Kabanata 4

Kinabukasan alas-singko pa lang ng umaga ay gising na si Hailey dahil kailangan niya pang mag review para sa gaganapin nilang examination mamayang alas nwebe. Nang dahil sa problema na iniisip niya kagabi ay hindi niya na nagawa pang mag aral.

Kinuha niya ang kanyang libro at binitbit ito papalabas ng kwarto, nadatnan niya ang kaibigan na tulog na tulog pa rin sa sala. Maingat niyang inilapag ang mga libro na dala sa sofa para hindi makagawa ng ingay, ayaw niya naman magising ang kaibigan. Dahan dahan niya itong nilapitan at kinuha ang kumot na nahulog at ikinumot sa dalaga.

Pagkatapos ay dumiretso na siya ng kusina at nagsimula ng magluto ng agahan nila, mabilis lang naman itong natapos dahil hotdog, bacon at pancakes lang naman ang niluto niya. Inihain niya ito sa lamesa at ng matapos siya ay magtimplauna siya ng kape bago magsimulang kumain. Ilang minuto lang nagtagal ang kanyang pagkain dahil na din siguro sa pagmamadali dahil kailangan niya pang mag aral, hindi siya pwedeng bumagsak dahil mawawala ang pagiging schoolar niya. Iniligpit niya muna ang kanyang pinagkainan at mabilis na nagtungo sa sala dala ang kanyang kape. Inilapag niya sa maliit na mesa ang tasa na may lamang kape at umupo sa bakanteng sofa, mabilis niyang kinuha ang libro at nagsimula ng magreview. 

Halos dalawang oras din ang ginugulo niya sa pag aaral, pagpatak ng alas syete trenta ay niligpit niya na ang kanyang mga libro at pumasok na sa kanyang kwarto at inayos ang kanyang mga gamit at saka pumasok ng cr para maligo. Halos kalahati ng oras din ang lumipas bago siya nakapag ayos ng sarili. Nang tumingin siya sa orasan ay nakita niyang mag aalas otso ng ng umaga kaya kailangan niya ng umalis.

Paglabas niya ng kwarto ay tulog na tulog pa rin ang kanyang kaibigan, mukhang nagpuyat na naman ito kakapanood ng k-drama kaya napailing na lang siya, nag iwan siya ng note sa kusina para rito at nagpasyang umalis na.

Nang makalabas siya ng apartment ay nagsimula na siyang maglakad papuntang sakayan ng jeep, malapit lang din ito sa kanyang tinutuluyan kaya hindi siya gaanong nahihirapan, makalipas ang limang minuto na paglalakad at nakarating din siya at saktong may papaalis na jeep kaya agad na siyang sumakay dito para hindi malate.

Saktong alas otso-trenta ng dumating siya sa University na pinapasukan, pagpasok niya pa lang ay bumungad na sa kanya ang mga estudyante na nakakalat sa loob, merong busy sa pag aaral, meron  naman na busy sa pagkwekwentuhan sa mga kaibigan at meron din naman na parang wala lang pakialam kahit na exam pa. Hindi niya na lang binigyang pansin ang mga ito at nagpatuloy na sa paglalakad papuntang silid nila.

Kung tatanungin niyo kung nag aaral ang kanyang matalik na kaibigan na si Jade? Ang sagot ay oo, nag aaral ito sa isang mamahaling unibersidad at wala itong pasok ngayong araw kung kaya ay nasa kanyang apartment.

Nang nasa harap na siya ng pintuan ay wala siyang ingay na naririnig mula sa loob, mukhang seryosong nag aaral ang mga kaklase siya. Pumasok na lamang siya at umupo sa kanyang silya para maghintay na kanilang professor. Hindi din nagtagal ay dumating na rin ito insaktong alas nwebe at mag simula na nga ang kanilang pagsusulit.

Halos tatlong oras din ang lumipas ng natapos ang eksaminasyon nila Hailey, mabuti na lamang at halos lahat ng nireview niya ang lumabas dahil kung hindi tiyak na babagsak ito. Pagkalabas ng kanilang professor ay sumunod na rin ang iba pa niyang mga kaklase.

Inayos naman ni Hailey ang kanyang gamit sa bag bago lumabas ng kanilang silid, mag aalas dose na din ng tanghali at kailangan niya ng pumunta sa restaurant kung saan siya nagtatrabaho. Hindi naman kalayuan 'yon sa kanya University at doon na din siya kumakain dahil libre din naman.

Mag aalas dose-trenta na ng tanghali ng dumating siya sa restaurant, agad siyang dumiretso sa locker para ilagay ang kanyang bag at nagbihis ng kanilang uniporme bilang waitress. Agad siyang pumunta sa kusina para kumain muna ng tanghalian bago magsimulang magtrabaho.

"Oy ang aga mo ah, wala pa namang ala una." bungad ng isa nilamg chief.

"Wala na naman kasi akong gagawin sa University kaya pumunta na lang ako kaagad dito." sagot niya

"Oh siya, kumain kana diyan." saad nito at bumalik nasa kanyang ginagawa

Kumuha naman agad ng pagkain si Hailey para kumain na at makapagsimulang magtrabaho. Maswerte na lang siya dahil libre ang pagkain dito kaya kahit papaano nakakadagdag tipid iyon sa kanyang pang araw araw, hindi naman sa mahirap siya, may pera din naman siya sa savings niya pero ayaw niya itong galawin dahil bigay ito sa kanya ng mga magulang at simula nung umalis siya sa puder ng mga ito ay hindi niya tinangkang galawin ito, para walang masabi ang mga ito sa kanya.

Pagkatapos niyang kumain ay nag ayos na siya para makapagtrabaho.

"Ley, ikaw na kumuha ng order ng number 23." wika ng isa niyang kasamahan.

Agad naman siyang tumango at naglakad papunta sa table ng costumer. Nakita niya ang isang lalaki na may kausap na isa pang lalaki, hindi niya makita ang itsura dahil nakatalikod ito sa kung saan siya.

Nang makalapit na siya sa mga ito ay, "Hi excuse me, goodafternoon Sir, may I take your order?" aniya habang nakangiti.

"Killian nakapili kana ba ng kakainin mo? Para makaorder na tayo habang pinag uusapan ang business proposal." tanong ng lalaki sa kausap

Mabilis na nawala ang ngiti sa mga labi ni Hailey ng marinig ang sinabi ng lalaki. Napatingin siya gilid niya at halos lumuwa ang kanyang mga mata ng makitang si Killian na mataman ding nakatingin sa kanya habang nakangisi.

Napalunok siya ng sunod sunod. 'Jusko! Bakit pati ngayong araw makikita ko ang pagmumukha ng lalaking ito, ano bang kasalanan ang nagawa ko at pinaparusahan ako ng ganito.'- isip niya

Ibinalik niya na lang ang tingin niya sa lalaking una niyang nakausap para maiwasan ang tingin na ibinibigay sa kanya ng binata.

"Can I have one rice and one of your best seller seafood, one vegetable salad and a pineapple juice." biglang turan ni Killian na agad din naman niyang sinulat ng hindi ito tinitingnan.

"How about you Sir?" tanong nito sa isang kasama ni Killian

"One beer stick, one rice, one slice of red velvet cake and one soda please." sagot naman nito

"Thank you Sir." aniya ni Hailey at aalis na sana ng biglang magsalita si Killian na ikinatigil niya

"Is that how you treat your costumer here?" biglang salita ulit ni Killian

Napatingin naman ang dalaga sa kanya na parang nagtatanong.

"Next time pagkumausap ka ng costumer show your respect to them, huwag 'yong hindi ka nakatingin sa kumakausap sayo. Don't act stupid, woman!" madiin na saad nito

Halos mapayuko siya dahil sa hiya na nararamdaman, mabuti na lamang at hindi kalakasan ang pagkakasabi nito at tanging silang tatlo lang ang  nakakarinig.

"Hey man, chill! Huwag mo naman ipahiya si Ms. Beautiful." tapik sa kanya ng kasama na mukhang kaibigan niya.

Bumaling naman ito kanya pagkatapos. "You can go now Miss." anas nito at tumango naman siya at umalis na para kunin ang inorder ng mga ito.

Hindi din naman nagtagal at nahanda na ang mga pagkain na inorder ng mga ito, hindi na nakakapagtaka kung bakit mabilis ang pagluto at pag aayos sa mga ito dahil parehong bilyonaryo ang costumer at maliban pa doon ay pamangken ng may ari nito si Killian.

Pinakisuyo ni Hailey sa isa niyang kasamahan na waitress na siya na lang ang maghatid ng order ng mga ito, nagtataka man ang kasamahan niya ay hindi na ito nagtanong dahil mukhang excited din naman ito na makita ng harap harapan ang costumer nila.