Book 9: Chapter 13-First hearing

"BUHAY pa ba?" tanong ni John kay Mang Kanor habang nakahiga ito sa hospital bed. Napangiti pa siya dahil umaayon ang lahat sa kanyang plano. Sinadyang barilin siya upang palabasin na totoong may nagtaka sa buhay nilang magkapatid.

"Nakakulong na si Julian," naging mailap ang tingin ni Mang Kanor sa pamangkin at nagdadalawang isip ibalita ang tungkol sa detective na pinakuha niya noon. "Si Mishelle ay nasa kritikal pa rin ang buhay dahil maraming dugo ang nawala."

"Magaling, hindi na dapat siya mabuhay!" ngising demonyo ang humulma sa labi ni John. " How about Wigo?"

Lalong umilap ang tingon ni Kanor at hindi alam kung ano ang isasagot sa pamangkin. Iilan lang ang nakakaalam na mag-anak sila ni John at kapatid niya ang namayapang ina nito.

"Ipaligpit mo agad kung sa tingin mo ay maging hadlang siya sa lahat."

"Hindi natin siya magalaw." Kinakabahan ma bulong ni Kanor.

Dumoble ang gatla sa noo ni John sa naging sagot ng tiyuhin.

"Hindi ko alam kung saan galing ang bantay sa kanya. M