Chapter Seven

Her Point of View.

Nilapag ko ang dala kong travelling bag at isang maliit na maleta sa sahig na kulay puting tiles dito sa reception area ng Sarreign Hotel and Restaurant. Tinawagan na ako ni Direk B na naikuha niya na ako ng hotel room dito sa Sarreign Hotel at kailangan ko na lang kunin ang room key ko sa reception desk. Hindi kasi ako sumabay sa van nina Direk B dahil mas gusto kong dalhin ang sarili kong kotse at nauna ako sa kanila rito. Nandito ako ngayon sa Ilocos para sa isang photo shoot under Direk B. Kahit ba CEO ako ng EBC, nagtatrabaho pa rin ako bilang isang modelo. Si Direk B ay nakilala ko sa isang Fashion Show Event na naganap sa Dubai at kaagad siyang nagpakilala sakin. Nang malaman niyang nasa Pilipinas ako ay hindi niya pinalagpas ang pagkakataon na kunin niya ako bilang modelo for his magazine cover. Matagal na namin itong napag-usapan at hindi ako tumanggi dahil mabait si Direk B. Hinarap ko ang babaeng receptionist at kita ko ang pagkamangha niya nang makita a