Chapter 83

Aleya's Pov

Pagkatapos kong ma-discharge sa ospital ay halos isang buwan din akong nagpagaling sa bahay ko. Maraming maliliit na gasgas ang mukha ko kaya nagpabili ako sa nakababata kong kapatid ng mamahaling ointment na nakakaalis ng mga fresh scar sa balat. At sa isang mamahaling derma clinic na sikat sa ibang bansa iyon binili ng kapatid ko. Ang sabi ko lang sa kanya ay tinubuan kasi ako ng maraming pimples sa mukha at naging scars kaya ako nagpapabili sa kanya ng ointment na nakakatanggal ng fresh scars. Hindi ko sinabi ang totoo ay alam ko na ora-oradang lilipad sila pabalik dito sa Pilipinas kapag malaman nila ang nangyari sa akin. Ayokong bigyan sila ng alalahanin kaya itinago ko sa kanila ang totoo. At isa pa ay nakaligtas naman ako at nagpapagaling na lamang kaya hindi na kailangan pa na ipaalam ko sa kanila ang nangyari.

Sa tulong ng ointment na pinabili ko sa kapatid ko ay mabilis na gumaling ang mga sugat ko sa mukha pagkatapos ay nagpa-facial wash ako. Bumalik ang kinis n