Chapter 85

“Alam ba niya na buntis ka?” tanong ko bago siya makasagot sa una kong tanong.

Umiling si Cesca kaya hindi ko alam kung alin ba sa tanong ko siya sumagot ng hindi.

“Umiling ka saan? Hindi mo alam ang pangalan niya o hindi mo pa nasabi sa kanya ang sitwasyon mo?” tanong kong muli.

Sa ikalawang pagkakataon ay napa buntong hininga si Cesca. Tinitigan niya ako ng ilang segundo bago niya mapagdesisyunan na sumagot sa mga katanungan ko.

“Both, Bianca,” aniya at umiwas ng tingin. “I don’t know him, his background, anything about him – wala akong alam. Without knowing anything about that man, syempre hindi din niya alam na buntis ako.” at saka pa siya napasandal sa kanyang swivel chair.