CHAPTER 68 - The Upcoming Problem

Sa kabila ng kasiyahan at masayang tugtugan sa buong hall ng A.C Prominent hotel ay makikita ang marami-raming tao na pawang mga nasa sahig.

Nang makatayo ang iba ay nagagalit ang mga ito habang inaalam kung ano ang nangyari. Saka nila nakita si Alfonso na siyang dahilan ng lahat habang inaakay na ng dalawang security palabas ng hotel kabuntot si marisol.

Hiyang-hiya si marisol sa mga bisita dahil sa ginawa ng kanyang tiyuhin, lubos siyang humingi ng paumanhin at yumukod sa mga ito, pagkatapos ay mabilis siyang sumunod kay Alfonso.

Natigilan sa Marisol nang madaanan ang isang pigura ng tao. Sa isang tingin lang ay nakilala agad ni Marisol ang likod ng lalaki. Nakayuko ito at merong tao sa bisig nito.

Nang mapagmasdan ay saka lang napansin ni Marisol na may yakap itong babae. Napa-maang si Marisol at nagtaka, bakit magkayakap ang dalawang ito? Napaka over protective naman 'ata ng binata para dito.

Nakagat ni Marisol ang labi, hindi n'ya mapigilang makaramdam ng selos, lahat k