DRAGON 40

ＤＩＳＧＵＩＳＥ 24: His coldness and steamy kiss. 

Tahimik kaming naglalakad dito sa pasilyo habang patungo sa penthouse kung saan nakatira si Chiflado. Mapayapa ang paligid at talagang maririnig mo kahit ang mga simpleng tunog na mayroon. Nakakabingi ang katahimikan sa paligid. Nakayuko ako habang naglalakad, ang aking isipan ay puno ng iba’t ibang imahe ng isang lalaki. Kahit anim na buwan lang itong nawala ay pakiramdam ko taon na ang lumipas mula noong huli ko siyang makita. Tila sobrang tagal na nang pagkawala niya. Nakakatawa, ngayon lang ako nakaramdam ng pananabik sa tao at ang malala, sa lalaki pa.

Masyadong okupado ang aking isipan nang biglang magsalita ang matandang kasama ko. "Huwag mo sanang mamasamain ang aking sasabihin ngunit nais ko sanang ‘wag kang magpadala sa matatamis na salita ni Young Master, sapagkat alam