37. For the time being.

Hindi na nagkaroon sina Lara at Tasya ng pagkakataon na makapag-usap. Pinalayas na kasi ni Migo ang kaibigan niya after dinner. Hindi naman literal, pero sinabi ng asawa niyang late na at kailangan na niyang magpahinga. And Tasya being sensitive enough, nagpaalam na ito sa kanya at nagsabing tatawag na lang kinabukasan.

Hindi tuloy malaman ni Lara kung magpapasalamat ba siya dahil naligtas siya pansamantala sa question and answer portion with Tasya o maiinis dahil nagdedesisyon si Migo para sa kanya.

But she couldn’t argue with him kaya nanahimik na lang siya kahit sana gusto niya itong sitahin sa pagsusuplado sa kaibigan niya.

“I need to fly to New York tomorrow,” sabi ni Migo habang paakyat sila sa second floor kung saan naroon ang silid niya. “I’ll be gone for two weeks straight.”

“Hmn,” tanging nasambit niya. Nalungkot siya sa loob niya pero tulad ng lagi niyang tinatatak sa isipan niya, ang bawat pagkakataong hindi sila magkikita ni Miguel ay makabubuti para sa kanya. Mas mahira