Chapter 82

Aleya's Pov

Napamulagat ako nang marinig ko ang sinabi sa akin ni Enrique Villareal. Ako? Bodyguard niya? Ano ang nangyari at naging bodyguard ako ng isang playboy? Bakit ko naman tinanggap ang trabahong iyon? O baka naman hindi siya nagsasabi ng totoo?

"Hindi. Hindi ako naniniwala na bodyguard mo ako, Mr. Villareal," masama ang tingin na sagot ko sa kanya. Biglang tumikhim ng malakas si Ninong kaya nabaling sa kanya ang aking mga paningin.

"Totoo ang sinabi ni Enrique, Aleya. Nagtatrabaho ka nga bilang bodyguard niya. At ako mismo ang nagtalaga sa'yo bilang kanyang bodyguard," ani Ninong Zandro.

Hindi ko napigilan ang mapasimangot sa aking narinig. Alam naman ni Ninong Zandro na hate ko ang mga katulad ni Enrique pero bakit niya ako binigyan ng ganoong klaseng trabaho. Pero bakit ko naman tinanggap. At saka nasa narcotic ang linya ko at hindi pagbabantay ng mga mayayamang tao kaya bakit sa akin ibinigay ni Ninong ang trabaho bodyguard ni Enrique. Ngunit propesyunal si Ninong pagdati