CHAPTER SIXTY-ONE

Lloyd

"Hindi ko rin in-expect na magagawa ko 'yon kay Matthew! Hindi ko naman sinasadyang paliparin siya't gustuhing umabot sa gano'n, ano! May konsensiya naman ako kahit papaano!" Paliwanag ko kay Alex habang ang tingin ko ay nasa mga bituin pa rin.

"Ano ba kasing nangyari? Bakit umabot sa gano'ng sitwasyon?" pang-uusyosong tanong niya.

"I saw him and Olivia! Sobrang dikit nila sa isa't isa. Alam mo 'yong parang romantic view sa mga romance movie kapag malapit na ang ending? Gano'n sila ka-close. Konti na nga lang at magkakapalit na sila ng mukha, 'eh!"

Seryoso naman ang pagkakasabi ko't hindi rin naman ako nagbibiro ngunit laking gulat ko nang biglang humagalpak ng tawa si Alex, dahilan para lingonin ko siya.

"Ano namang nakakatawa sa sinabi ko, ha?!" magkasalubong ang dalawang kilay na tayong ko sa kaniya.

"Kunwari ka pang nabigla ka sa ginawa mo kay Matthew! Bakit kasi ayaw mo pang aminin na affected ka dahil nagseselos ka!" nakabungisngis na sambit niya habang napapailing pa.