Tainted Hearts 53

Hindi na ako nakabalik kung nasaan sina Creed at sa halip ay pinilit ko na lang na makatulog sa kuwarto. Matagal bago ako dinalaw ng antok. Naramdaman ko pa ang pagpasok ni Creed at paghalik niya sa aking noo bago siya natulog sa kabilang kama.

Kinabukasan, bumaba kami at kasalo sa agahan ang lahat. Kagaya nang naisip ko'y baka hindi alam ni Lennox ang ginawa niya. Lasing na lasing siya kagabi at hindi makalakad ng maayos.

"Eat it!" Via.

Nasa tabi ni Lennox si Via. Napapatingin siya rito sa tuwing mayroon itong pagkain na nilalagay sa pinggan niya. Masyadong abala ang babae sa pag-aasikaso sa kanya.

"They all think that you are my fiancee. Iyon ang pakilala mo kaya ibig sabihin pumapayag ka na?" Bulong niya na kami lang ang makakarinig.

Lumayo ako ng konti dahil nakikiliti ako sa pagbuga ng hininga niya. Natawa siya at tinaasan ako ng kilay. Nakangiti akong umiling at kinain ang pagkain na kalalagay niya lang sa pinggan ko.

Parang hindi nangyari ang kagabi dahil maayos naman silang lah