66 - Paano Na?

Hindi ko alam kung anong magiging reaksyon ko. Kaya ba hindi na ito bumalik? Kaya ba ni isa sa kanila ay wala na akong makuhang balita? Kagat kagat ko ang labi habang nakatingin sa letrato. Sa letrato ay kitang kita na hawak hawak ni Zachary ang kamay ni Mandy.

"May i-sesearch sana ako sa g****e pero nagulat ako nang nakita ko ang letrato ni Kuya Zachary kaya clinick ko," sambit ni Zaji.

Kaya siguro nagdadalawang isip ito kanina kung sasabihin ba niya. Mabuti na lang ay nakita niya 'to at pinakita niya sa'kin, kasi kung hindi, hanggang ngayon umaasa pa rin ako.

Tapos na. Huwag ka nang umasa, Gillian. Lakasan mo ang loob mo, dahil ngayon ikaw na lang talaga ang magulang ni Zacky.

"Kay Ate Nika ko sana ipapakita, pero nandito ka pala," sambit ulit ni Zaji sabay kamot.

Si Nika naman ay nakatitig sa'kin. Nakita ko na lang na wala na sa'kin ang phone. Mabilis iyon kinuha ni Nika at binasa. Hindi ako nagsalita at tumayo.

"Grabe, ganoon pala kayaman si Kuya Zachary? Na nagpapakita ang