Chapter Eight

THIRD PERSON's POINT of VIEW

"Marami po ang nag-aabalang sa wakas ng 'Extraordinary Love'. Pwede niyo po ba kaming bigyan ng kaunting detalye sa mangyayari ngayong gabi?" tanong ng isang reporter kina Rasheeqa.

Maraming blogger at reporter ngayon ang nagcocover ng press conference sa proyekto nila Rasheeqa na matagumpay na magtatapos. Sa totoo lang matagal nang natapos ang shooting sa palabas nila sa telebisyon pero dahil ngayong gabi ang huling 'airing' ng Extraordinary Love, kaya sila nagpatawag ng press conference.

"Siguro medyo malungkot na masaya ang magiging wakas ng kwento. Dito po natin matutunghayan kung hanggang saan nga ba tutungo ang relasyon nila Samantha at Kian sa kabila ng mga pagsubok na kanilang kinakaharap. Kaya sa mga mahal naming manonood, huwag niyo pong papalagpasin ang gabi ng huling episode ng pag-iibigan nila Samantha at Kian." paliwanag ng katabi niyang artista na si Wayne

"Magkakaroon po ba kayo ng bagong palabas na magkasama?" tanong naman ng isa.

"If the management would allow us, why not? Diba?" katabi niya ulit ang sumagot.

Hinahayaan niya lang ito na sumagot dahil alam naman ng kasama niya ang mga dapat na isagot sa mga tanong. Tinuruan na sila ng mga manager nila atsaka kanina pa panay ang sagot niya sa mga tanong. Nababagot na siya. 

"Sa loob ng anim na buwan na magkasama sa proyektong ito, may nabuo po bang relasyon sa likod ng kamera?" 

Naagaw ang atensyon ni Rasheeqa sa tanong kung kaya't napabaling siya kay Wayne. 

"Hindi ko na itatanggi ang bagay na 'yan." 

Medyo namuo ng bulong-bulungan ang hall dahil parang may mas malalim na kahulugan ang katagang binitawan ni Wayne.

Gustuhin mang umirap ni Rasheeqa dahil naprepreskuhan na siya sa katabi nito pero hindi niya magawa. Baka may makakita pa sa kanya at kung ano pa ang isipin ng iba.

"What I mean is, may pagkakaibigan na nabuo sa likod ng kamera. Mas napalapit po ang loob namin sa lahat ng cast, lalong lalo na po sa mga staff na nakasama namin. Nakakalungkot lang po isipin na pansamantala muna kaming maghihiwalay, pero malay niyo naman. Baka magkaroon ng season two ang 'Extraordinary Love'. Haha" nagtawanan na din ang iba sa sagot ng artista at sinang-ayunan din siya. 

Maganda ang kanilang palabas at marami ang nanonood. Hindi malayong magkaroon ito ng season two, ika nga niya.

"Para naman sayo Miss Rasheeqa. Balita namin ay may bago ka na namang palabas na pagbibidahan. Ano ang mga dapat naming abangan sa next project mo?" tanong naman ng reporter sa dalaga.

Matamis ang kanyang mga ngiti bago sumagot. "Sa ngayon, hindi ko pa po siguro masasagot ang tanong na 'yan dahil kahit ako mismo ay walang kaalam alam sa mga mangyayari. Pero dahil si Direk Cole ang makakatrabaho ko, sigurado akong maganda ang kalalabasan." paliwanag niya.

"Okay. That would be all." singit ni Aiah sa gitna ng press conference.

May iilang naghahabol pa ng tanong pero kaagad na pumagitna si Aiah at inalalayan si Rasheeqa para makaalis doon. Humarang na din ang ilang mga security at bouncer para matiwasay silang makaalis.

"Hays. Nakaka-stress talaga tuwing presscon." tila walang buhay na sabi ng dalaga nang tuluyan na nga silang makaalis. 

"Sinabi mo pa. Lalong lalo na yung Wayne na 'yon. Ang yabang, akala mo kung sino." inis namang turan ni Aiah.

Sa lahat ng artistang nakatrabaho ni Rasheeqa, kay Wayne lang siya naiinis ng sobra. Masyado siyang nayayabangan sa binata sa tuwing nagpapabibo ito sa harap ng kamera. 

"Mas stress ka pa yata kaysa sakin?" 

"Sinong hindi mase-stress? Kumukulo ang dugo ko sa lalaking 'yon. Mabuti na lang at natapos na ang trabaho niyong dalawa. Hindi ko talaga siya kayang pakisamahan, lalong lalo na ang manager niyang bakla." hindi maipinta ang inis sa mukha ni Aiah habang ini-imagine kung gaano kahirap pakisamahan ang tinutukoy niya.

"Loka ka talaga." 

Natawa na lang ang dalaga dahil sa magkasunod na binitawang reklamo ng kaibigan niya. Umakto pa si Aiah kung paano nito dudurugin ang kinaiinisan niya kung kaya't mas lalong napatawa si Rasheeqa.

"Siyanga pala, mauna ka na lang sa dressing room mo. Tumawag kasi sakin si Direk Cole kanina at gusto niya daw akong makausap." 

"Okay."

Tinungo ni Rasheeqa na mag-isa ang daan papunta sa kanyang dressing room. May mga staff ng network ang bumati sa kanya sa dinadaanan niya at nakasalubong niya din ang iilan sa mga artista na nagtatrabaho sa fiction entertainment kagaya niya. 

"SURPRISE!" 

Halos mapatakip siya sa kanyang tenga nang marinig niya ang matinis na boses pagkabukas niya sa kanyang dressing room.

"What are you doing here?" kaagad niyang isinara ang pinto at kunot noong tinitigan ang dalawang tao na nanggulat sa kanya. "Bakit ka nandito? Diba sinabi ko naman sayo na tatawag lang si Aiah para magpa-schedule ng meeting natin?" nakapameywang niyang tanong kay Spruce na karga-karga ang kanyang anak. "At bakit mo kasama ang anak ko?" tanong niya ulit at nanlilisik ang mga matang napatingin kay Rasheen.

"We're going to mall, mom. It's all on Tito Spruce." napangiti pa ang bata at tila proud na proud pa ito na ililibre sila ng binata.

'Tito?' ani ng kanyang isipan.

Papanong naging close ang dalawang 'to kung mahigit isang linggo ang nakakalipas magmula noong magkita silang tatlo. Maliban na lang kung patagong nagkikita 'tong dalawa. 

"May pasok ka diba? Bakit nag-ditch ka sa klase mo?" inis niyang tanong at napayoko naman si Rasheen.

"It's weekend, Rasheeqa." si Spruce na ang sumagot.

Oo nga pala. Masyado na siyang naging abala dahil tambak ang schedule niya magmula noong pumirma siya ng kontrata kay Spruce at may bagong project pa siya na ipapalabas sa bigscreen.

"Tssk. Ibaba mo nga ang anak ko." utos niya at lumapit sa kanila. "Halika na dito Rasheen. Uuwi na tayo pagkarating ng mommy Aiah mo." sabi pa niya.

Umiling ang bata at mas lalong yumakap kay Spruce na para bang ayaw niyang mawalay dito. Ang kaninang nakangiti niyang mukha ay napalitan ng lungkot. 

"Isa! Magagalit sayo si mommy." Magkasalubong ang kilay ni Rasheeqa habang nakatitig sa nakanguso niyang anak. 

"Eversince, si Daddy Paul at Mommy Aiah ang kasama ko palagi everytime na pupunta kaming mall." hindi maipagkakaila ang lungkot sa boses ni Rasheen. "Just this once, mom." dagdag pa ng bata.

Napaiwas ng tingin si Rasheeqa at napahinga muna ng malalim. Tiningnan niya ulit si Spruce at inosente naman itong nakatingin sa kanya.

'Jerk' isip isip niya at umirap.

"Fine." pagsuko niya kaya hindi naman magkamaliw ang saya ni Rasheen habang nagtatatalon sa bisig ni Spruce.

"Isuot mo 'tong hoodie." binigay ng binata ang isang paperbag at kunot noo naman itong kinuha ni Rasheeqa.

"Anong kakengkoyan 'to Spruce?" tanong niya at tiningnan ang laman ng paperbag.

Isang hoodie?

There she realized na magkapareho ang hoodie ni Rasheen at Spruce pati na din ang binigay sa kanya. Kulay lang ang pinagkaiba ng tatlo at halatang sinadya ni Spruce ang suot nilang family hoodies.

Fambonding na ba?