CHAPTER 96 - Scheming And Working In The Dark

"Ngayon, anong ginagawa n'yo nang ganitong oras sa tabing-dagat? Hindi n'yo ba alam na ipinag-bawal ang pagpunta doon ng dis-oras ng gabi? O baka naman...." Tumingin nang may pagdududa ang lalaki sa tatlo na naka-upo sa silya ng Baranggay hall. "Baka mga illegal recruiter kayo?"

Natigilan ang tatlo at nagkatinginan sa isa't-isa. Maya-maya ay biglang humagalpak ng tawa si Jonas. Nakahawak pa ito sa tiyan habang tumatawa.

Sumama ang mukha ng lalaki. "Anong nakakatawa? Alam mo ba kung sino ako?"

Pinahid ni Jonas ang luha. "Sorry, ano 'yun?"

Nagalit ang lalaki at lalong sumama ang mukha nito. Pakiramdam niya'y iniinsulto siya ni Jonas at hindi siya sineseryoso nito. Nilapitan nito si Jonas at biglang hinatak ito sa kuwelyo patayo.

Wala pa man siyang nagagawa kay Jonas ay biglang nagsalita si Chardon.

"If I were you, as long as I'm still not clear and not know the other's real identities, I won't do anything that I will regret in the end."

Lumingon ang lalaki kay chardon na prente lang na