Kabanata 40.2

“Hayop ka, ginawa mo yun sa sarili mong kapatid?!” halos gusto niya ng sumabog sa galit pero hindi siya makakilos dahil sa nguso ng baril na nakatutok sa kaniya. Gusto niya ng sugurin ang kapatid niya pero hindi niya alam ang mangyayari sa kaniya kapag itinuloy na paputukin ni Camilla ang hawak niyang baril.

“Oo, nagawa ko yun dahil sa pagmamahal ko kay Blaze.”

“Pagmamahal? Paano mo nagawang magtiis sa kaniya ng ganiyan katagal kung ikaw ang boyfriend niya?” baling niya sa lalaking nakatayo lang sa gilid.

“Para sa anak namin, para sa magandang kinabukasan ng anak namin.” kibit balikat niya lang na saad. Mas lalong nagsalubong ang mga kilay ni Beatrice. Anak? Kung ganun ang binabanggit niya ay si Khian?

Si Khian lang naman ang tanging anak ni Camilla.

“Paano mo nagawa ang lahat ng ito, Ate? Magkapatid tayo pero bakit mo ako nagawang patayin? Paano mo nagawang sirain ang pamilya ko?!”

“Pamilya mo na dapat ay akin Eilish! Nagpursigi ako sa ibang bansa, dalawang course ang kinuha ko para