46. Defensive.

Papalubog na ang araw pero wala pa rin si Miguel. Nakaupo sa buhanginan sa tuyong parte ng dalampasigan si Lara at pinapanood ang napakagandang kulay ng kalangitan habang unti-unting nawawala ang liwanag ng araw.

Growing up as a city girl and neglecting travel opportunities, she was awed by nature's magnificence.

Siguro kung noon pa niya nalaman na may bahay si Miguel na malapit sa dagat, baka lagi siyang naroon.

Kwento kanina ni Mommy Mabel, ina ni Miguel, ipinagawa umano iyon ng asawa niya para rito. Pero maganda man ang lugar at hindi ito nagkulang sa alin mang materyal na bagay, malungkot ito dahil bibihira raw na nagpupunta roon ang anak nito.

"Matagal ko nang sinasabi na dalhin ka niya rito," lumabi pa ang ginang. "Pero lagi niyang sinasagot na hindi pa tamang oras. Masaya akong makilala ka sa wakas, Lara."

Kahit siya man ay masayang alam nito ang tungkol sa kanya. Marami sana siyang gusto pang itanong. Tulad ng kung nasaan ang ama nito o kung may mga kapatid ba ito. Pero pin