Chapter 2:

How can i describe this gorgeous man standing in front of us?

I am totally speechless.

"Hi, my name is James." He smiled and bended his arms to handshake. 

At first, I hesitated to reach his hands pero inabot ko na rin yung kamay ko para makipag shake hands sa kanya. Nangingig pa ang mga kamay ko at nararamdaman ko na din yung buong katawan ko na nanlalamig. Namumuo na din ng pawis ang noo ko. 

Pagkalapat ng mga palad namin ay para akong nakuryente kaya naman ay agad kong binawi ang mga kamay ko sa kanya na agad niya din namang ikinatawa.

Para naman akong natulala habang tinitingnan siyang tumatawa.

Nawawala kasi yung mga mata niya dahil sa singkit nito. Dun ko lang din siya natitigan ng maayos.

Matangos ang ilong, mahahabang pilik mata, maganda ang mga ngipin at sobrang puti. Ano kaya Ang toothpaste na ginagamit niya? Para naman makabili na din ako. HAHAHA. Mapupula din ang kanyang mga labi at perpektong perpekto ang pagkakahugis ng mukha niya. Kasing tangkad niya lang si Jeff kaya naman halos mabali ang leeg ko kakatingin sa kanya. Napakaputi din niya daig pa ang kutis nating mga babae. Napansin ko din yung hikaw niya na nasa tenga niya. Nagiisa lang yun at may hugis na krus.

He's just wearing a black shirt and black denim pants kaya naman kung titingnan mo siya ay talagang pangbad boy ang kanyang pormahan. 

Habang tiningnan ko siya ay agad naman siyang napahinto ng tawa at tinitigan ako sa mata.

Those black piercing eyes. 

Para akong hinihila papunta sa kanya at parang gusto kong hawakan ang mga mapupungay niyang mata.

Para akong hinihigop ng mga titig niya dahil sa lalim nito.

Napahinto ako sa pagtitig sa kanya ng makarinig ako nga isang tikhim. 

Shocks. Kanina pa pala kami nagkakatitigan. Nakakahiya!

Nararamdaman ko na ding namumula ang mga pisngi ko kaya agad ko na ding iniwas ang tingin sa kanya.

Umatras naman siya ng konti at humakbang papalapit kay Ara. Pagkatapos ay nagpakilala na din ito sa kanya. Ngumiti naman si Ara sa kanya at pagkatapos ay lumapit sa akin.

"Ah, Angel, Si Jeff palang yung sinasabi kong ipapakilala ko sa iyo kanina," Nakangiting sabi niya. Ahh, so, siya pala yun? Pwde na! Pasado nga sa akin eh. Ang problema talo ako sa pustahan. Huhuhu. 

Goodbye mga babies ko!

PAGKATAPOS naming ipakilala ang isa't-isa ay napagdesisyonang naming umupo muna kami sa may bench.

Naguusap na din sila Jeff at Ara. Habang ako naman ay nakatingin lang sa mga taong napapadaan sa harapan namin.

Sobrang na awkward ako kanina dahil sa ginawa ko. Sarap lang lumubog sa lupa o di kaya ay magtatakbo pauwi sa amin. Huhuhu.

Nakakahiya ka Angel!

"Ah, Hi ulit!" Gulat akong napatingin kay James na nakalapit na pala sa akin. 

"H-hello," Mahinang sagot ko sa kanya at iniwas ang aking tingin.

"Pwde makiupo?" Tanong niya habang minimuwestra ang bakanteng upuan katabi ko. Ngumiti lamang ako sa kanya at tumango. Agad din naman siyang umupo sa tabi ko at humarap sa akin.

"Ba't ang tahimik mo? Bored ka na ba?" Tanong niya sa akin. Agad naman akong umiling at napag desisyonang makipagusap nalang sa kanya.

"Hindi naman. May iniisip lang ako." Singungaling ka talaga Angel. Hays. Ang tooo kasi niyan ay kanina pa ako nao-out of place dito. Magkausap parin kasi si Ara at si Jeff. Habang si Nat at James naman kanina ay naguusap din kaya tumitingin-tingin nalang ako sa mga taong dumadaan.

"Kung okay lang sayo, pwde ba tayo mag-usap? Alam mo na, para magkakilala pa?" Ani niya. Ilang minuto pa ang lumipas ay marami na din akong natutunan sa kanya. Grade 11 student na pala siya at Business ad. ang kinuha niyang course. Tatlo lang silang magkakapatid. Yung ate niya ay teacher na sa isang sikat na paaralan. Yung pangalawa naman ay nasa ibang bansa nagtatrabaho. Bale, siya ang bunso sa kanilang tatlong magkakapatid at nagiisang anak na lalaki. Marami pa kaming napagusapan tungkol sa mga bagay-bagay at masasabi kong masarap siyang kausap. Papatawanin ka talaga niya at hindi siya nakakasawang pakinggan. Habang tumatagal ang usapan ay napapanatag at gumagaan ang loob ko sa kanya. Mukha naman siyang mabait at friendly na tao. Hindi din siya bastos at napaka gentle man.

Napakasarap din pakinggan ng boses niya at tawa. Yung parang nakaharap ka ng Anghel na bumaba sa langit. Malamyos ang tinig at napakatamis pakinggan. 

Habang tinitingnan ko siya ay nararamdaman ko ang pagbilis ng puso ko at kiliti sa aking tiyan. Hindi ko maintindihan ang nararamdaman kong ito at ayaw ko ding mawala pa at matapos ang mga sandaling ito.

Ilang sandali din ay nagkayayaan kaming kumain muna. Napagdesisyonan din namin na street foods nalang kainin namin kesa mag restaurant. Matagal na din Kasi akong hindi kumakain nito kaya excited akong pumunta doon. Magkasabay kaming dalawa ni Ara ngayon, naguusap habang yung tatlo naman nakasunod lang sa amin. 

Una naming pinuntahan yung mga turo-turo. Kain ng fishball, kikiam, siomai, takoyaki, at iba pa. Sa dami nga ng nakain ko mukhang hindi na din ako magdidiner mamaya paguwi. 

Sunod naming pinuntahan ay yung nagbebenta ng kwek-kwek. Humanap muna kami ng pwesto dahil madami din kasi kami. Kumuha pa nga kami ng isa pang table para lang magkasya kaming lahat. 

Ilang sandali pa ay dumating na din yung mga order namin, kaya naman nagsimula na ulit kaming kumain. Nakailang order nga ako nun dahil sa katakawan ko. HAHAHAHA. Yung mga boys na nagbayad sa mga inorder namin lahat. Habang naguusap kaming lahat ay may dumaan na Isang lalaki sa harapan namin. Kakilala yata nila James. Tiningnan ko lamang sila habang sinisipsip yung softdrinks ko at nakinig na din sa pinaguusapan nila. 

"Uy, bro! Nandito pala kayo? Sino yang kasama niyo?," Tanong niya kina James at tinuro kami.

"Ikaw James ha? Nakikipag-date ka pa sa iba eh may asawa kana? HAHAHAHAHA." Malakas na tawa nito habang tinatapik tapik si James. 

Agad naman akong napahinto sa paginom ng softdrinks. Ano? Asawa? May asawa na pala siya? Akala ko ba estudyante pa siya? Gulat akong napatingin sa kanila Lalo na kay James ngunit di ko inaasahan na magtatagpo pala ang mata namin. Agad naman akong nagiwas ng tingin at nagkunwaring walang naririnig. 

Ilang minuto ding nagkwentuhan silang magbabarkada at pagkatapos ay umalis na din ito. Habang tinitingnan ko silang naguusap kanina ay iniisip ko yung sinabi nung lalaki. Para akong nadismaya sa aking narinig at pinilit ko na lamang na balewalain ito. Iniisip ko din na baka nagbibiro lang siya at hindi totoo yung sinabi niya kanina. 

Pero, paano kung totoo pala yun?

Paano kung totoo na may asawa na pala siya?

May kung anong tumusok sa puso ko na hindi ko malaman kung ano ito.

Nasasaktan ba ako?

Teka-teka, ba't ba ako nagiisip ng ganito?

Eh, ano namn kung may asawa na siya?

Pake ko ba?

Tsk. Nasisiraan na yata ako ng bait. O, nasobrahan lang ako sa mga kinain ko kanina kaya kung ano-ano nalang ang naiisip ko?

"Uy, okay ka lang? " Tanong ni Ara sa akin na may himig ng pag-alala. Napakurap kurap ako at tumingin sa kanya.

"H-ha? Okay lang ako Ara.*smile* So, tara na?" Pinilit kong ngumiti sa harapan ni Ara para di niya mapansin na may iniisip ako. Tiningnan ko muna ulit si James bago napagdesisyonang tumayo na. 

Nagsitayuan na din naman sila kaya naman ay agad akong kumapit kay Ara at hinila siya paalis.

Naglalakad na kami pauwi ngayon ni Ara. Yung mga boys naman na sa likod lang namin. Medyo malayo ang distansya namin sa kanila kaya nakakapagusap kami ni Ara na hindi nila naririnig.

"Ara? Totoo kaya yung narinig natin kanina? Na may asawa na si James?," Mahinang bulong ko kay Ara. Tumingin naman sa akin si Ara na natatawa.

"Ewan ko. Wala naman sigurong Asawa yang si James. Jowa siguro baka meron siya. Bakit mo natanong? Crush mo no? Yieee," Ngingiti pa niyang tukso sa akin habang sinusundot ang tagiliran ko.

"H-hindi ah. Anong crush? Alam mo namang di ko bet yung mga chinito." Ani ko at iniwas ang tingin ko sa kanya. Dapat pala hindi nalang ako nagtanong sa kanya. Nagsisisi na tuloy ako.

"Weh? Ba't namumula ka? Crush mo siya no? Sige na, aminin mo na! Parang di naman tayo magkaibigan eh," Pangungilit pa niya at dumikit pa sa akin habang nakaangkla ang kamay niya sa akin. Namumula naman Ako sa hiya at pilit na iniiwas ang tingin sa kanya.

"Cute lang siya pero di ko siya crush." Pahina ng pahina ang boses ko habang sinasabi iyon. Nakita ko namang sumilay ang mga ngiti sa mga labi ni Ara at tumatango-tango pa na para bang Hindi siya naniniwala sa mga sinasabi ko.

"Sabi mo eh," Hindi ko na siya sinagot pa at pilit na itinuon ang atensyon ko sa daan.

Ilang minuto pa ang nagdaan ay narating na namin ang kanto papunta sa amin kaya naman ay humarap na sa kami sa kanila at nagpaalam na.

"Ah, dito nalang kami ha? Malapit lang kasi yung bahay namin dito." Nakangiting paalam ni Ara sa kanila.

"Ihahatid nalang namin kayo Ara, baka mapano kayo sa daan." Si Jeff at akmang lalapit sa amin.

"A-ah, nako! Wag na. Marami kasing tambay diyan sa amin baka mapano pa kayo. Wag niyo na kaming ihatid tutal kilala naman namin yung mga tambay diyan sa kanto. Kaya wag na kayong magalala." Pigil ko sa kanya kaya naman wala na din silang nagawa. Nagpaalam na kami sa isa't- isa pero bago pa kami makaalis ay tinawag ako ni James kaya naman ay agad akong lumingon sa kanya.

"Baki-" Hindi ko na natuloy ang pagsasalita ko nang may naramdaman ako sa ulo ko. Agad akong napatulala sa ginawa niya. 

He patted my head and smiled.

Ginulo-gulo niya pa ang buhok ko na para akong bata.

"Bye-bye Dora. Ingat." Mahinang paalam niya tsaka siya tumalikod at umalis.

Napatulala naman ako sa ginawa niya at parang naestatwa sa kinatatayuan ko.

"Hoy, tara na! Para kang tanga diyan na nakatayo. Kanina pa sila nakaalis gaga. " Malakas ang tawa ni Ara habang tinitingnan ako na hindi makagalaw. Para naman akong natauhan at namumula ang mukha na tumalikod at dali- daling naglakad.

"Hoy! Hintayin mo ako bruha! HAHAHAHA" Ewan ko sayo Ara!