Chapter 71

Drake

Kanina pa mainit ang ulo ko dahil sa mga nakita kong kapalpakan ng ilang mga tauhan sa site. Idagdag pang mag-isa ako ngayon dito dahil may kanya-kanyang lakad ang apat na itlog kaya ako lang ang nag-handle ng problema.

Nadagdagan pa ang inis ko ng tumawag si Rina at sinabing umalis si Val ng hindi siya kasama.

Kabilin-bilinan ko kasi kay Rina na kung sakaling aalis ang Ma’am niya ay samahan niya pero kanina daw ay umalis ito kasama si Trish at nagalit pa daw sa kanya ng magpumilit siyang sumama.

Alam ko na mali dahil kay Val ko naibunton ang init ng ulo ko kaya naman minabuti ko ng tapusin ang pag-uusap namin at baka may masabi ako na pagsisihan ko bandang huli.

Medyo na-late pa ako ng uwi dahil inabot ako ng traffic so I expected na tulog na si Val pagdating ko.

Agad naman akong sinalubong ni Rina pagdating ko kaya naman tinanong ko kung kumain na ang Ma’am niya.

“Opo sir! Nagpadala po ng pagkain sa kwarto. Pagdating po kasi niya hindi na po lumabas ng kwarto.” Kwento sa ak