Kabanata 15

Kabanata 15

Kumunot ang noo ni Tiya Amelia at sumilay sa kanyang mga mata ang pagkadisgusto sa inaasal ng pamangkin, ngunit sa harap ng amiga ay nagpanggap itong ayos lang ang lahat.

“Sinabi ko na sa iyo kanina, nandito lang tayo para makipagkita sa anak ni Mrs. William,” walang magawa lang nitong bumulong kay Clea. “Gusto kong magpanggap ka na interesado ka sa anak ni Emma.” Pasimple nitong kinurot ang tagiliran niya.

Bago pa makapag-react si Clea ay kinaladkad na siya ni Tiya Amelia papalapit sa babaeng kasama nito na nasa middle-aged ang edad ngunit napakaganda at elegante pa rin nitong tingnan tulad ng kaniyang tiyahin.

“Itong pamagkin ko talaga excited na makita si Arthur ‘yon nakalimutan ang room number.” Umiiling na pasaring nito.

Lihim na napangiwi si Clea sa narinig. As if naman interesado talaga siya! Ni hindi niya kilala ang tinutukoy nito.

Natatawang tumingin sa kaniya si Mrs. William, “Hindi ka dapat kabahan, iha.”

Ngumiti siya sabay baling doon sa babaeng kasama ng Tiya