CHAPTER 2

“GUSTO ninyong makabayad?  Isanla mo sa akin ang panganay mo, Mr. Delgado!” 

            Mula sa kanyang kuwarto ay dinig na dinig ni Natalia ang sinabing iyon ng panauhin ng kanyang Papang.  Nagpupuyos ang kanyang kalooban.  Gustong-gusto na niyang sugurin ito at sampalin.  Ano bang akala nito sa kanya?

            Hindi siya makapaniwalang may mga taong kagaya nito na kulay itim na ang budhi.

              Maging ang kanyang Papang ay nabigla sa sinabi nito.

            “Mr. Sy. . .” Anang Papang niya, umiiyak itong lumuhod sa harapan ng lalaki, “Matt, pagbigyan mo pa ako ng isa pang pagkakataon.”

            “Tatlong buwan ang ibinigay ko saiyong palugit, hindi pa ba sapat iyon?”

            “Ako na lang ang magtratrabaho para saiyo,” Nagsusumamong sabi ng Papang niya. “Ako na lang ang sasama saiyo.”

            “Masyado ka ng matanda.  Besides, may mga bagay na di mo kayang gawin para sa akin,” Makahulugang sabi nito.

            Napakuyom ang mga palad ni Natalia.

            “Kung ayaw nyo, wala na kong magagawa pa.  Makakaalis na kayo dito sa bahay!  Siguro naman ay wala na kayong masasabi pa dahil binigyan ko kayo ng option,” Sabi pa ng guwapong lalaki na hindi mo aakalaing may sa demonyong pag-uugali.  

            Nagmamadali siyang bumaba, “Hindi kami aalis ditto!” Matapang na sabi niya sa lalaki.

            “Ikaw ang bahala, pero I’m warning you, sisiguraduhin kong mabubulok sa bilangguan ang father mo kapag hindi ninyo binayaran ang 70 million pesos na utang nyo!  Ngayon din!”

 Gustong-gusto na ni Natalia na hambalusin ito ng silya dangan nga lamang at alam niyang mas titindi pa ang problema nila kapag ginawa niya iyon.

Napatingin siya sa kanyang ama na humahagulhol na habang nakaluhod, “Kasalanan kong lahat ito.  Payag na akong makulong,” humihikbing sabi nito.  Lumapit siya dito at pilit niya itong pinatayo.

            “Pumapayag na akong manilbihan saiyo bilang kabayaran sa lahat ng pagkakautang ni Papang!” Pahayag niya sa lalaki.

            “Natalia!” Nagproprotesta ang mukha ng kanyang ama nang tumingin sa kanya.

            “Hindi ko makakayang mawala ang bahay at lupa natin, Papang kaya hayaan nyo na lang akong magdusa sa kasalanang kayo ang may kagagawan, “May pait sa tinig na sabi niya sa ama.  Sagad na ang kanyang galit.  Siguro naman ay magtitino na ang kanyang Papang kapag narealize nito ang mga consequences ng pagkalulong nito sa sugal.

            “Anak, patawarin mo ako.”

            Napaiyak siya.  Bawat himaymay ng kanyang mga kalamnan ay naghuhumiyaw sa galit ngunit alam naman niyang wala siyang magagawa.  Kahit kasalanan ng Papang niya ang nangyayaring ito sa kanila ay hindi naman niya ito gugustuhing makita sa loob ng kulungan.

            Mas lalong hindi niya pwedeng ibigay sa lalaking ito ang bahay at lupa nila.  Ito na lamang ang mayroon sila.  Kaya kahit labag sa loob niya, napilitan siyang sumama sa lalaki.  Bahala na. Hindi niya alam kung papaano niya ipapaliwanag kay Timothy ang tungkol dito.  Pihadong magwawala ito sa galit.

            “Good,” sabi ng lalaki saka nilingon ang isa sa mga body guards nito, “Isama mo na sya sa sasakyan.”

            “T-teka, hindi ako pwedeng mag-stay in dun. May trabaho ako, araw-araw akong pumapasok, Monday to Friday. . .”

            “Ako ng bahalang mag-asikaso ng resignation mo!”

            “Teka, ano to?” Sigaw niya.

            “Gaya nga ng sinabi ko? Sasama ka sakin kung ayaw mong makulong ang tatay mo, okay?” Sabi nito sa kanya saka tiningnan ang tauhan, “Ano pang hinihintay mo? Isama mo na sya sa sasakyan!” Utos nito sa lalaki saka lumabas na ng bahay nila.

            Napakagat labi siya.  Iginiya siya ng body guard palabas ng bahay ngunit mabilis niyang ipiniksi ang kamay nitong nakahawak sa kanya.  “Kaya kong maglakad mag-isa.” May kasungitang sabi niya sa tauhan nito saka naglakad papasok sa loob ng kotse.  Nakaupo na sa likuran ng limousine, sa passenger’s seat si Mr. Sy nang pumasok siya.  Hindi siya makapaniwala sa napakagarang sasakyan nito.  Baka mas mahal pa sa bahay nila ang halaga ng sasakyan nito.

            Akmang aandar na ang sasakyan nito nang may maalala siya, “Sandali, kukuha lang ako ng ilang mga gamit ko.”

            “Hindi na kailangan.  Ako ng bahala dun,” malamig ang tonong sabi sa kanya ni Mr. Sy.

            “Pero. . .” Bago pa niya maituloy ang sasabihin ay pinatakbo na ng driver nito ang kanilang sinasakyan.  Napapikit siya.  Ramdam niya ang takot na gumapang sa kanyang buong pagkatao.  Hindi niya alam kung ano ang buhay na naghihintay sa kanya ngayon.

            Siya ang magbabayad ng 70 million pesos na utang ng Papang niya.

            Paano niya pagtratrabahuhan iyon?

                        Mistula itong lalaking walang pakiramdam.  Walang puso.  Na para bang walang ibang mahalaga dito kundi ang pera at kapangyarihan.  Bawat parte ng pagkatao nito ay naghuhumiyaw ang kapangyarihan.  Alam niyang hindi lamang ito basta mayaman.  Panigurado siyang isa ito kung hindi man pinakamayaman sa bansa.

            Ano bang business nito?  Napakabata pa nito and yet mukhang napaka-successful.  Marahil ay pinamanahan ito ng mga magulang ng limpak na limpak na salapi at mga negosyo.  Kung hindi siguro nalulong sa bisyo ang Papang niya, baka matagumpay na rin ang Textile business nila.  Marami talagang pamilya ang nasisira ng dahil sa bisyo.  Napaluha na naman siya lalo na nang maisip ang dalawa niyang nakababatang kapatid.  Tiyak na dadamdamin ng husto ni Marco at ni Junjun ang nangyaring ito.

            Sana naman ay huwag na lang sabihin ng Papang niya ang totoo sa mga kapatid niya.  Ayaw niyang tuluyang mawala ang respeto ng mga ito sa ama nila.

            After almost one hour na biyahe ay nakita niyang pumasok ang sasakyan sa isang kulay pulang gate na pagkataas-taas.  At ten minutes rin ata ang tinakbo nila bago nila marating ang pinakadulo ng bakuran.  Namangha siya sa malapasyo nitong mansion.  Sa pelikula lamang siya nakakakita ng ganuon kalaking bahay.  Gaano ba kayaman ang lalaking ito?

            Nang bumaba sila ay sumalubong sa kanila ang mga di unipormadong maid.

            “Dalhin mo sya sa guest room na ipinahanda ko,” utos ni Matt sa isa sa mga ito saka walang lingon-lingon na pumasok sa loob ng bahay.

            Manghang-mangha siya nang makapasok na siya sa loob.  Para iyong museum sa laki.  Sinundan niya ang maid na naka-assign para alalayan siya.  Pumasok sila sa isang napakalaking kuwarto.  Parang kuwarto ng isang prinsesa, sa loob-loob niya habang iginagala ang mga mata sa kabuuan ng kuwarto.

            Naalala niya si Timothy nang makita ang telepono, nilingon niya ang maid, “Pwede ko bang makuha ang address dito?  Tatawagan ko lang ang boyfriend ko.”

“NATALIA!!!  Natalia!!!” Mula  sa cctv ay naririnig at nakikita ni Matt ang isang lalaki na marahas na kinakalampag ang gate ng kanyang mansion.

  Napaismid siya.  Pinindot niya ang isang button mula duon para sa speaker.  “Anong kailangan mo?  Umagang-umaga nanggugulo ka?”

“Girlfriend ko si Natalia.  Ilabas ninyo sya!” Galit na sigaw nito.

“Hindi ba niya sinabi saiyong may kailangan siyang pagbayaran kaya siya naririto?  Kung kaya mong bayaran ang 70 million na pagkakautang ng Papang niya, makukuha mo si Natalia!”

“Labag sa batas ang ginagawa mong ito.” Sigaw nito, “Idedemanda kita!  Ipakukulong kita. This is human trafficking!” Tila nanakot pang sabi nito sa kanya.

“Go ahead.  Magsampa ka ng kaso laban sa akin!” Sabi niya rito, “But I’m warning you, itong pangugulo mong ito, ora mismo, pwede kitang ipadamot sa mga pulis kung gugustuhin ko!” Babala niya dito.

“Matapang ka lang dahil may pera ka!  Bakit hindi ka lumabas dito, magsuntukan tayo!” Nanghahamong sabi nito sa kanya.

Tinawanan lamang niya ang sinabing iyon ng lalaki.  Hindi siya pumapatol sa kung sinu-sino.  Hindi na niya kailangang ipagmalaki pa ang mga awards na napanalunan niya sa kung anu-anong kompetisyon ng martial arts.  Bata pa lamang siya ay sinanay na siya sa self defense.  Kahit sa boxing ay di uubra ang mga kalaban sa kanya, ito pa kayang mukhang pipitsuging lalaki na ito?

Napailing siya.

Alam niyang isang suntok lamang niya rito ay kaagad niya itong mapapatumba.

Pero pinipili lang niya ang kanyang pinapatulan.

Pinindot niya ang mute button dahil ayaw na niyang mag-asaya pa ng panahon dito.  Bahala itong magngangawa sa labas ng gate. Tumayo siya saka nagsuot ng robe at lumabas sa kanyang kuwarto.  Inabutan niya si Natalia na tumutulong sa mga maids sa mga gawaing bahay sa loob ng mansion.

“Stop it!” Saway niya sa babae.  Hindi lang si Natalia ang napahinto sa ginagawa, lahat ng mga katulong ay nagsipaghinto at matiim na nakinig sa sasabihin niya, tiningnan niya si Natalia, “Sinong may sabi saiyong tumulong ka sa kanila?” Tanong niya dito saka tiningnan ang mga maids, “Hindi ko sinabi sa inyong pagtrabahuhin ninyo sya dito sa bahay!” Sabi niya sa mga katulong.

“Pero andito ako para bayaran ang mga inutang ni Papang, hindi ba?”

“Yeah.”

“Pero sa palagay mo mababayaran moa ng 70 million sa pangangatulong lang sakin? Negosyante ako.  Hindi ako nagpapautang kung alam kong malulugi ako!”

Kunot-nuong napatingin sa kanya si Natalia.

Napangisi siya, “Hindi mo pa ba alam kung ano ang magiging trabaho mo sa akin?” Makahulugang tanong niya dito.  Kitang-kita niya sa mga mata ni Natalia ang takot at pagkataranta.

           

NGAYON lang niya biglang narealize kung anu-ano ang maari nitong ipagawa sa kanya bilang kabayaran ng pagkakautang ng kanyang ama.  Sex slave? Alipin?  Nanlalamig ang kanyang buong talampakan. 

            Alam niyang kahit lumuhod siya sa harapan nito ay hindi siya nito kaawaan.

            It’s no use na magprotesta pa dito.  Nakasanla ang katawan at kaluluwa niya sa diyablo.  Ang tanging magagawa na lamang niya ay mag-isip ng paraan kung paano niya mababayaran ang utang nila nang hindi naman siya gaanong naagrabyado.

            “Darating si Miss Alysson  after lunch.  Sasamahan ka nya para mamili ng mga gamit mo!” Sabi ni Mr. Sy sa kanya, “Bitiwan mo yang basahan at saluhan mo akong mag-break fast!” Utos nito sa kanya saka mabilis na siyang tinalikuran.

            Kunot-nuo niyang nilingon ang maid sa tabi niya.

            “Naku, mga girlfriends lang ni Sir ang sinasabayan nung mag-breakfast kaya swerte mo,” bulong nito sa kanya.

            Paano akong naging swerte? Mas gugustuhin ko pang maglinis ng buong bahay kesa makasalo sa almusal ang lalaking ito!

            Ngunit hindi na lamang niya isinatinig pa ang laman ng kanyang isipan.  Alam niyang na-trap siya sa lalaking ito at kailangan niyang makaisip ng paraan kung papaano makakawala dito.

            “Puntahan mo na si Sir.  Ayaw nung ng pinaghihintay sya,” Sabi naman ng isa pang katulong sa kanya.  Kaagad niyang hinanap ang dining room.  Muntikan pa siyang maligaw sa laki ng bahay nito.

            Iginiya siya ng unipormadong maid sa tapat ng pagkahaba-habang lamesa.  Iyong setting ay parang sa mga drakula movies na napapanood niya.  May pagkahaba-habang lamesa.  May malaking shandelier at tig isa pa sila ng maid na magsisilbi sa kanila.  At bakit naman napakaraming pagkaing nakahain sa mesa samantalang dalawa lang naman pala silang kakain?

            Naalala tuloy niya ang kanyang mga kapatid.  Paniguradong matutuwa ang mga ito sa pagkasasarap na mga pagkaing nakahain sa mesa.  Samantalang sila, minsan lang kumain ng masarap, kadalasan, gulay at kaunting-kaunting karne para magkalasa.  Kung wala pang may birthday, hindi siya nakakapagluto ng masarap.

            Muli niyang naalala ang kanyang trabaho.   Tiyak na magwawala ang kanyang boss.  Ni wala siyang formal resignation.  Basta na lamang siyang naglaho na parang bula, pwede ba iyon? At si Timothy.  Kailangan niya itong makausap.

            “Kailangan kong makausap ang boyfriend ko.  Baka nag-aalala na iyon.  Saka nga pala, gusto kong magpaalam ng pormal sa pinagtratrabahuhan ko.”

            “Isa ako sa shareholder ng company na pinapasukan mo kaya ako ng bahala dun!”

            Gulat na napatingin siya dito.  Paano nito nalaman ang pinapasukan niya?

            Wari namang nahulaan nito ang nasa isip niya, “I did my research.  Sa akala mo ba basta na lamang kita papatuluyin dito kung di ko nacheck ang back ground mo?  Gaya nga ng sabi ko, businessman ako.  Hindi ako kumukuha ng mga taong walang pakinabang!”

            “A-At ano naman ang papakinabangan mo sakin?”

            Napangisi ito, “Why would I tell you?  Hindi ko inilalatag ang baraha ko sa mga taong alam kong di ko mapagkakatiwalaan, in case hindi mo pa alam!”

            “H-Hindi mo pala ako mapagkakatiwalaan, then bakit mo ako pinatuloy dito? It does not make sense,” nailing na sabi niya.

            “Hindi ko kailangang magpaliwanag pa saiyo!” Sabi nitong sinimulan na ang pagkain.

            Hindi niya magawang galawin ang pagkain niya.  Kahit gaano pa kasarap ang mga iyon.  Hndi siya makapaniwalang napasubo siya sa ganitong sitwasyon.  Paano nga ba siya nitong napapayag?

“MAY KATIBAYAN ka ba sa isinasampa mong kaso laban kay Mr. Matt Sy? May makukuha ka bang maaring tumitestigo?  Mabigat na kaso ang human trafficking pero kailagan mo ng sapat na ebedensya.” Sabi ng pulis nang magpunta si Timothy sa police station para sampahan ng kaso ang negosyanteng si Mr. Sy.

            Hindi siya makasalita.  Hindi rin malinaw sa kanya ang lahat at kung ano ang naging kasunduan ni Natalia sa lalaking iyon.  Tanging ang bunsong kapatid lang naman ni Natalia ang napagtanungan niya dahil ayaw namang sagutin ng ama ni Natalia ang mga tanong niya.

            “Isa pa, nasa wastong edad na ang iyong nobya.  Kung wala kang makukuhang testigo, Malabo yang kaso mo lalo pa at malaking tao ang kakabanggain mo.” Dagdag pa ng pulis sa kanya.

              “Pero maniwala kayo sakin.  Nakausap ko ang girlfriend ko.  Siya ang kinuhang kabayaran ng lalaki para sa utang ng father nya.”

            “At pumayag ang girlfriend mo?”

            Napahinga siya ng malalim.  Gusto na niyang suntukin ang pulis na kausap niya.  “Bakit ba hindi mo ko ma-gets?” Kumuha siya ng sigarilyo, natetense na siya dahil mukhang walang patutunguhan ang pagrereklamo niyang ito. 

            “Sir, bawal hong manigarilyo dito oh, ang laki ng karatula!” May sarcasm sa tonong sabi ng pulis sa kanya.

            “Shit!” Pikon na pikong tumayo siya at nagwalk out palabas ng police station.  Inis na inis siya habang sinisipa ang bench na gawa sa semento.

“YOU LOOK STUNNING!” Bulalas ni Miss Alysson kay Natalia matapos maayos at makulayan ang kanyang buhok, “Daig mo pa ang celebrity sa ganda mo!” Excited na sabi pa nito, “I’m sure magugulat si Matt pag nakita ka!”

            Napatingin siya sa kanyang itsura sa salamin.  Naalala niya ang nanay niya sa kanya.  Beauty titlist ang mother niya at palagi itong sumasali sa mga patimpalak nuong kabataan nito. Marami ring mga talent scout ang madalas lumalapit sa kanya nuon kapag nasa mall siya. It’s either inaalok siyang sumubok mag-artista, mag-audition sa mga commercials or sumali sa mga beauty contests.  Pero hindi naman siya mahilig magsasali sa mga ganun kaya tinatapon lang niya sa basurahan ang mga calling cards na binibigay sa kanya.  Isa pa, simula nang ma-bankcrupt sila ay parang nawalan na rin siya ng kumpiyansa sa sarili. 

            “Ikaw ang flavor of the month ngayon ni Matt.  Hanggang kelan naman kaya?” Sabi pa nito sa kanya habang nakatayo ito sa likuran niya, pinagmamasdan siya sa salamin.

            Nangunot ang nuo niya, “It’s not what you think?  M-May utang lang ang Papang ko kay Matt kaya napilitan akong magtrabaho sa kanya.  Pero kung iyong iniisip mo ay. . .” Napailing siya, “Hindi ako papayag.  Hindi ako ganung klase ng babae!”

            “Tatanggihan mo ang isang kagaya ni Matt?” Makahulugang tanong nito sa kanya, “Wala pang babaeng umaayaw sa isang kagaya nya!” Sabi nito sa kanya, “Actually, nag-uunahan kaming mga babae para lang mapansin nya.  Kaya maswerte ka kung kahit saglit lang, natawag mo ang atensyon nya!”

            Umiling siya.

            Paanong magiging maswerte ang ma-involve sa ganuong klase ng lalaki?  Hindi siya makapaniwalang may mga babaeng nahihibang sa aroganteng kagaya ng lalaking iyon!  Aaminin niya, napakaguwapo ni Matt.  Ngunit hindi lamang ang pisikal na anyo ang batayan niya kapag tumitingin siya sa isang lalaki.  At ngayon pa lang ay tinitiyak na niyang wala ni isa man sa mga katangiang hinahanap niya sa isang lalaki ang taglay ng mayabang Matt na iyon!

            Pagkatapos niya sa hair salon ay dinala naman siya ni Alysson sa pamilihan ng magagarang damit, sapatos, bags at mga alahas.  Nalulula siya sa mga tag price duon pero parang balewala lang naman iyon kay Matt.

            Hindi pa rin niya maintindihan magpahanggang ngayon kung ano ang tumatakbo sa isip ni Matt.  Kung bakit siya binibihisan ng ganito.  Clueless siya sa pakinabang na makukuha nito sa kanya.

            Difinitely, hindi naman sex.  Dahil kung sex lamang, pagakarami-rami namang babaeng makukuha nito.  Sabi nga ni Alysson, maraming nagkakandarapa mapansin lamang ng lalaking iyon.  Pero kung hindi sex, ano?