Chapter 147

“OH? Bat parang takot ka jan?” kunot noo na tanong ni Riri ng makita niya ito sa salamin dahil nag bo-blower siya ng buhok niya.

“Bigla kasing pumasok sa isip ko si Luna. Hindi kaya siya ang nagbanggit saakin? Nakakatakot pa naman siya!”

Natawa si Riri dahil sa naging reaction ng boyfriend niya.

“Malamang nga ikaw ang pinag-uusapan nila. Ngayon pa naman aamin si Luna kay Ian.”

“Ngayon?!” gulat na sabi ni Rocky na ikinatango ni Riri.

“Ang sabi niya ayaw niyang magsinungaling kay Ian. Ganon niya kamahal ang kaibigan niyo babe,”

Tila nakahinga ng maluwag si Rocky sa narinig. Hirap na hirap pa naman siya na pigilan ang sarili na aminin sa kaibigan ang totoo.

Close na close pa naman sila ni Sebastian kaya hindi niya talaga kayang maglihim dito. Paano kung madulas siya edi talagang lagot siya kay Luna.

“Don’t overthink too much babe,”

Napalingon siya sa tabi niya at naroroon na si Riri na tapos ng mag ayos ng sarili.

“Okay, basta ba tulungan mo ako na ‘di mag-overthink.” Sabi niya