Blind date

“Wow pre, ang ganda ng motor mo ha. So, ready to joinride na ba? Makakasama ka na sa akin niyan.” 

Ipinakita ko kay Joker ang motor na hiningi ko mula sa aking madrasta, alam ko namang ibibigay niya sa ‘kin ‘to, kaya inexcpect ko na. At personal pa niyang inihatid sa eskwelahan ko, masiyado niyang pinapahalata kung gaano sya sa desperada na mapaamo ang papa.

‘Hindi rin, alam mo namang hindi ako mahilig magpaandar ng ganiyan. Gusto ko lang talagang galitin si Harold, siguradong nag-aalboroto sa galit ‘yon dahil bigla kong nakuha ang gusto ko galing sa nanay niya.” Nakatayo lang ako, habang panay ang kilatis ni Joker sa naturang motor. Ngunit ilang sandali lang ay seryoso itong lumapit sa ‘kin para magtanong. Una’y gusto niyang malaman kung ayos lang ba ako, wala akong sakit o anu pa man. Kaya naman naisip ko na baka naninibago siya sa kung ano mang mga ikinikilos ko. 

Tiyak na alam niya na may kakaiba talaga sa ‘kin, siya lang naman ang pinakanakakakila sa akin bilang ako.

“Ayos lang ako, pre. Sa ngayon siguro ikaw muna ang magdala sa motor na ‘yan. Kapag itinanong kung nasaan ‘yan, sasabihin ko na lang na pinapatest drive ko pa sa ‘yo.”

‘Yon ang isa sa naisip kong dahilan, pero deep inside ay hindi ko talaga kaya ang magpaandar ng mga open vehicles, hindi sa naduduwag ako, ayoko lang na maulit ang isang aksidente na nangyari sa akin dalawampu’t dalawang taon na rin ang nakakaraan. I mean limang taon mula sa panahon na ito. 

“Ikaw ang bahala pre, sa ‘kin ay wala naman problema. Ayon lang, hindi ko ‘to maidederetso sa bahay,” ani Joker habang nakanguso. “Pero puwede siya sa bahay nila Janice. Ano okay lang sa ‘yo ‘yon?” dugtong niya.

Janice? Napapikit ako nang mariin upang isipin kung sino ang Janice na tinutukoy niya. 

“Ano, ayaw mo do’n?” 

“Si Janice ba ay ‘yong girlfriend mong probinsiyana?’ Hindi ko kasi sigurado kung ito ba ang tinutukoy niya na Janice. Pero isang Janice lang naman ang kilalla ko sa buong buhay ko, at ‘yong probinsiyanang Janice Solomon lang ang naiisip ko.

“Grabe ka sa probinsiyana, kapag narinig ka no’n tiyak na mababatukan ka na naman. Pero oo, siya nga, wala naman atang ibang Janice sa buhay ko.” Medyo natatawa pa si Joker sa sinabi niya, halatang may kilig na nararamdaman.

“Sige, do’n na lang. Samahan na kita magdala nito. Nasa’n nga ba siya ngayon? Parang hindi ko siya nakikita nitong mga nakaraang araw,” tanong ko. 

Hiningi ni Joker ang susi ng motor, pinaandar ang makina at ilang beses na pina bumusina. Nahatak niya ang pansin ng maraming estudyante na ikinatawa niya. 

“Gulat na gulat sila, oh,” pag-igik pa ni Joker. Sadyang mapang-asar talaga ang taong ‘to kahit kailan.

“Tsk,’wag mo nang laruin ‘yan, kapag umagaw ka na naman ng pansin sa mga taong ‘yan ay malalaman na naman ni Gov kung anong kalokohan na pinaggagawa mo,” seryoso niyang pagpapaalala sa kaibigan. Hindi lang pagiging grounded ang kaya nitong ibigay sa kaniya, baka masaktan na naman siya ng amang politiko kapag nagkagano’n.

“Oo na, basta mamaya puntahan natin si Janice, sakto kakabalik lang niya galing probinsiya. Magpatulong na rin tayo kung sa blindate na gusto mo.”

…

“Welcome back dad,” masayang yumakap si Terra sa bussiness man nitong ama na kararating lang galing HongKong. Isang linggo rin itong nawala dahil sa usaping pangnegosyo.

“Thank you, baby, I missed you. Anyway where are your brothers?”

“Hi hon,” pagkatapos ay ang asawa naman nitong si Hesusa ang niyakap at ginawaran ng halik sa noo. Parehas sila ng reaksyon ng asawang babae kaya naman parang nakabawi na rin sa jet lag ang matanda.

“Si kuya Harold po nagpunta lang sa restroom dad, si Kuya Julian naman ay on the way na po. May activity lang daw sila sa school na kailangan niyang matapos,”  ani Terra sa ama. 

“Hmm.. gano’n ba. Hayaan na natin, kung usaping pag-aaral naman. San niyo ba gustong kumain ngayon?” 

Naging magaan na ang byahe ni Julius Kordal ng abutin sa kaniya ng kanilang driver ang maletang dala niya. Mas nagkaroon ito ng chance upang mahapit ang beywang ng asawa palapit sa kaniya.

“Naku dad, hindi pa po ba kayo pagod niyan? You should rest na po.”

“Oo nga naman, honey. Baka mamayay bumaba pa ang dugo mo sa sobrang fatique sa byahe. We can just order na lang then take it home.”

“Well, if that would all be okay to you guys, sige. Masakit na nga rin talaga ang likod ko, kailangan na ng massage from my beautiful wife,” pilyong ani ni Julius na siyang ikinatawa ni Hesusa at ni Terra. 

Hindi talaga nawawala ang pagiging witty ng ama ng tatlong Kordal, kahit matanda na ito’y gusto pa rin niyang maayos ang lagay ng pamilya at napapasaya sila in simpe ways.

“Oh, nandiyan na si Kuya Julian pa, at si kuya Harold din po oh.” tinuro ni Terra ang dalawang magkaibang direksyon na pinagmulan ng dalawang binata. Parehong maayos ang porma nang mga ito, ngunit mas pormal ata ang suot ni Julian.

“Pa,” ani Julian, sabay yakap sa kaniyang ama. Sumunod naman si Hraold na yumakap kay Julius at binati ito. Tuwang-tuwa ang lalaking Kordal, parehas na pinuri ang kaniyang mga anak na lalaki. 

Nang makapagtake out nga ng pagkain ay nagpaalam na rin si Julian sa kaniyang ama. SInabi nito na may ka-date siya kaya malalate siya ng uwi ngayong gabi. Baka abutin siya ng alas onse ng gabi sa labas.

Mabilis naman niyang napapayag ang ama pero si Harold ay hindi, ni hindi ito natuwa sa goal na gusto niyang makamit. Dahil kapag nag-iba ang babaeng interes niya ay magbabago rin ang lahat ng plano ni Harold para sa kaniya. Hindi na niya mamamanipula pa ang buhay nito.

….

 At the Bar Two Cents.

Malakas ang dagundong ng musika sa loob, nagpapalit-palit ang makukulay na ilaw na nakadisplay sa itaas ng kisame. Magulo’t maingay ang lugar na ‘yon.

“Pre, narito na ‘yong dalawa sa natipuhan mo, seryoso ka ba na pagsasabayin mo na ang mga ‘to? Baka mamaya ay magkagulo, magsabunutan pa.’ Pilit na ibinubulong ni Joker ang mga iyon kay Julian. Sa lakas ba naman ng tugtog ay hindi sila magkakarinigan talaga, kaya ang pabulong na ‘yon ay parang pasigaw na rin.

Naging maayos ang pakikipagdate ni Julian sa dalawang magandang babae na dumating. Parehas galing sa mayamang panilya, parehong sopistikada, ngunit parehas din na hindi niya type. Wala sa mga ito ang qualities na gusto niya sa isang babae. Lahat sila’y matataas ang standard sa pagiging masaya, halos materyal na bagay ang kaligayahan ng mga ito.

“Wala akong nagustuhan sa kanila.” Deklara niya kay Joker, lumagok ito ng bottled beer nang nakatuon ang pansin sa kaniya. 

“Seryoso? Eh mga chick-ass na ang mga ‘yon ah.”

Hindi na niya ito sinagot pa, hanggang sa nagpaalam si Joker na makikipagsayaw. Pinaalalahanan lang siya na ‘wag mag-iinom ng marami dahil magda-drive pa ito pauwi. Balak niya siyang isumbong kay Janice kapag naging magulo siya ngayong gabi.

Kalaunan ay ianbot silang dalawa ng ten thirty ng gabi bago nagpasyang umuwi na. Hinila na ni Julian si Joker kahit na umaayaw pa ito. Nakaubos na rin si Julian ng tatlong bote ng beer, limit na niya dahil kung aapat pa siya’y baka magsimula nang umikot ang paningin niya sa daan.

“Kaya mo pa magdrive? O ikukuha na kita ng taxi?”

“Wala ka bang tiwala sa ‘kin, pre? Kaya ko, hindi ako lasing.” May kayabangan na ang boses ni Joker, tinatamaan na.

Napakamot si Julian sa noo sa siitwasyon ng kaibigan, ang tigas kasi ng ulo’t hindi nakinig sa kaniya.

“Hindi na, magtaxi ka na, halika na.” Anng kulit na ni Joker to the point na kung ano-ano na ang sinasabi nito sa kaniya. Mga hinanakit sa pamilya at pressure sa kaniyang pag-aaral. Hindi niya hinayaan na makipagmatigasan pa ang kaibigan, ang motor na bigay ng madrasta ang gamit nila pagpunta roon kaya inisip niya kaagad kung paano maiuuwi iyon gayong hindi nga siya basta-basta nagpapaandar ng motor.

“Tatawagan ko na lang si Mang Nardo, bakas sakaling matulungan niya ‘ko.”

Balak niyang biglang na lang nang dagdag na bayad ang matandang driver para sa tulong nito sa kaniya ngayong araw. Mahirap dahil off duty na ‘to pero gagawan daw ng paraan, ayon sa sinabi nto mula sa kabilang linya.

Maagap siyang naghintay sa matanda sa may parking slot ng Bar kahit na medyo naasiwa siya sa malalagkit na tingin sa kaniya ng mga dumadaang party girls. Ngunit sa pag-iwas sa puwestong ‘yon ay isang pamilyar na pigura ang natyempuhan niya na tila ba pinagtutulungan ng tatlong kalalakihan.

Inisip niya munang mabuti kung sino at saan niya nakasalubong ang babae na ‘yon hanggang sa matanaw niya ang tricycle na binabaan ni Mang Nardo. Nagpalipat-lipat ang mata niya mula sa matandang driver, tapos doon sa babae.

Saka natiyak ni Julian na ang babae na ‘yon ay ang anak ng driver nila nang mapansin ang pagkakaparehas ng lakad ng dalawa.