Chapter Ten

CHAPTER TEN

            “HINDI ako bolero. Nagsasabi lang ako ng totoo, maganda ka talaga,” ani North. Napatigil ako sa pagbabalat at kinagat ang pang-ibabang labi ko. Pinipigil kong mapatili. Bakit ba kasi kaylangan pa niyang sabihin ‘yon? Bakit kaylangan niyang iparamdam sa’kin ang ganito?

            Tumingin ako sa kanya, “Pumasok ka na sa loob at wag ka dito. Hindi ako makakapagluto ng maayos niyan kung nandito ka,” pantataboy ko sa kanya. tinalikuran ko siya at hinugasan ang mga nahiwa kong gulay pagkatapos sinunod na hugasan ang baka.

            Baka mabokya tayo dito!

            Narinig ko ang pagbuntonghininga niya at ang yabag ng paa nito paalis. Doon lang ako nakahinga ng maluwag ng wala ng makitang North sa kusina. Nag-umpisa na ako sa pagluluto. Habang ginigisa ko ang bawang at sibuyas ay iniisip ko ang mga binitawang salita ni North. ‘Yung mga galawan niya, susko! Ginugulo niya ang isip ko! Ilang beses akong umiling para alisin ‘yon sa isip ko dahil baka mamaya ay masunog na ang niluluto ko dahil wala ako sa focus.

            Nang matapos ako sa pagluluto ay nagsalin ako ng ulam sa isang bowl na malaki. Kumuha rin ako ng kanin at inilagay sa isang malaking plato. Sabay kong inilagay at inayos sa mesa ang mga pagkain. Inabot ko sa cabinet ang plato, kubyertos at baso. Naglagay ako sa kabisera kung saan nakaupo si North.

            Nang makitang ayos na ay lumabas ako ng kusina at nakita si North na nasa sala, nakaupo sa couch habang nakabusangot ang mukha. Bakit kapag iba ang nakabusangot ang pangit nilang tingnan? Bakit kapag kay North, cute.

            Lumapit ako sa kanya. “North, luto na ang pagkain. Tara na,” yaya ko.

            Tumingin siya sa’kin at sumimangot pang lalo. Tumayo naman ito at nagtuloy sa kusina, nilampasan niya lang ako. Napailing ako dahil sa inasta ni North, napaka-moody talaga ng lalaking ‘yon. Lumapit ako sa may remote, kinuha ko ‘yon at pinatay ang TV. Nagpunta na ako sa kusina, naabutan ko na lang si North na nakaupo na sa kabisera.

            Lumapit ako sa may ref at lumuha ng juice, pagkatapos ay sinalinan ko ang baso nito. Ibinaba ko ang juice sa lamesa.

            Tumingin sa’kin si North na kinakaba ko.

            “Bakit? Hindi ba masarap? May kulang ba?” sunod-sunod kong tanong.

            Umiling siya sa’kin at nagpunas ng bibig. “Hindi, masarap siya. Kaya lang hindi ka ba sasabay sa’kin?” tanong niya habang nakatingin sa may kanan nitong pwesto na walang plato.

            “Ah hindi na, North. Mauna ka na pagkatapos mo saka ako kakain,” ani ko.

            Kumunot ang noo niya saka napailing. “Alam mo kaya nga kita pinatura dito para may kasabay din ako sapagkain. You see? Walang espirito ang kinakain ko dahil mag-isa lang din ako,” mahabang lintaniya niya.

            Napakamot ako sa ulo bago lumapit sa isang cabinet, kumuha ako ng isa pang plato at kubyeros pati na rin ang baso, lumakad ako pabalik at umupo sa tabi nito.

            Nakangiti siya ng umupo ako. Ibinaba ko ang plato ko at akmang kukuha ng sariling pagkain ng hawak ni North ang kamay ko.

            “Let me,” aniya. Kinuha niya ang kanin at ipinaglagay ako sa plato ko.

            “H-hindi mo naman na kaylangang gawin ‘yan,” nahihiyang wika ko habang nakayuko.

            Ramdam ko ang tingin niya sa’kin habang nilalagyan ng ulam ang plato ko. “It’s okay. I want to do it.” Nang matapos no’n ay nginitian niya lang ako. “Okay, let’s start to eat.”

            Sumunod ako sa kanya at kumain na din. Habang kumakain ay nag-umpisa itong magpatawa na para bang normal na sa ‘min ang ginagawa namin ngayon kahit unang beses naming kumain ng magkasabay.

            “Do you want me to help you?”

            Tumingin ako kay North na nakatayo sa likod ko. Nililigpit ko na kasi ang kinainan namin.

            “Hindi na. Kaya ko na, North. Magpahinga ka na maaga ka pa ‘yung pasok nati bukas,” ani ko at pinunsanan ang mesa.

            Tumango siya. “Okay just call me when you need help.”

            Sinagot ko siya ng ngiti at lumapit na ako sa lababo. Inumpisahan ko na ang paghuhugas ng plato, mabilis lang akong natapos dahil kakaunti lang naman ang mga ginamit namin. Lumabas ako ng kusinaat nagpunta sa sala. Inayos ko ang pagkakalagay ng mga throw pillow. Tumingin ako sa wall clock at nakitang nine pm na pala.

            Pumasok ako sa kwarto ko at kinuha ang bag ko. Pinatong ko ito sa ibabaw ng kama at binuksan. Inilabas ko ang mga damit ko at nagpunta sa harapan ng closet. Binuksan ko ito at inilagay sa loo bang mga damit ko. nag-iwan lang ako ng isusuot ko ngayong gabi at pagkatapos sinarado ko na ito. Pumasok ako sa banyo at napanganga dahil sa pagka-magara nito.

            Ang shower ay nakapaloob sa isang wall glass, may bathtub rin sa gilid. Toilet na katabi ng lababo. Ang salamin ay mahab at nasa itaas siya ng lababo na mahaba rin. Lumapit ako dito at tiningnan ang mga hindi pa nabubuksang gamit pangbabae. Kumpleto miski ang mga napkins.

            Napangiti ako at nagtuloy na sa shower. Binuksan ko ito at naligo. Unang beses kong nakagamit ng shower dahil de tabo lang naman kami, ang sabon ay mabango at halatang mamahalin. Binilisan ko ang pagligo dahil gusto ko ng matulog. Maaga pa akong gigising bukas para ipagluto ng pagkain ang boss ko.

            Nang matapos ay lumabas akong nakatapos lang ng towel, lumapit ako sa may pinto at ni-lock ‘yon. Pagkatapos ay lumapit ako sa damit kong nasa ibabaw ng kama. Sinuot ko ang mga damit at pinatuyo sandali ang buhok ko. Nang masiyahan ako ay sinampay ko ang towel at humiga na sa kama sabay pinilit na matulog.

            KINAUMAGAHAN ay maaga akong nagluto ng almusal. Ala-sais na at natapos ko na ang paglilinis pati na rin ang almusal ni North. Naglagay na rin ako ng baon nitong pagkain sa nakita kong baunan sa lalagyan. Nakalagay ‘to sa isang paper bag. Nagtimpla ako ng kape.

            “You’re early,” puna ni North mula sa likod ko. Well, kami lang namang dalawa dito kaya alam kong siya na ‘yon. Unless may nakikita kayong hindi namin nakikita? Dora ka teh? Magtatanong kahit alam na ‘yung sagot.

            Humarap ako sa kanya at nginitian siya. “Lunes kasi. Kumain ka na,” ani ko at ibinaba ang kape sa may tabi ng plato nito. Umupo ako sa may kanan niya at pinaglagay ko siya ng pagkain.

            Nakatingin lang siya sa’kin hanggang sa matapos ako.

            “Pwede ka ng mag-asawa,” aniya at humigot sa kape.

            Naglagay naman ako ng pagkain ko sa plato. “Mag-aasawa ako kapag nakapagtapos na ako ng pag-aaral at kaya ko ng bumuhay ng mga anak,” sabi ko sa kanya at sumubo ng pagkain.

            Gano’n rin ang ginawa nito. Kumain. “So, after graduation you will marry me?”

            Nabilaukan naman ako sa tanong niya sa’kin. Inabutan niya ako ng tubig na mabilis kong kinuha at ininom. Gulat akong tumingin dito.

            “A-alam mo North… napaka-palabiro mo, noh?” ani ko at nag-iwas ng tingin dito. Nagpunas ako ng bibig ko at tiningnan ang binata. “M-maliligo na ako. Matagal kasi akong maligo baka mamaya mahuli tayo,” pagdadahilan ko at mabilis na tumayo.

Tumakbo ako palabas ng kusina at nagpunta sa kwarto ko. Ini-lock ko ang pinto pagkatapos ay sumandal ako. Napahawak ako sa d****b ko.

            Ang bilis ng tibok ng puso ko, ang mga alaga kong bulate sa tiyan mga nangingisay na akala mo inasinan. Hiningal ako ng hindi ko alam kung bakit. Huminga ako ng malalim at pumikit ng mariiin.

            “Anong bang pinagsasabi niya?! Alam ba niya ang sinasabi niya?! Diyos ko naman! Lord, help me!” ani ko, napaupo ako sa lapag at sinandal ang ulo ko sa pinto. Ilang minuto din akong nasa ganoong posisyon ng mapagpasyahan kong tumayo at maligo na.

            Nakaligo na ako. nakaupo ako sa kama. Tumingin ako s aorasan at nakitang seven thirty na ng umaga. Lumabas ako ng kwarto at nagtuloy sa kusina.

            Sumilip muna ako sa loob kung nando’n pa si North, nang makitang wala na ay pumasok na ako. nakaligpit na ang mga nagamit na plato kanina at nasa lababo na rin. Lumapit ako at hinugasan ang mga ‘yon. Nang matapos ay nagpunta ako ng kamay. Lumabas ako ng kusina at nagpunta sa kwarto ko. kinuha ko ang bag ko at lumabas ulit.

             Nakita ko si North na nasa sala at mukhang hinihintay ako. Tumingin siya sa’kin.

            “Let’s go,” anito.

            Kumunot ang noo ko. “Saan?” tanong ko. Naalala ko ang baon ni North kaya naman nagpunta ako sa kusina. Kinuha ko ang baon ni North at bumalik na rin sa sala.

            “Sa office. Sa’kin ka sasabay dahil sa iisang lugar lang rin naman tayo pupunta,” aniya.

            “Ano?! Hindi ba nakakahiya sa’yo?”

            Lumapit siya sa’kin at hinawakan ang kamay ko. “No, so let’s go,” aniya.

            Nagpatiaanod naman ako sa kanya. Bumaba ang tingin ko sa kamay kong hawak-hawak niya. Tumingin ako sa likod niya. Wag naman sana! Pigilan hanggang kaya! Baka pag-nahulog walang sumalo sa’yo.

            Pumasok kami sa loob ng elevator, hindi pa rin niya binibitawan ang kamay ko kaya naman ako na ang kusang bumabawi, hahawakan sana ulit ni North ang kamay ko ng bumugas ang pinto ng elevator, pumasok sa loo bang mga tao. Sobrang dikit na naming dalawa. Wala ng space ang mga katawan namin. Naamoy ko na rin ang panlalaki niyang pabango. Ramdam ko ang mainit niyang hininga sa ulo ko.

Muntik na dapat akong masubsub sa katabi ko sa kanan ng biglang may umurong galing sa harapan. Mabuti na lang ay nahawakan ako ni North sa bewang ko. Napalunok ako. Siya ang unang lalaking nakahawak sa’kin s abewang ko. Kahit noong nasa high school at ngayong nasa kolehiyo ay walang nagtangka.

     Tumingin ako sa kanya. Nagtama ang mga mata naming dalawa. Ang mga mata niyang nakaka-hypnotize. Napakalapit ng mga mukha namin. Aakalain mong naghahalikan kami, naamoy ko na ang mabango nitong hininga. Akmang maglalapat ang mg alibi namin ng biglang tumigil ang elevator, naglabasan ang mga tao. Naitulak ko siya ng mahina at tumikhim ako.

     Kaming dalawa na lang ang tao dito sa lob. Tiningnan ko siya at yumuko ako. Nauna akong lumabas at naramdaman ko ang pagsunod sa’kin ni North. Lumingon ako ng hawakan nito ang braso ko pagkatapos at hinila ako papunta sa may parking area. Huminto kami sa harap ng Ferrari nito.

     Ang binata ang nagbukas ng pinto para sa’kin. Pumasok naman ako at sinarado na nito. Sumunod itong umikot at pumasok sa driver’s seat. Wala pang limang minuto at pinaandar na nito ang kotse.

     Tumingin ako sa labas ng bintana at doon itinuon ang atensyon sa buong byahe. Kung hindi nagbukas ang elevator kanina ay malamang na nakuha na niya ang first kiss ko. Siguradong maaring may makakita sa ‘min kanina kahit isang tao at nakakahiya ‘yon! Sobra!

     Nang malapit na kami sa A.V. Corp ay humarap ako kay North.

     “Bababa na ako,” ani ko sa kanya.

     Tumingin siya sa’kin at kinunutan ako ng noo. “What do you mean, bababa ka na?”

     “Dito na lang po ako bababa. Baka kasi mamaya ay mapag-tsismisan tayo,” nag-aalalang turan ko.

            “Tss. So? Ano namang masama? I’m single and you’re single right, there’s no wrong with this,” aniya at tumigil sa may gilid ng kalsada sa mismong tapat ng building.

            “Masama kasi boss kiya at empleyado mo ako,” pagdidiin ko sa kanya.

            “So? Ano namang masama do’n? Pareho naman tayong tao.”

            “North, hindi mo ba naiintindihan? Hindi nila pwedeng makitang magkasama tayo! Ano na lang ang sasabihin nila? Na nilalandi kita kaya ako nakasama sa OJT? Na nilalandi ko ang boss ko?!” mariin kong sabi sa kanya.

            “Hindi mo ako nilalandi!” mariin niya ding sigaw sa’kin.

            Huminga ako ng malalim at tiningnan siya. “Sir, sorry po pero bababa na ako. Mamaya ay hindi po ako sasabay sa inyo pag-uwi. Salamat po,” ani ko at binuksan ang pinto. Lumabas ako at tumawid sa may kalsada.

            Hindi ko akalaing magkakaroon ng away sa pagitan naming dalawa. Nang makapasok ako sa loob ng building ay pinagtitinginan ako pero hindi ko sila pinansin. Pumunta ako sa fire exit at do’n dumaan. Habang papanik ay kinakalma ko na ang sarili ko.

            Ngayon ko lang napagtanto ang ginawa ko. Jusmiyo! Sinigawan ko ang Boss ko! Ano ba namang katangahan ‘yan?! Susko!

            Nang nasa fifth floor na ako ay lumabas ako ng fire exit at pumunta sa tapat ng elevator, lahat sila ay nakatigin sa’kin dahil ngayon lang ako nagpunta sa floor na ‘to. Hinintay kong bumukas ang elevator ay ng mangyari ay agad akong pumasok. Pinindot ko ang top floor at naghintay. Bumukas ang pinto at lumabas ako, nilakad ko ang office ni Sir North.

            Nasa harap na ako ng pinto pero bago ako pumasok ay huminga muna ako ng malalim at ngumiti. Pinihit ko ang seruda ng pinto at pumasok. Naabutan ko sa loob si North, naka-upo sa upuan nito na parang hari. May binabasa ‘tong kung ano. Hindi niya ako binigyan ng pansin habang nandito ako sa loob.

            Tatawagin lang niya ako kung may iuutos na siya. Tumingin ako sa labas ng bintanan. Tirik na tirik na ang araw sa labas.

            Tiningnan ko ulit si North at hindi pa rin ako pinapansin. Napaka-upo ako sa may sofa at pinapanood lang siya. Mabigat sa pakiramdam! Bakit ba ganito?! Nakakainis! Ambigat sa pakiramdam ng hindi niya ako pinapansin at kinikibot! Wala naman akong ginawang masama ah. Sinabi ko lang naman ‘yung totoo na hinidi kami pwedeng makitang magkasama. Paano na lang kung masira ang pangalan niya dahil sa’kin?

            Lalapitan ko sana siya ng bumukas ang pinto at pumasok mula do’n si Veronica. Parang hindi ako nakita dahil tuloy-tuloy itong lumapit kay North at umupo sa lap ng binata. Tumaas ang kilay ko. At anong akala mo sa’kin? Multo?!

            Tumikhim ako para makuha ang atensyon nila. Seryosong tumingin sa’kin si North kaya tinapatan ko ng kaseryosohan din ang titig niya.

            “Sa labas lang po ako, Sir. Tawagin niyo na lang ako if may pag-uutos pa kayo,” ani ko. Hindi ko na hinintay ang pagsang-ayon niya, mabilis akong tumalikod at naglakad palabas. Lumapit ako sa table ni Miss Jess, nginitian niya ako ng makita akong papalapit.

            Bahagya akong ngumiti sa kanya. “Hi, Ms. J,” bati ko.

            Tumigil siya sa ginagawa at tumingin sa’kin. “o, bakit nandito ka sa labas? Hindi ba’t sinabi ni Aris na hindi ka aalis sa loob?” tanong niya.

            “Nasa loob po kasi ‘yung girlfriend ni Sir North. Nakakahiya naman kung nasa loob ako habang sila ay naglalampungan. Third wheel ang peg gaya ni Dimitri,” nakakalokong sabi ko dito. Tumawa si Miss Jessie.

            “Alam mo, ikaw talagang bata ka… nakakatuwa ka. Osige, dahil mukhang wala ka pa namang gagawin ay baka pwedeng ikaw na lang ang magdala nit okay Hard sa ibabang floor natin? Sabihin mo kaylangan ng approval niya ulit bago ko ibigay kay Aris,” aniya at inabot sa’kin ang isang folder.

            Kinuha ko naman ‘yon. “Sa ibabang floor po natin?” tumango siya. “Okay po,” ani ko at tinalikuran na siya. Aglakad ako papunta sa elevator at pumasok sa loob. Pinindot ko ‘yung sumunod na na floor sa’min at hinintay bumukas. Lumabas ako at lumapit sa may table sa labas.

            “Nandiyan ba si Sir Hardy?” tanong ko sa secretary nito.

            Tiningnan niya ako mula ulo hanggang paa bago binalik sa mukha ang tingin ko. “Oo. Anong kaylangan mo sa kanya?” mataray nitong tanong.

            Pinakita ko sa kanya ang hawak kong folder na sa tingin ko’y mga reports. “Pinapadala ‘to kay Sir Hardy, sabi ni Miss Jessie ay kaylangan na daw ng approval niya bago ibigay kay Sir North,” ani ko.

            Tumango siya sa’kin. Nginitian ko siya ng matamis at lumakad papunta sa pinto ng office ni Sir Hardy, tatlong beses akong kumatok bago binuksan ang pinto. Nakatingin ito sa’kin ng sumilip ako do’n.

            Ngumiti ito ng malaki. “Hi there, babe!” aniya.

            Pumasok ako sa loob, sinarado ko ang pinto. Lumakad ako papunta sa kanya. “Good morning, Sir. Pinapadala nga pala ni Miss. J, need daw ng approval mo bago ipakita kay Sir North,” ani ko at ibinaba sa lamesa ang reports niya.

            Tiningnan niya ‘yon bago ibinalik ang tingin sa’kin. “Okay, babe. Padala ko na lang mamaya. By the way? Did you eat already? Gusto mo sabay tayong kumain mamaya?” maloko niyang tanong.

            Umiling ako sa kanya. “Hindi na po, Sir. Wala naman po akong balak kumain ng lunch.”

            “Why? Ayaw ka bang payagan ni Aris? I will talk to him para payagan ka,” aniya na may pagtatakang mababasa sa mukha.

            Umiling ako. “Hindi na, Sir. Aalis na po ako baka mamaya ay may iuutos pa sa’kin,” paalma ko at tumalikod na para lang humarap ulit ng tawagin niya ako.

            “Can I get your number? So I can call you every time,” aniya sabay tayo.

            Nahihiya akong ngumiti sa kanya at yumuko. “Wala po akong phone, Sir, nasira na po kasi ‘yung luma ko at wala pa akong ipon para bumili ng bago,” mahabang sabi ko.

            “Gano’n ba?” tanong niya. Tumango ako ditpo.

            “Sige po, Sir. Mauuna na ako.” Lumabas ako palabas ng office nito at pumasok ulit sa elevator, nakarating na ako sa floor namin. Tinabihan ko ng upo si Miss. Jessie.

            “Ms. J, gusto mo po tulungan ko na kayo sa ginagawa niyo?” alok ko sa kanya.

            Tumingin siya sa’kin at umiling habang nakangiti. “Hindi na, Camilla. Umupo ka na lang diyan at magpahinga. Baka utusan ka rin ni Aris mayamaya,” aniya.

            Tumango ako at umupo na lang.

            “Ms. J, pwede po ba akong magtanong?”

            “Oo naman, ano bang itatanong mo?” aniya.

            Tiningnan ko muna si Ms. Jessie na busy-ng busy sa ginagawa niya. hindi naman siguro niya mamasamain ‘yung tanong ko ‘di ba?

            “Girlfriend po ba ni Sir ‘yung babaeng nasa loob?”

            Nilingon niya ako. “Hmm… bakit mo naman natanong?”

            Umiwas ako ng tingin sa kanya. “Ahm… gusto ko lang po malaman kasi madalas magpunta ‘yung babaeng ‘yon dito.” Ani ko.

     “Well ang alam ko ay oo, pero hindi ko sigurado. Wala naman kasing nak-kwento si Bryan sa’kin about do’n,” aniya.

     Napatango ako sa sagot nito. Hindi na ulit ako nagtanong dahil baka mamaya ay mag-isip pa siya g iba. Napapikit ako ng mariin ng maalala ang sinabi ko kanina.

     North, hindi mo ba naiintindiha? Hindi nila pwedeng makitang magkasama tayo! Ano na lang ang sasabihin nila? Na nilalandi kita kaya ako nakasama sa OJT? Na nilalandi ko ang boss ko?!

     Jusko Camilla!