CHAPTER 100.

Pagkatapos makipag-usap ni Seb kay Roland at sa mga pulis ay umakyat na siya sa taas. Hindi na muling bumaba pa ang asawa niya kaya baka nakatulog na ito.

Nakahanda na ang pera na ibibigay niya kay Johnson bukas. Kailangan na lang niyang gawin ay maghintay ng umaga. Mag-isa lang siyang makikipagkita bukas para masigurado niya na ligtas ang anak niya at tutupad si Johnson sa napag-usapan nilang dalawa.

Binuksan ni Seb ang pinto ng masters bedroom pero wala roon ang asawa niya. Muli niya itong isinara at naglakad patungo sa kwarto ng mga anak nila.

Dahan-dahan niyang pinihit ang seradura at iniiwasan na makalikha ng anu mang ingay. Nakita niya si Abi na nakahiga sa kama ng mga bata. Nakatihaya ito habang nakayakap ang anak nilang si Sofie. Si Gavin naman ay nasa sulok, nakadapa at mahimbing din ang tulog.

Maingat siyang umupo sa gilid ng kama sa tabi ni Abi. Pinagmasdan niya ang magandang mukha ng asawa niya at bakas sa pisngi nito ang luhang natuyo dala ng pag-iyak.

Hinaplos niya