CHAPTER 98.

"Ang dami nyong nagbabantay. Papaanong nakidnap ang anak ko!" galit na galit na bulyaw ni Seb sa mga tauhan niya. Pagkarating nila sa mansion ay galit ang salubong ng asawa niya na kanina pa hindi maipinta ang mukha.

Lalo pang nagdagdagan ang galit ni Seb nang malaman nito na wala na si Johnson at Sandra sa lugar na pinagtataguan ng mga ito.

Kuyom ang kamao nito na pabalik-balik ng lakad sa sala at napapahilamos ng palad sa mukha. Hindi na sila pumunta pa sa police station dahil ang mga police na mismo ang pinapunta ng daddy ni Seb sa mansion.

Habang kausap ni Seb at ng daddy nito ang police officer ay hindi naman mapakali si Abi. Kanina pa siya naiiyak habang iniisip niya si Shane. Paano kung umiiyak na ngayon ang anak niya. Paano kung sinasaktan na ito ngayon ng dumukot dito.

"Mom," napatingin si Abi sa mother in law niya nang tumabi ito sa kanya at niyakap siya. Napahagulhol siya sa balikat ng ina.

"Lord, please, ibalik niyo na po sa amin ang anak ko," piping dasal ni Abi.