Kabanata 120 Pagmamakaawa

### Eumerriah's Point of View

Pagbaba ko sa hagdan ng studio, narinig ko agad ang ingay ng mga tao. Abala ang lahat sa paghahanda para sa pictorial. Nasa backstage na ang mga damit na isusuot ko, ang makeup artist ay nakahanda na, at pati ang photographer ay nakatayo na sa harap ng set, inaayos ang mga ilaw. Mula sa sulok ng aking mata, nakita ko si Shaira na nakatayo sa gilid, may hawak na tablet habang binabantayan si Justine na abala sa kanyang video game. Naalala ko kung paano siya nanatili sa tabi ni Justine mula nang mangyari ang insidenteng iyon. Mula nang makita ko ang takot sa mga mata ni Justine, hindi na ako nagtanong pa tungkol sa nangyari. Hindi ko kayang ibalik sa kanya ang sakit na naramdaman niya noon.

Bilang isang ina, mas pinipili kong magpokus sa pagpapagaling ni Justine. Hindi na muna siya pinapasok sa eskwela. Sa halip, nag-home school muna siya habang nagpapagaling. Alam kong nakakabore ang walang magawa kaya hinahayaan namin siyang maglaro ng video games kapag w