Chapter 146- Nasa labas na ang anak mo.

“Kal,” sinampal sampal ni Kelleon ang mukha ni Kallahan para magising. Wala talaga siyang pinagkakaaliwan ngayon kun’di si Kallahan lang.

Hinahayaan lang naman siya ni Donya Merita. Sabi pa nito, “bahala ka sa gusto mong gawin sa kaniya.”

Kaya heto at umaandar ang kakulitan niya.

“Huwag mong guluhin,” sabi ni Damien kasi pati siya naaalog. Gusto niyang matulog pero hindi siya makatulog dahil kay Kelleon na walang humpay sa pan ti-trip kay Kallahan.

“Sandali lang naman. Gisingin na natin at baka matuluyan.” Nayayamot na si Shamcey sa tabi habang nakatingin kay Kelleon na niloloko si Kallahan.

Si Milandro na naiinis kanina ay nakalabas na ang cellphone ngayon habang kinukunan ng video si Kallahan.

Isa pa siyang nasa gilid na mata ang mga luha.

Dahil mahaba ang buhok ni Kallahan, napagtripan nila iyon ni Kelleon kanina. Itinali nila into two pigtails.

Sinasaway sila ni Damien pero hindi sila nakinig. Ika pa nila, minsan lang daw nila mabiro si Kallahan.

Nakahawak na si Drew sa bibig niya