Chapter 248

Aldrin’s POV

Tiningnan ko ang screen na kung saan ay susunod na sasalang ay si Dad. Kinakabahan ako para sa kanya. Alam kong nagsanay naman siya para maging katulad ko pero iba pa rin kasi ang abilidad niya sa pakikipaglaban. Hindi ko alam pero talagang hindi ako mapakali. Ayokong matulad siya sa ibang namatay o hindi na talaga nagising sa delusional test. Baka dito pa mahalata ang totoo naming pagkatao lalo pa’t nararamdaman ko na nagmamanman ng pursigido si Alyana.

Matapos ko silang sundan ni Dad noong nagkausap sila ay doon ko nalaman na binibigyan ni Alyana ng threats ang tatay ko. Ipinapakita niya sa pamamagitan ng palad nito ang itsura ng nakakabata kong kapatid na ngayon ay nakatali at walang malay. Kaya pala parang iba ang kilos niya sa mga oras na ito dahil minsan ko na siyang nakikitaan ng pagkatulala dahil iniisip niyang mapapahamak si Zyra. Hindi dapat ito makaapekto kay Dad dahil puwedeng ikapahamak niya ito at ito ang maisalang sa kanya sa delusional test. Kung hindi a