Profiles- Kabanata 12

Maaga akong nagising kinabukasan kaya maaga din akong nakapaghanda ngayong umaga. Kanina nga pagbangon na pagbangon ko ay agad kong naramdaman ang sakit ng katawan ko lalo na yung bandang likod ko at mga hita ko.

Pakiramdam ko tuloy ay parang binugbog ako kahapon sa training namin. Bumaba ako ng hagdan at walang pang tao sa baba, tulog pa siguro si Saphira at si Elijah naman ay baka naliligo pa at naghahanda pa para pumasok sa trabaho nya.

Pinapapunta nga pala nya ako kagabi sa kwarto nya dahil may kailangan daw kaming pagusapan. Ito na ba yun? Sasabihin na ba nya sa akin na may pinamumunuan syang organisasyon at gusto nyang sumali ako kasi magaling ako? Bigla tuloy akong na excite!

Hindi ko alam kung bakit pero nung araw na nasa party kami at sinabi sa akin ni Jamaica ang tungkol kay Elijah ay nakaramdam ako ng takot at hindi ko din maintindihan ang sarili ko ngayon dahil para nae-excite pa ako!

"Ma'am hindi pa po ba kayo kakain?" Tanong ng isa sa mga maid.

Ngumiti lang ako at umili