Chapter 84

“Humimpil sa tapat ng Aragon real estate ang isang puting sasakyan, pagkatapos na buksan ng dalawang nakaunipormadong lalaki ang pinto ng magkabilang gilid ng kotse ay bumaba ang magkapatid na Esmeralda at Gracia. Taas-noo na naglakad ang mga ito papasok sa entrance ng lobby, kaagad namang tumigil sa kanilang mga ginagawa ang lahat ng mga empleyado at mabilis na nagyuko ng kanilang mga ulo. Patuloy sa paglalakad ang magkapatid na tila mga walang pakialam sa kanilang paligid. Ngunit ang isip nila ay lumilipad sa kung saan dahil hindi na nila namalayan na nasa harap na pala sila ng elevator kaya biglang huminto sa paghakbang si Esmeralda habang si Gracia ay bumangga sa likod ng kanyang kapatid.

Isang matalim na tingin ang natanggap ni Gracia mula sa kanyang ate bago ito tuluyang pumasok sa loob ng elevator. “Ate, bakit ba nangyayari ang lahat ng ito sa atin?” Kung minsan ay sumasagi sa aking isipan na baka nga ampon lang tayong dalawa ni Papâ.” Malungkot na pahayag ni Gracia, “kung si