26. What ifs.

Tanghali na nakauwi si Lara kinabukasan. Dinaig pa niya ang may hang over sa tindi ng sakit ng ulo niya.

May dalawang rason kung bakit.

Una, dahil maga pa rin ang pisngi niya. Yari yata sa bakal ang palad ni Wendy that almost twelve hours later, mahapdi pa rin ang sampal nito sa kanya. Nagkukulay violet na nga ang pisngi niya.

Pangalawa at mas nagpapasakit sa ulo niya kaysa sa una, nagising siya kanina na nakayakap kay Migo. Mabuti sana kung tulog pa ito. Pero bukod sa hindi niya alam na natulog siyang katabi ito, Miguel was already wide awake and already doing business in his phone.

Hindi raw ito gumalaw para hindi siya magising. Kaya nagtiyaga ito sa maliit na screen ng phone nito habang nakahiga dahil ang braso niya ay nakayakap sa dibdib nito banda.

Dinaig pa niya ang nakainom ng isang pitsel ng purong kape sa kagyat na pagkagising ng diwa niya. Kung may mas i-aw-awkward pa bukod sa violet niyang mukhang nahaluan ng pamumula at buhok niyang mahihiya ang pugad ng ibon sa gulo,