ko ang kurtina at napatingala sa maliwanag na gabi.

“Anak,  napatawag ka!” malambing na sambit ni Nanay. “Gabi na, ah! Hindi ka ba makatulog?”

“Hindi, eh. Uhm…Nay, maayos ba ang kalagayan ninyo? Bibista po ako r’yan kapag nagka-oras ako,” sambit ko sabay kagat sa ibabang labi.

“Huwag kang mag-alala sa akin, anak. Hindi naman ako pinabayaan ni Rodrigo. Sa katunayan, binisita niya ako kanina upang kumustahin ang kalagayan ko…”

Kumunot ang noo ko at sinara ang kurtina.

“Nay…”

Akala ko ba ay out of town si Papa?

“Nanay, wala ka naman sigurong tinatago sa akin ’di ba? Alam mo naman na may asawa na po si Papa…” Umupo ako sa kama.

“A-Anak, wala. Saglit lang naman siya rito, eh. At saka alam ko naman ’yon,” sagot sa akin ni Nanay sa kabilang linya.

“Mabuti naman, Nay. Kailan po ba ang operasyon ninyo. Gusto ko nando’n ako kapag nangyari ’yon,” ani ko at napatingala.

“Huwag mo na akong alalahanin, anak. Ang mahalaga ay magawa mo ang misyon mo riyan upang tuluyan ka nang makilala ng Papa mo…”

“Nay, k-kailangan ko ba talagang gawin ito?” hindi ko maiwasan ang magtanong at humiga sa kama. “Pangarap ko pong kilalanin niya ako, Nay, s’yempre, naghahangad din naman po ako ng Papa, pero…"

“Anak…” Sumeryoso ang boses ni Nanay. “H-Hindi mo ako naintindihan. Mahalaga na makilala ka ng Papa mo…Mahalaga na kilalanin ka niya…”

“Pero Nay—”

“Alexa Vhriel,” sambit ni Nanay sa buong pangalan ko. “Maiintindihan mo rin ako, anak…”

Iyon ang huling narinig ko kay Nanay bago niya ako binabaan ng tawag. I want my father to recognize me as his own daughter. Hindi ’yong may kapalit na pagpapakasal. Gusto ko ’yong kusa…

Hindi ko maintindihan si Nanay, pero siguro kailangan ko muna siyang sundin.

***

“Hindi ko talaga matatanggap na narito ka, eh!”

Natigilan ako sa pagbaba nang makita ko si Arissa na nakaroba pa. Siya lang mag-isa at gulong-gulo pa ang buhok niya.

“Edi huwag mong tanggapin,” agad kong sambit sa kanya. “Hindi ka naman pinipilit.”

Nagulat siya sa sinabi ko. Nakita ko na may hinanap siya sa katawan ko at nang bumaba ang mata niya sa kaliwang kamay ko ay agad niyang kinuha ang kamay ko sabay tingin sa akin.

“Where did you get this ring?” pasigaw na tanong niya.

Namilog ang mata ko nang tinanggal niya ito sa kamay ko. Nakita ko na namangha siya sa singsing at nang akma kong babawiin ay bigla niyang inilayo, sabay ngisi.

“Did you steal this?” tanong niya.

Agad akong umiling. “Bigay ’yan sa akin. Ibalik mo ’yan!”

“Why would I?” Tinaasan niya ako ng kilay. “I think this expensive ring suits in my ring finger better.”

Umawang ang labi ko nang isinuot niya ito sa kanyang daliri. Inangat niya ito sa ere at nginitian ako.

“See? Mas bagay sa precious finger ko!” Inirapan niya ako. “Don’t worry, kung sino man ang nagbigay sa ’yo nito, maybe he can afford buying another one for you.” Humalakhak siya at iniwan ako.

Naikuyom ko tuloy ang kamao ko.

“Sa ’yo na ’yan,” nasambit ko na lang bago ako bumaba ng hagdan.

Kung gusto niya ang singsing na iyon, sa kanya na lang. Hindi ko rin naman kilala ang lalaking iyon.

***

“Oh, bakit narito ka pa rin?” nagtatakang tanong ni Manang Ena nang makita niya akong tumutulong. “Narito ang Papa mo, baka pagalitan kami!”

Napangiwi ako. “Manang Ena, ayos lang po. Hindi naman po ’yon magagalit. Puwera na lang siguro kung si Sofia o si Arissa ang gagawa.”

“Juskong bata ka, ang kulit-kulit mo talaga—”

“Bilisan niyo mga kilos ninyo dahil may bisita ang Senyor!” Biglang pumasok ang mayordoma at senermonan ang ibang katulong na nag-uusap.

Nang makita niya ako ay nakita ko siyang natigilan ngunit hindi na nagsalita at tumalikod na lamang.

“Kung may ibang trabaho lang talaga, matagal na sana akong umalis sa impyernong ito,” narinig kong sambit ng babaeng kasambahay. “Ang mayordoma talaga rito ang naghihimagsik at saka si Senyora, eh, sama niyo na rin si Senyorita Arissa.”

“Tumahimik ka, Nadia, narito ang isang anak ni Senyorito.”

Agad bumaling sa akin ang isang babaeng kasambahay.

“Ayos lang ’yan, anak naman ’yan sa labas ni Senyor.”

Naibaba ko ang tingin ko at tahimik na lang na tumulong kay Manang Ena sa paglilinis.

***

“Alexa, Hija, tama na ’yan, dumating na ang bisita ni Senyor,” saway ni Manang Ena at sumenyas pa na pumasok ako sa loob.

“Teka lang po, aayusin ko muna ang basurahan,” sambit ko sabay ayos sa mga garbage bag.

“Baka kailangan ka na ng Papa mo roon. Magbihis ka na pagkatapos niyan! Babalik na ako para tutulong sa pagluluto!”

“Sige po!” pasigaw ko na sagot at pinunasan ko ng panyo ang pawis sa mukha ko.

“Uy, Miss!”

Kumunot ang noo ko at agad nag-angat ng tingin. Nakita ko na naglalakad ang isang nakapamulsa na lalaki habang may ngiti sa kanyang labi. Akala ko ay siya lang ang mag-isa ngunit nakita ko na may isang lalaki pa sa likuran niya.

“Salamat naman at nakita kita.” Matamis siyang ngumit sa akin nang tuluyan nang nakalapit.

“Ano ang kailangan ninyo?” Iniwan ko muna ang basurahan.

Nagulat ako nang bigla siyang kumindat sa akin. “Single ka pa ba, Miss?

“What the fuck, brother?” malutang na mura ng lalaki sa likuran at agad umabante.

Bigla tuloy akong nagtaka sa kinikilos nila. Bakit nga ba sila nandito? Hindi ba ay bisita sila?

“I was just curious, my beloved brother,” pang-aasar ng lalaki sabay baling muli sa akin. “I got simp for a house helper. You’re too beautiful to be a house maid.”

“Hindi po ako maid dito,” sambit ko na ikinagulat niya.

“Really? Then, are you—”

“Dominic! Sheldon!”

Sabay kaming natigilan nang marinig namin ang matinis na boses ni Tita Taliana. Napawi ang kanyang ngiti nang makita niya akong kausap ang dalawang bisita niya.

“Mga hijo, nandito lang pala kayo!” Mahinhin na humalakhak si Tita Taliana at pinandilatan ako ng mata. “Let’s go inside. Nasa loob na ang mga magulang ninyo. They are waiting for us, as well as my daughters…”

“Susunod na ako, Tita Taliana. I just want to speak to her—”

“She’s our maid, Dominic,” pagputol ni Tita Taliana. “She’s not worth your time and she has so many things to do!”

Hinawakan ni Tita Taliana ang braso ng dalawa. Naiilang pa rin ako sa tingin ng kasama ni Dominic na Sheldon ang pangalan kaya umiwas na ako ng tingin at tumalikod na sa kanila.

Tama nga naman si Tita Taliana, marami pa akong gagawin at iyon ay ang buwisitin siya.

***

Bumalik na ako sa loob ng mansyon at umakyat sa hagdanan kung saan hindi ko namalayan na nasa malawak na sala pala ang mga bisita ni Papa.

“Rodrigo, you promised to us. Where is she?”

“I changed my mind, Mr. Del Real. My daughter, Arissa is very suitable to be your son’s wife, and she’s a real Monteverde…”

Natigil ako sa pag-akyat dahil sa narinig. Does that mean, hindi na ako ikakasal? Hindi ko maiwasan ang mapatingin sa kanila. Hindi naman nila ako makikita dahil nakaakyat na ako, nakikita at naririnig ko pa rin kung ano ang kanilang pinag-usapan.

“I know, Rodrigo. But this is a life time. We are not into fixed marriage but because we are friends, I considered it. My son is special to us, so kung ano at sino ang gusto niya, iyon ang masusunod.”

Bumuntong-hininga ako at dumiretso na sa guest room na kasalukuyang kwarto ko. Siguro kailangan ko munang umuwi sa amin. Mukhang nagbago na ang isip ni Papa. At saka, miss na miss ko na rin si Nanay.

“Where is the ring?”

Natigilan ako sa paglalakad at biglang nakaramdam ng kaba. Nangatog ang binti ko at hindi maigalaw ang paa ko dahil sa sari-sari na nararamdaman.

Who is he? Paano siya nakapasok sa guest room?

Bumilis ang tibok ng puso ko nang marinig ko ang kanyang mahinang yapak. Nanginginig ang bibig ko at walang salita na lumabas sa bibig ko.

“You gave my ring to her?” kalmado ngunit ramdam ko ang galit sa tanong niya.

“S-Sino ka?” nanginginig na tanong ko.

“I told you, I am your fucking future husband,” malamig na sagot niya sa ’kin. “Hindi mo dapat tinatanggihan ang isang katulad ko.”

Napapikit ako nang naramdaman ko ang presenya niya sa likuran ko. Mahina akong napasinghap nang naramdaman ko ang kamay niya sa bewang ko.

“Wala pang babae ang tumatanggi sa ’kin, ikaw pa lang,” bulong niya sa tainga ko na ikinalunok ko. “I will buy you a ring again. Don’t you dare give it or lose it again, baby…”

Huminga ako nang malalim at puwersahang humarap sa kanya. Namilog ang mata ko nang makita ko kung sino ito 

Umangat ang gilid ng labi niya nang makita niya ang reaksyon ko.

“Now that you know me, it will be easy for me. If you are his illegitimate daughter. I don’t fucking care. I will make sure that you are going to be legitimately mine.”