CHAPTER 8: THE SPY

SONORE ASANO

Nasa headquarters kami ngayon at nagmemeeting kasama ang iba pang matataas na opisyal. Nasa gitna ng mesa ang isang hologram na nagpapakita ng nangyari sa Central System kagabi. Isang virus at isang logo ng Tigre ang makikita sa hologram.

"May naghack ng Central System kagabi at nilagyan ito ng virus. Narestore na ang system kanina, at natrace na ang hacker, pero hindi pa siya nahuli. We think that they are spies from the South base sa mga kinuha nila sa system. Mga confidential information at mga importanteng files ang ninakaw nila mula sa system at sisend ito sa South," paliwanag ng nagsasalita sa harapan habang kinokontrol ang hologram.

"Natrack na ang mga ito at hinabol ng mga pulis at intelligence. Hindi lang isa ang spy na nandito kundi lima, base sa mga taong laman ng kotse na hinabol ng aming team na bigla ring nawala," dagdag niya. Pinindot niya ang remote ng hologram at lumipat ito, sabay pakita ng mga CCTV footage. Hindi klaro ang mga mukha ng mga espiya sa kuha ng CCTV.

"This is the CCTV footage we got from the hotel kung saan pinaghihinalaang nanatili ang mga espiya. Walang makapagbigay ng mukha ng espiya sa loob ng building," paliwanag niya. Nagplay ang footage at nakuhanan doon ang limang taong nakabalot ng mask sa mukha, palabas sa isang kwarto.

"Sinubukan din naming kunin ang iba pang CCTV footage, pero misteryosong nawala ang mga ito. Ganun din sa mga CCTV ng mga poste ng kalsada at iba pang establisimyento na pwedeng nahagip sila, pero wala ni isang footage kaming nakuha. May virus din ang system ng hotel at kapareho ito ng virus na nilagay sa Central System, na may logo ng Tigre. Walang pagkakakilanlan ang mga espiya, pero alam na ang mga kasarian ng mga ito."

"Humingi narin kami ng mga statements mula sa mga saksi, pero ni isa sa kanila, walang nagsalita. Natakot ang mga ito nang malaman nilang espiya sila mula sa South."

Isang lalaking blonde at isang lalaking itim ang buhok ang nasa unahan, at may tatlong babae sa likod. Yung panghuling babae, siya ang nakakuha ng atensyon ko. Para kasing siya yun, si Spider Girl.

Possible kaya siya yun? Hmmm, napapaisip ako. Oo! Possible nga! Come to think of it! Mula sa unang pagkikita namin hanggang sa pagkarate niya kay Rodney sa Club. She's no ordinary person, baka alien talaga siya mula sa North Pole ng Pluto. Yung ginawa niya, hindi ginagawa yun ng pangkaraniwang babae!

But I have no evidence, so I need to find some proof. Hanggang walang proof, hindi mapapatunayan ang hinala ko.

Oh! She's my neighbor! Tama! If wala siya doon sa kabila, it simply means tama ang hula ko.

Pero paano kung nag-check-out na pala siya? Is this a coincidence? Damn! I'm going crazy!

"Sonore..." May tumawag sa pangalan ko.

Pupuntahan ko siya mamaya pagkatapos ng meeting.

"Sonore, are you listening?!"

Hmmm, what if siya yun?

"AGENT SONORE ASANO!" Biglang sumigaw ng pangalan ko, kaya napatayo ako sa gulat.

"YES SIR," sagot ko.

Napa-iling nalang ang superior ko.

"Pakeneng Shet!"

Narinig kong pigil na natawa ang tatlong ugok sa tabi ko. Tiningnan ko sila ng masama at sinubukang mag-focus.

Damn! Yung babaeng yun kase!

Napatitig ako sa hologram at sinusubukang i-absorb ang nangyayari.

Damn! My head hurts! Pero mas masakit pa kung walang ulo. Buti na lang dalawa ulo ko.

Pinaliwanag na sa amin ang magiging misyon namin. "We are going to hunt the hunters. We will turn this table upside down and they will be caught."

Magtago na sila ng maigi dahil bukas at di na sila sisikatan ng araw. BWA HA HA HA HA! Medyo over yun.

Hindi na ako nagka-chance pa na pumunta sa hotel ni Spider Girl dahil kailangan na naming umalis papuntang Ace City, kung saan huling namataan ang mga espiya.

Hindi naman siguro siya ang espiya, diba? At isa pa, nag-iisa lang siya dun sa kwarto niya. Baliw lang siguro siya kaya niya nagawa yung mga bagay na yon. Depressed siguro sa buhay, saka walang nagmamahal. Naku, kelangan niya ng doctor para dyan.

Nag-iisa lang ba talaga? Oo, sa puso ko, yieee, tangina, kinilig ako dun!

Yawa, corny! Kadiri! 'Yoko na mag-isip!

Napasabunot ako sa ulo ko habang iniisip yun, at hindi pala yun nakaligtas sa pananaw ng tatlong uwak na nasa tabi ko.

"Dre, iba na 'yan! Signs na yan ng pagka-ulol," sabi ni Rodney na may pagkakanguso.

"Pftt, hanep yung standing ovation mo kanina, bro!" natatawang sabi ni Michael.

"Let me guess, ginugulo ka ni Spider Girl, noh?" asar ni Derrick habang nagtaas-baba ang kilay nito.

"W-Wala noh! A-Anong ginugulo ka diyan?!" Takte! Bakit ako nautal?!

"Oooh! Oo nga pala, guys! Speaking of Spider Girl! Nameet ko siya kagabi! And guess what?!" Si Rodney.

"Ano?" excited na tanong ni Derrick at Michael.

"Si Spider Girl at yung babaeng kumarate sakin sa club ay iisa!!" Natatawang sagot ni Rodney.

"Small world, isn't it?" Pahabol niya.

"WHAT?!" reaksyon ni Derrick at Michael.

"Pffttt, you mean yung kumarate sayo twice?" natatawang pagpapaalala ko sa kanya.

"Yeah, ang bumasag ng pagkatao ko," si Rodney sabay emote.

"Ulol! Ano ka?! Bataan? Babasagin?!" bulalas ko.

OA neto! Sarap sapukin.

ASTRION MONACCE

Nasa hide-out kami ni Core ngayon sa Ace City. Nag-spread out kaming lima noong bagong salta palang kami dito sa Norte para mag-ikot-ikot at obserbahan ang bawat syudad. Bawat isa sa amin ay may hide-out kung saan-saan.

Takte! Naalala ko na naman yung pinaggagagawa ko!

Bumalik sa utak ko ang ginagawa kong panlilimos sa kalsada para magobserve sa paligid ng city.

"Ate, kuya, palimos po. Pangkain lang po ng mga kapatid ko." Eto ako, nanlilimos sa kalye at umaarteng gutom pero busog na busog ako sa kagwuhan ugh!

"Mama, may barya ka po? Ibibigay ko lang po kay Manong na nanlilimos," tanong ng bata sa mama niya.

Syempre! Todo outfit ako bilang manlilimos! Ako na yata ang pinakagwapong taong grasa sa balat ng Hales! Taob sa'kin lahat ng homeless dito.

Madumi, mabaho, at makalat na buhok? CHECK!

Madungis ngunit gwapo pa rin! CHECK NA CHECK! Fit check! PERO WALA PA'RIN NAGBIBIGAY NG BARYA! Biro lang, 'di ako desperate, noh!

"Anak, di natin kaano-ano yan! Tingnan mo itsura oh! Napakapanget! Baka mamaya monster yan! Kainin ka! Nakuuu!" Luhhh, makasabing panget to! Hiyang-hiya ang matangos na ilong ko sayo! Mabuti mabait 'yong anak mo. Ampon mo ba 'yan? layo ng ugali sa'yo.

"Pero Mama, kawawa naman siya oh! Wala pa daw siyang kain. Segi na po, pleaseee?!" sabay beautiful eyes sa mama niya.

Tama yan, bata! Maging mabait ka, wag kang gagaya sa mama mong hukluban! Ibebless ka ni kuya, pagnareunite na 'tong bansa na'tin, ililibre kita ng ice cream.

"Wala akong barya, Anak eh. Balikan na lang natin siya mamaya, okay?" Tss, sinabihan pa akong panget tapos wala pala siyang barya!

Biglang lumapit yung bata sa akin at binigyan ako ng kendi.

"Hi po, Manong! Kendi po muna ibibigay ko ha? Wala daw barya si Mama eh. Eto po oh." Nakangiti ito ng matamis at maamo sa akin.

"S-Salamat, b-bata..." Natulala ako sa kanya.

Agad itong tumakbo pabalik sa mama niya at kumaway pa ito sakin bago umalis.

Parang biglang tumigil ang mundo ko at parang nag-iba ang paligid ko, na parang may bumalik na hindi ko maalala. Biglang may boses akong naririnig at memoryang bumabalik. Hindi ko mahagilap at maklaro ng buo ang nasa alaala ko.

Isang blurr na pangyayari, pero ang boses ng bata ay klarong-klaro sa akin. Puno ang sakit na parang binobomba ang ulo ko sa boses na yon, na parang may hindi magandang nangyari na hindi ko maalala.

"Kuya! Kendi? Gusto mo?"

"Kuya, sayo na tong pagkain, oh."

"Hi Kuya Asti!"

"Talaga kuya? Tutulungan mo kami ni Ate ko?"

"Kuya wagggg!"

"Wag pooo! Parang awa niyo na!"

"Kuya masakit! K-Kuya masakit! Tama na po, pakiusap!"

"Tama na pooooo! Parang awa niyo naaaa."

Boses ng bata na umiiyak at nagmamaka-awa.

Kanino? Sakin? Sino siya?! Sino siya?!!!! Bakit di ko maalala?

Napasabunot ako sa ulo ko at pinukpok ito ng ilang beses. Parang umiikot ang mundo ko at lahat ng sa paligid ko.

May hindi ba ako natatandaan? Sino ba ako?! Sino ang batang yon?! Ano bang nangyari noon bago ako mawalan ng alaala?!

Ano ba ang nangyari bago ako naaksidente? Bakit may boses ng bata?!

Puno ng tanong ang aking utak nang biglang may tumapik sa likod ko.

"Oi! Ays ka lang?" sabi ng tumapik sakin, at ng lingunin ko ito, ay nakita ko si Camuri.

"C-Camuri, ikaw pala."

"Bro, anong nangyari sayo? Ba't parang may masakit sayo? Sinapak ka no'ng bata?" tanong niya.

"Ulol hindi! Bigla lang sumakit ulo ko, sumakit ang bewang ko, sexbomb, sexbomb, sexbomb!," sagot ko sabay kinanta ang spaghetting pababa at ngumiti ng pilyo.

Hindi ko na alam kung anong klaseng sakit ang nararamdaman ko. Tumulo ang luha ko. Pati si Camuri ay nagulat sa nakita niyang luha ko. Humagulhol ako na parang tanga sa gitna ng maraming tao.

"H-Huy, baka akalain ng dumadaan inaway kita." She tapped my shoulder na may pag-aalangan. I appreciate it. She's not the type na nagpapakita ng emotion lagi but we all know she's a great person.