Chapter 33

Blanca

Magulo ang isip ko pag gising ko ngayong umaga at wala ako sa mood bumangon. Masakit ang ulo ko pero ng maalala ko ang mga nadiskubre ni KC kay Alfonso ay para akong binuhusan ng malamig na tubig.

Agad akong napabangon ng maalala ko ang banta nito sa pamilya ni Marcus. Kahit naman may atraso ang ama nila sa akin ay hindi ko gugustuhin na mapahamak ang magkapatid, lalo pa at sa kamay ng kadugo nila.

Agad akong nagtungo sa banyo at naligo para kahit paano mabawasan ang bigat ng pakiramdam ko. Pagtapos kong magbihis ay dumeretso na ako sa labas.

“Hey! Good morning!” bati sa akin ni KC. “ Maupo ka na at kumain ka na! “

Kumuha muna ako ng kape bago ako naupo. Sinandukan na ako ng pagkain ni KC dahil nakatulala nanaman ako ng maalala ko si Marcus.

“Eat!” anito pagkatapos akong pandilatan ng mata

“Kailangan nating pigilan si Alfonso. Baka kung ano ang gawin niya sa magkapatid.” nag-aalalang baling ko sa kanila. Hindi ko magawang kumain dahil sa nararamdaman kong kaba.

“Hindi yan ka