CHAPTER 3 - Feud In The Family

Hindi nagustuhan ni Agnes ang sinabi ng madrasta, sumama ang mukha ng dalaga. "Ako pabigat? Sige nga tita, magkuwentahan tayo kung sino ang MALAKAS gumastos dito, kung sino ang totoong 'pabigat'!" Sinulyapan ni Agnes ang mga alahas na suot ng madrasta nang ganito kaaga.

"Una, hindi lang ako ang nakikinabang sa pera ni daddy, hindi ba kayo rin'g mag-ina?"

Sumama ang mukha ni Marina. "AGNES! sumasagot ka na nang ganyan sa 'kin ngayon?!"

"Opo! dahil alam kong nasa katwiran ang mga sinasabi ko, at hindi pa 'ko tapos..... Iyang mga alahas n'yo, kaninong pera ang ipinambili n'yo diyan? 'yung sobrang mahal na tuition fee ni Maylene, sino ang nagbabayad? Isama pa natin ang ibang luho n'yo katulad ng pagsusugal n'yo't halos araw-araw na pagsho-shopping n'yong dalawa, hindi ba sa daddy ko nang-gagaling 'yon?"

Nagkaroon ng katahimikan sa buong hapag. Maya-maya:

"Hoy, Agnes! Sumosobra ka na sa pagsagot-sagot mo sa mommy ko a, baka nakakalimutan mo, kabilang na kami sa pamilya'ng 'to, kaya ayusin mo ang pagtrato sa 'min!" Talak ni Maylene nang makitang hindi na makapag-salita ang ina.

Nagtawa si Agnes. "Ayusin ko ang pagtrato ko sa inyo? E kayo? Paano n'yo ba ako tratuhin? Lalo ka na, kung umasta ka akala mo ikaw ang totoong anak ng may-ari nito'ng Villa. Hoy Maylene, hindi ka totoong anak ng daddy ko, kaya hindi ka ba nahihiya noong pinagtatrabaho ka n'ya sa kumpanya ng ninong Efren ko para ma-reduce kahit paano ang mamahalin'g tuition fee mo? pero ayaw mo?..... Hindi mo ba naisip na tulong iyon kay daddy? Aba, daig mo pa ako e, dahil halos walang gastos si daddy sa pag-aaral ko, dahil nagpa-scholar ako!"

Hinampas ni Marina ang mesa. "Tama na! Tumigil ka na Agnes, mas matanda ako at si Maylene sa 'yo, wala kang galang!"

"Pasensiya na tita, pero mas gusto kong igalang 'yung mga karapat-dapat galangin."

"At talagang sumasagot ka pa, ha!..." Dinampot ni marina ang tasa'ng inuman ng kape at ibinato kay Agnes, mabuti na lang at alisto ang dalaga. Nasalag iyon ni Agnes at naibato pabalik kay Marina.

"Ahh! Aray!" D***g ni Marina nang tamaan ito sa noo.

"M-mommy!!" Sigaw ni Maylene.

"Anong nangyayari dito?!" Natigilan ang tatlo sa mesa sa pagdating ng isang may-edad na lalaki, hawak nito ang kamay ng isang batang lalaki.

.

.

.

Tahimik ang buong hapag maging ang mga naroroon, habang ang tanging maririnig lang ay ang pagtunog ng may kalumaan na'ng orasan na naka-sabit sa may kataasang haligi ng Villa.

Ilang beses na'ng nagtanong ang haligi ng tahanan'g naroon'g naka-upo sa kabisera ng mesa, ngunit gaputok man sa mga itinanong niya ay walang sumagot.

"Ano, ganito na lang ba tayo?...." Mahina niyang tanong. "Hindi ba talaga kayo aamin, ha? Maylene, Maring, Agnes.... Hindi ba talaga kayo magsasalita?....."

CRASHH!!

Nagitla ang lahat nang biglang hawiin ni Eduardo ang ilang nakalatag na pagkain na abot niya. Nahulog ang mga iyon at nagkanda-basag sa sahig "HINDI BA TALAGA KAYO MAGSASALITA?!!"

Sa gulat at takot ay napayakap ang mag-ina sa isa't-isa. Habang ang bata naman'g katabi ni Agnes na halos ayaw na'ng humiwalay sa kanya ay natakot din, at ngayo'y nakayakap nang mahigpit sa dalaga.

"D-dad...." lakas-loob na tawag ni Agnes. "P-please.... natatakot ang kapatid ko."

Sumunod si Marina. Bahagya itong nagkaroon ng lakas ng loob at ginaya si Agnes. "O-oo nga Edward.... s-sayang ang pagkain... h-h'wag mo naman'g itapon."

Pinanlisikan ng tingin ni Eduardo si marina. "Nanghihinayang ka? Sino'ng bumili niyan?! Sino?!!"

Naitikom ni Marina ang bibig. 'Ikaw.... Hindi ko naman sinabing ako, e.' wika n'ya sa loob-loob niya.

"Ano'ng sinabi ko sa inyo bago ako umalis? Nalimutan n'yo na ba?..... Kahit hindi kayo magkakasundo huwag kayong magsasakitan. Pero ano yung inabutan ko? Nagbabatuhan kayo ng baso!! Iisang pamilya tayo pero bakit mga nag-aaway kayo? Ano ang problema't pinag-aawayan niyo?"

Nagkatinginan ang tatlo. Paano nila aaminin kay Eduardo na ang kanilang pinag-aawayan ay siguradong magpapa-init lang muli ng ulo nito? Nahihiya rin sila'ng aminin na nagkukuwentahan sila.

Itinukod ni Eduardo ang siko sa lamesa at sinapo ang kanyang noo. Sa hitsura nito ay mukhang pagod na pagod na ito, na hindi naman maikakaila dahil paroo't parito ito para maisalba ang kanyang negosyo.

Nahabag si Agnes sa nakitang ayos ng ama. Dati'y ang tingin n'ya dito ay hindi tumatanda, ngunit nang malugi ang negosyo nito ay bigla na lang nagsulputan ang mga puti nitong buhok at bigla na lang ito'ng tumanda.

Naramdaman ni Agnes ang pag-init ng kanyang mga mata dahil sa awa sa ama. Nang tingalain s'ya ng kapatid ay agad niyang pinahid ang mga namumuo niyang luha.

Nang mga oras na iyon ay nagkaroon ng panata si Agnes sa sarili. 'Dad. magmula ngayon, hindi na 'ko magpapasaway. Hindi ko na lang papatulan ang 'isinumpa' kong madrasta. Kung ano ang alam kong makakabuti para sa 'tin at sa pamilya natin.... gagawin ko, matulungan lang kita, mapa-gaan ko man lang ang mga pasanin mo..."

Hindi namalayan ni Agnes na tuluyan nang nahulog ang kanyang mga luha. Muling napa-angat ng ulo ang kanyang bunsong kapatid na noo'y naka-hilig sa kanyang dibdib. "Ate, umiiyak ka? Natatakot ka rin ba kay daddy?"

Ngumiti si Agnes at hinimas ang kapatid sa ulo. "Hindi Alfie, naisip lang ni ate na maging responsable na magmula ngayon. Kikilos ako't magtatrabaho para matulungan naman si daddy, at nang sa ganu'n ay hindi na s'ya masyado mahirapan."

Nagliwanag ang mga mata ni alfie "Ako rin ate! Kapag lumaki na 'ko, magiging magaling na piloto ako at magpapayaman ako.... Tapos, tapos, ipapasyal ko kayo ni daddy!"

Mahina't banayad lang ang boses ng magkapatid, ngunit dahil tahimik sa buong hapag ay dinig iyon.

Umirap sila Marina't Maylene sa magkapatid, pareho ang mga ito ng iniisip– Nagpa pakitang-gilas at nagpapalakas sa ama si Agnes.

Habang negatibo ang dating ng Sinabi ni Agnes sa mag-ina, kay Eduardo naman ay parang mayuming tunog ng payapang hangin, na kumakalma sa magulong isipan ang tinig ng mag-kapatid.

Unti-unting sumibol ang ngiti sa mga labi ni Eduardo habang nakatingin sa kanyang panganay at bunso.

"Actually....." Bumaling ang lahat kay Eduardo. Makikitang nabawasan na rin ang init ng ulo nito. "Sinundo ko si Alfie sa school para i-surprise siya, para ma-isabay ko na rin s'ya pag-uwi, dahil..... gusto ko sanang ibahagi sa inyo ang magandang ibabalita ko. Kaya lang......" Naalala ni Eduardo ang kanyang dinatnan pag-uwi. "Anyway, ang magandang ibabalita ko ay, may nakita na kami ni pare'ng Rey na potential investors.."

"Wow! May nakita ka na? Congratulations, honey!" Masayang bati ni marina.

"Congratulations, tito. Sana magtuloy-tuloy na 'yan!" Bati ni maylene.

Ito ang naisip ng mag-ina para makabawi kay Eduardo, ang purihin ito.

"No, no, no... Not yet. Patapusin n'yo muna ako. Ang sabi ko ay potential investors, means hindi pa kami nagkakaroon ng business deals. May events kaming a-attend-an ni pare'ng Rey. Ang host ng events ay ang bigatin at Elite sa business worlds–si Frederick Villacorte..."

'Villacorte?' napukaw ang atensyon ni Agnes at lalo pang naging masidhi ang pakikinig nito sa ama.

"Kaya kami a-attend ni pare'ng Rey ay dahil magkakaroon ng evaluations sa mga maliliit na negosyanteng kagaya namin. Ang mapipili ay ang tutulungan ng Villacorte's PromGrand."

Tila nadismaya ang mag-ina. Nawala ang ngiti ng mga ito dahil hindi pa pala sigurado.

"Bakit ganyan ang mga mukha niyo? Tingin niyo ba hindi papasa si daddy? Wala ba kayong tiwala sa kakayahan niya?" Puna ni Agnes sa mag-ina.

Napalingon si Eduardo sa mga ito.

Pinanlisikan ni Marina si Agnes. Balak ba nitong pagmukhain silang mag-ina na 'unsupportive' sa ama nito?

Biglang may naisip si Marina na pambawi kay Agnes. "Right! Muntikan ko nang malimutan..." Aniya na humahampas-hampas pa sa mesa. "Edward, alam mo ba'ng sinabi ni Agnes na may alam daw siyang paraan kung paano ka matutulungan?"

Nabaling ang tingin ni Edward kay Agnes. "Hmm? Talaga, Agnes?"

Pasimpleng sinamaan ng tingin ni Agnes ang madrasta. Alam niyang balak nitong i-push ang pag-papaalis sa kanya, ngunit hindi n'ya ito pagta-tagumpayin. Bumaling siya sa ama. "Actually dad, gusto kong mag-try sa ACL Corpor–"

"Ang sabi ni Agnes, balak daw niyang pumasok sa mansiyon ng mga Villacorte, bilang....... Katulong."

Nagitla si Eduardo. Nu'ng marinig niya ang pamilya Villacorte ay naisip niya ang magandang oportunidad, ngunit...... bilang katulong?

"T-teka.... Katulong? B-bakit ka naman magkakatulong sa mga Villacorte?" Baling ni Eduardo kay Agnes.

Si Marina ang sumagot. "Honey, huwag ka munang mag-isip ng negatibo...... Ang talagang layunin ni Agnes, ay para mapalapit sa puno ng mga Villacorte, nang sa ganun ay makuha niya ang pabor nito at tuloy, mailapit ang problema sa negosyo mo. Hindi ba, Magandang ideya iyon? Alam mo, matalino talaga ito'ng si Agnes e."

Ikinuyom ni Agnes ang mga kamao. Ang talagang gusto niya ay ang makapasok na intern sa ACL corporation para makakuha ng experience at maging isa sa mga top executives doon balang araw, sa ganu'n ay magagawa na niyang hatakin pa-angat ang negosyo ng ama.

Kokontrahin na sana niya ang sinabi ng madrasta nang makita ang mga nagni ning-ning na mga mata ng ama sa kanya.

"T-totoo ba 'yon Agnes? G-gagawin mo 'yun, para tulungan si daddy?"

Hindi agad nakasagot ang dalaga. Naitutop nito ang mga labi.