Chapter 4-Starting the plan

"Ma, Sino po siya?" tanong ko sa kaniya 

Nakahiga ako sa sala ng biglang dumating si mama na may kasamang lalaki. 

"Akala ko bibili ka lang ng pang-ulam mamayang gabi at bukas ng umaga?" muli kong tanong kay mama 

Walang ni isa sa kanila ang nagsasalita. 

Si mama naman di ko  mabasa ang reaksyon basta nakatingin lamang siya sa akin. 

"Ma ano---  Naramdaman ko na lang yumakap sa akin ang lalaki at humagulhol si mama ng iyak 

What the fuck! 

Bakit umiiyak si Mama

Bakit ganyan reaksyon ni Mama 

Bumitaw ako sa yakap ng lalaki at hinawakan si mama 

"Ma ano  po bang nangyayari? Pwede niyo po ba ipaliwanag?" tanong ko kay mama habang kumukuha ng water sa table at ibibigay kay mama 

"Umupo ka muna at huminahon Mama" alalay ko sa kaniya 

Tumahimik ng sandali ang paligid at muling nagsalita si Mama

"Siya ang tatay mo" kaswal na sabi ni Mama 

"Alam ko Ma, pero bakit nandito siya?"  Malakas na boses na tanong ko 

"Anak huminahon ka muna. Magpapaliwanag ako." sabi sa akin ni Mama

"May sakit ang mama mo at kailangan niya ng mahabang gamutan kailangan ko siyang ipadala sa U.S para masirado ang gamutan niya kapalit noon kailangan mong magtrabaho sa akin. Malaking pera ang kakailanganin para sa kaniya at ikaw ang magbabayad nun" Bigla biglang sagot ng aking Ama 

"Alfred! Wag mo biglain ang anak natin." sigaw naman ni Mama 

Sasagot pa sana ang aking Ama ngunit nagsalita na ako

"Kung may sakit ang aking Ina ipapagamot ko siya ng sarili kong pera. Magtatrabaho ako at hindi sa iyo. Maari ka ng umalis. Kaya kong ipagamot si Mama. " Magalang at may diin kong sagot sa Kaniya 

Oo nabigla ako pero kailangan kong lakasan ang loob ko dahil ako lakas ni Mama. Masakit para sa akin malaman na may sakit si mama. Masakit para sa akin na nahihirapan na pala ang aking ina pero wala akong ginagawa para tulungan siya.

"Aalis ako dahil ayoko ng Drama niyong mag-ina. Chel ang pinag usapan natin sana tumupad ka" sabi niya kay mama at naglakad na palabas ng pinto

Sinundan ko siya para masigurado na umalis na siya. 

"Umalis na tayo dito ma. Lipat tayo ng apartment" sabi ko habang kinukuha ang maleta 

"Hindi pwede anak" sabi ni mama

"Kailangan mong magpagamot, kailangan natin ng tahimik na buhay tulad ng sabi mo dati. Ako magpapagamot sa iyo. Ayoko ng tulong ng kahit sino" sabi ko kay Mama 

"Anak, Kailangan ka ng Daddy mo" sabi naman ni Mama 

"Hindi natin siya kailangan!" sabi ko kay Mama

"Pero anak-

"Mama naman. Nabuhay tayo sa mahabang panahon ng wala siya. Nakapag-aral ako ng maayos at nakapagtapos dahil sa iyo. Ikaw at ako lang sa mahabang panahon, tapos ngayon, ngayon ko lang maibabalik lahat ng sakripisyo niyo, lahat ng pinaghirapan niyo at bigyan ng maayos na buhay tapos babawiin niya? sino ba siya? Anong karapatan niya sa atin ma, sa akin" mahabang sinabi ko ko at halos maiyak iyak na

Pinutol ko si mama 

"Siya ang Ama mo, anak" saad ni Mama 

"Hindi siya nagpaka-ama kaya hindi ko siya Ama. Di ba dapat ako ang magdecide kung Ama ko siya po Hindi? Di ba Ma?" tanong ko kay Mama 

Umiyak na lang ng umiyak si Mama kaya niyakap ko na lang siya ng mahigpit. Mahal na Mahl ko si Mama. Siya lang ang taong nagtiis, nagsumikap at nagsakripisyo para mabuhay ako at bigyan ng magandang kinabukasan.

Nakatulog si Mama dahil sa pagod kakaiyak kaya binuhat ko na lang siya sa kwarto at inayos ang ang dala niyang pinamili kanina.

Mamaya pag mahinahon na si Mama. Kakausapin ko siya sa bagay na sinabi ng lalaking iyon. 

Kilala ko na siya. Matagal na panahon na. 

Madaming beses ko na din nahuli sila ni Mama na nag uusap sa di ko malaman na dahilan. Pero tuwing matatapos ang usapan nila nag iimpake na si Mama at aalis kami ng sobrang layo ng biglaan. 

Hindi na ako nagtatanong at nagtataka pa sa paulit ulit na nangyayari iyon. 

Sobrang laking pagtataka ko ngayon bakit baliktad na ang nangyayari. Alam kong bilyonaryo ang aking Ama ngunit di ko inaasahan na sa kaniya hihingi ng tulong si Mama. 

*Third Person P.O.V*

Wala naman talagang sakit ang Ina ni Ice. 

Pinalabas lamang nila ito dahil sa isang Kasunduan. 

Si Martin Santiago ay isa sa mga bilyonaryong tao sa bansa. Siya ang naging tagapagmana ng company nila kahit madami silang nagaagawan dito. Naibigay sa kaniya ang posisyon dahil sa galing, talino at sariling diskarte. Sa loob ng limang taong pamamahala mas naging mabuti at maayos ang kumpanya. Sobrang perpekto na ng kaniyang buhay ngunit may isa at pinakamalaki lang siyang problema ito ay ang hindi magkaroon ng Anak na lalaki. 

Tatlong taon na silang nagsasama ng kaniyang asawa. Unang taon pa lamang ay biniyayaan  na sila ng anak na babae. Tinanggap at minahal niya ito ngunit ng mga lumipas na buwan at araw nakita niya ang pagiging mahina at sakitin nito kaya pinilit niyang magkaroon pa ng isa pang anak. 

Naniniwala kasi siya na kung mahina ang kaniyang anak walang ibang tagapagmana at sasalo ng kaniyang mga pinaghirapan. Ayaw niyang dumating sa punto na mapunta sa mga sakim niyang mga kapatid ang lahat. 

Ilang taon din nilang sinubukan ngunit wala talaga. Lahat na ginawa nila, mga payo at gamot na sinasabi ng doctor. 

Nagiging kansyawan pa sa kanilang opisina ang pagkakaroon niya ng babaeng anak at wala na daw kuno ang susunod sa yapak niya. 

Wala na siyang ibang maisip na gawin kung hindi magpakalasing at unti-unting tanggapin ang lahat. Hindi nasagi sa isip niyang mangaliwa dahil mahal na mahal niya ang asawa niya. Ayaw niya din magkaroon ng bahid para muling pulaan ng ibang tao. 

Ngunit isang gabi, dumating ang kaniyang secretary at dinamayan siya sa kaniyang kalungkutan ngunit nagbunga ito. 

Sobrang galit niya noong nalaman niya kaya inutos niyang ipalaglag ang bata. 

Nabalitaan niya na lang na lumipat ang mga ito at walang nakakaalam saan sila lumipat.

Ginawa niya ang lahat, kumuha siya ng imbestigador para hanapin ang magina at malaman kung pinatuloy niya ba ang kaniyang pagbubuntis. 

Pinuntahan niya ito noong malaman na lalaki ang anak nila. 

Nakiusap siya na pananagutan at bubuhayin niya ang kaniyang Anak ngunit si Michelle ang talagang ayaw dahil sa tuwing natatagpuan niya ang mga ito ay agad na lilipat ng lugar. 

Hanggang sa napagod siya. Hinayaan niya na lang ang mga ito sa nais nila. Naging malamig na din ang trato niya sa kaniyang magina at parang wala na siyang pamilya. 

Mula sa malayo alam niya ang nangyayari sa kaniyang malayong magiina. Alam niya din na nagapply sa anak ng kalaban niyang kumpanya ang kaniyang Anak. 

Hindi niya ito pinigilan pero sinubukan niyang tawagan at kontakin ang ina nito hanggang sa napagusapan nilang magtatrabaho ito sa kaniya at lalayo siya sa kaniyang anak. 

Plinano na niya ang lahat ng mga iyon bago niya sabihin sa kaniyang dating secretary. Alam niya din kung paano mapa-oo ang babaeng iyon.

Sa kabilang banda naman ay isang babae ang nawalan ng malay habang naglalakad. Basang basa ito ng ulan at halatang sobrang napagod. 

Dinala ito ng mga nakakita sa pinakamalapit na hospital. 

Nagising ang babae sa halip na alalahanin niya kung bakit siya nasa hospital ay inalala niya bakit hindi dumating ang kaniyang inaasahang tao. 

Sobra siyang nanlumo ng di ito dumating dahil sa maraming dahilan. 

Una na doon ang kaniyang magulang at mga kapatid. 

Alam niyang kung isang ordinaryong tao lang kagaya ni Ice at isang kagaya niya mataas ang antas sa lipunan ay di gugustuhin ng karamihan. Alam niyang tulad ng nakukuha niyang panghuhusga ay mas doble kung malalaman ng public na isang ordinaryo lang ang boyfriend ng isang coo na kagaya niya. 

Alam niyang iisipin ng iba na pera lamang ang habol ng boyfriend niya sa kaniya. Alam niyang malaki talaga ang magbabago sa buhay nilang dalawa kung malalaman ni Ice na isa siyang anak ng isang villanueva. 

Natatakot siyang hiwalayan siya nito dahil lang ayaw ni Ice ng marangya at magulong pamilya. Hunagulhol na lamang siya ng may lumapit na babae sa kaniya at tinanong kung 'Okay lamang siya'

Alam niyang langit at lupa sila ngunit handa siyang maging ulan sa langit para pagdating ng panahon sa lupa pa din ang bagsak niya at ito ay sa piling ng kaniyang mahal at minamahal.