008

Maria Lyn POV

Nagising ako. Dahil sa pagbuhos ng isang nalamig na tubig sa akin. Muntik na akong malunod.

"Wake up, Sleepy head."

Tinignan ko ng masama ang taong nasa harapan ko.

"Surprise?!" nakagising saad nito.

Nagulat ako noong una. Pero agad ko ding nabawi ang pagkagulat ko.

"Ikaw?"

"Yes, ako nga, Maria Lyn."

"Bakit ginagawa mo ito? Ano ang kasalanan ko sa iyo."

"Wala ka naman talagang kasalanan eh. Ay mayroon pala, isa ka kasing mang-aagaw. Noon pa ay inaagaw mo na ang para sa akin."

"Wala akong inagaw sa iyo, Mezzy."

"Mayroon! Mayroon kang inagaw sa akin. Kung hindi ka sana bumalik. Kung nanahimik ka sana sa ibang bansa kung saan ka man naglalagi. Sana ay ako na ang asawa ngayon ni Ezekiel."

"Nababaliw ka na ba? Hindi isang laruan si Ezekiel na kung ayaw ko ay pwede kong ibigay sa iyo."

Tumayo ito. "Tama ka, hindi isang laruan si Ezekiel. Dahil sa lahat ng laruan na mayroon ako ay siya ang pinaka special. Sobrang special niya na inalagaan ko ng mahabang panahon. Pero nang dumat