Chapter 40- Grieving

Ilang oras rin ang iniyak ni Angela bago siya napapayag ng mga magulang na sumama sa funeraria para makita ang bangkay ng kaniyang fiance' bago ito dalhin sa simbahan para paglamayan ng ilang araw bago ihatid sa kaniyang libingan. Wala siyang magawa kundi harapin na lang ang masakit at masalimuot na kaniyang pagdaraanan lalo na't kapapanganak pa lang niya sa kanilang anak at isa pa paano niya sasabihin sa anak niyang si Alexa na kasalukuyang nag-aaral sa ibang bansa na patay na ang kaniyang Daddy Peterson. Habang nasa byahe sila hindi pa rin maiwasang mapaluha ni Angela at isipin na darating siya punto na ganito. Tumigil ang sasakyan at bumaba na ang kaniyang mga magulang at sumunod na lang siya. Naglakad na ito papasok samantalang siya naman ay kinailangan pang humugot muna ng lakas ng loob bago pumasok sa loob ng funeral. At nang kumalma na ang kaniyang pakiramdam. Itinulak niya na ang pintuan at mula sa dulong bahagi nakita niyang nakatayo ang mga magulang. Mabigat ang mga hakbang n