Kabanata 20

Saktong alas syete y media ng gabi ng dumating si Clea sa Balneario de ensueño. Nakasuot siya ng isang simpleng bestida at puting sapatos. Ang mahaba niyang buhok ay nakalugay rin. Wala siyang kahit anong kolorete sa mukha. Nakatayo lang siya sa labas ng gate habang pinagmamasdan ang kagandahan ng buong lugar.

“Kuya guard, pwede niyo ba tawagin si Arthur William? Kaibigan ko po siya.” Pangungulit niya sa security guard.

“Naku, ma’am. Bawal kaming umalis sa post namin lalo na at wala kayong invitation card,” anito habang hinihimas ang baril sa tagiliran. “Tawagan niyo na lang.”

Napabuntonghininga na lang si Clea.

Ayon sa Tiya Amelia niya ay dito gaganapin ang birthday party ng kaibigan ni Arthur. Mag-isa lang siya roon dahil nauna si Camille sa kaniya. Hindi siya pinapasok ng security guard at sinabihan lang siyang maghintay dito dahil wala itong invitation na limited lang.

Muli siyang tumingin sa pulsuhan at sinilip ang oras. Halos isang oras na siyang nasa labas ng mountain resort ng