2: White Rose Case

Tahimik si Detective nung sambitin iyon ng kaibigan bago tanggalin ang braso nito sa kaniyang leeg, "Ano na naman ba ang kalokohan na ginawa mo ha?" Kunot noo niyang tanong sa kaibigan.

Napakamot batok ito bago sumilip sa may bintana, nagtatakha man ay hinayaan niya lang kung anong kalokohan ang ikinikilos nito hanggang sa tumigil na lamang siya bigla.

"Buti naman nagsawa rin kakasunod ang mga iyon," dinig niyang bulong ng kaibigan.

"Baka gusto mo nang sagutin ang tanong ko Inspector." Sambit nito bago humalukipkip na tignan ang kaibigan.

Bumuntong hininga ito bago kunin ang dalang bag, at kaniyang inilabas ang isang folder bago ilapag ito sa mesa.

Pinagkatitigan ito ni Detective Ybañez ng ilang minuto bago dumapo ang kaniyang mga mata sa kaibigan.

"Ano naman ang laman niyan?" Seryosong tanong nito.

"Confidential case,"

Sa pagsambit palang nang kaibigan niya ng mga katagang iyon ay nagkaroon na siya ng interest, at sa 'di malamang dahilan. Nakaramdam siya ng kakaibang kaba na hindi niya maipaliwanag.

Ano ba itong kaba na nararamdaman ko? Parang may mali. Pagtatanong nito sa sarili bago kunin ang folder.

Nagdadalawang isip man si Detective ay binuksan niya ito. Agad na bumungad ang papel na naglalaman ng impormasyon ng tao.

Name: Darwin Raymundo

Age: 35 years old

Occupation: Businessman

Time of Death: 12:10AM, December 1, 2004

Cause of Death: Suffocation

"Siya ang isa sa mga biktima ng white rose," seryosong saad ng kaibigan dahilan para tignan siya.

"White Rose?" Punong-puno ng pagtatakhang aniya, bago tignan ang kaniyang kaibigan na siyang seryosong nakatingin sa hawak nito.

Parang na rinig ko na kung saan 'yon, hindi ko lang maalala kung saan at kailan, sambit nito sa sarili.

"Oo, hindi lang siya ang biktima… Sa totoo lang, ilang taon na siya pinaghahanap ng pulisya pero ni anino niya ay hindi matagpuan,"

Punong-puno man ng pagtatakha ay naging dahilan 'yon para maging interesado siya lalo sa kaso. Sinulyapan niya panandalian si Inspector bago ibalik ang tingin sa papel, at ilipat sa susunod na pahina.

Name: Alexander Enriquez

Age: 33 years old

Occupation: Teacher in Mathematics (secondary school)

Time of Death: 1:18AM, December 13, 2004

Cause of Death: Overdose

Habang tinitignan niya ang bawat profile nang mga biktima, may na pansin siya na kahina-hinala sa bawat profile.

Hanggang sa huminto siya sa isang pahina ng papel kung saan kaniyang nakita ang profile ng kapatid.

Name: Ravienna Ybañez

Age: 28 years old

Occupation: English/Filipino Literature Teacher (College)

Time of Death: 7:30PM, February 14, 2007

Cause of Death: Undetermined

"Kaya ibinigay ko sa iyo 'yan dahil sa bagay na 'yan," ani ng kaibigan.

Hinawakan niya ito nang mahigpit habang pinagmamasdan ang larawan ng kaniyang kapatid. 

Punong-puno ng galit ang kaniyang mga mata nung dumapo ang paningin niya sa larawan na bangkay ng kapatid, hanggang sa 'di niya na pigilan na maluha na lamang.

Ibig sabihin, dito sa kasong ito sangkot ang kapatid ko? Bakit 'di man lang sinabi sa'kin ni Chief? Buong akala ko'y namatay ang aking kapatid dahil sa bus accident pero ano ito? Pagtatanong niya sa sarili.

***

Sa bahay ni Chief Superintendent Dwayne Cruz na siyang abala sa pagbabasa ng mga kasong hinahawakan ng bawat group unit. Hanggang sa sumagi sa kaniyang isipan ang pumanaw na kaibigan.

Bumuntong hininga ito bago ilapag sa mesa ang hawak na papel at saka tignan ang kahon na naglalaman ng kaso na napabayaan o 'di naman kaya, ay hindi na bigyan ng hustisya dahil sa mga makasariling tao!

Kinuha niya ito at du'n niya lang na pansin na nawawala ang hard copy files ng kasong iyon.

Hindi kaya nakuha niya? Imposible! Sambit nito sa sarili at nagsimula ng sumibol ang pagkabahala sa kaniya.

Anong gagawin ko kung malaman niya ang totoo? Kilala ko ang batang iyon, hindi siya titigil hangga't 'di nagbabayad ang taong may gawa nu'n sa pamilya niya, aniya sa sarili.

Kaniyang ginalugad ang buong kuwarto pero wala siyang nakita na kahit anong files. Kung kaya't agad nagtungo ito sa Police Station kahit alanganin na ang oras, nagpatulong na rin siya sa paghahanap sa kaniyang kanang kamay.

Nagtatakha man ang tauhan niya'y sumunod ito sa kaniyang pag-uutos kahit na gustong-gusto na nitong itanong ang dahilan ni Chief Dwayne Cruz, hanggang sa 'di na pigilan ng kaniyang bibig.

"Chief, puwedeng magtanong?" Ani ng kaniyang tauhan habang nakatingin ito kay Chief Cruz.

"Nagtatanong ka na 'di ba?" Sarkastikong tugon nito.

"Sabi ko nga nagtatanong na… Chief, bakit mo po ba hinahanap ang White Rose Case?" Tanong ng kanang kamay niya habang inililigpit ang mga nakakalat na papel.

"Confidential case 'yon at mahalaga iyon para sa akin." Sagot niya bago magpatuloy sa paghahanap.

Hindi na tagpuan ni Chief Cruz ang kaniyang hinahanap kung kaya't 'di ito nakatulog nang maayos kakaisip patungkol sa kasong iyon.

"Dad, mukhang kulang ka sa tulog." Pagpuna ng kaniyang anak habang inaayos ang uniporme.

Hinilot nito ang kaniyang sentido dahil kumikirot ito kakaisip sa kasong iyon, bago ma-upo at inumin ang kape.

"Dad, 'wag ka na muna kayang pumasok ngayong araw," nag-aalalang suhuwesto ng anak sa kaniya.

Umiling lang ito bago kunin ang bagong dyaryo na nakalapag sa mesa katabi ng kaniyang umagahan, habang nagbabasa ito'y in-o-obserbahan siya ng kaniyang anak.

"Dad, is there something wrong?"

Bumuntong hininga ito bago ibaba ang dyaryo't tinignan nang diretsyo ang kaniyang anak, na may pangangabang mababasa sa kaniyang mga mata.

"Hindi ko mahanap ang White Rose Case,”

Kinain sila ng katahimikan hanggang sa magsalita ang kaniyang pulis na anak.

"Baka na-misplace ninyo lang Dad, tinignan mo na po ba sa kuwarto?"

Tanging tango lang ang itinugon nito sa anak bago humigop ng kape.

"Paano nawala? Don't tell me Dad, nasa Police Station ang files na iyon?"

Muli itong bumuntong hininga bago tignan ang anak, tila nagdadalawang isip pa ito kung sasabihin ba ang kaniyang dahilan o hindi.

"Bakit Dad? Safe naman ang files na iyon dito sa bahay 'di ba?" Nagtatakhang tanong nito sa ama.

Hindi ito nagsalita at nanatili lang na tahimik habang ang kaniyang mga mata'y nasa pagkain. Samantala ang kaniyang anak naman ay kung ano-ano na ang naglalaro sa isipan.

"Dad… May hindi ba ako alam tungkol sa nakaraan?"

***

Nanatili si Detective Ybañez sa kaniyang bahay at malalim na nag-iisip patungkol sa napag-usapan ng kaibigan.

Galit. 'Yan ang kumukubli kay Detective Ybañez dahil sa kaniyang mga na tuklasan, tanging hustisya ang nais niya para sa kaniyang pamilya.

Tahimik na binasa niya ang mga nakalagay na impormasyon sa profile ng kaniyang kapatid. Dahil sa kaniyang na basa'y unti-unting umuusbong ang mga katanungan at pagtatakha.

Bakit kaunti ang impormasyon sa imbistigasyon na ginawa nila? Parang may mali rito sa profile, aniya sa sarili.

"Bakit ganito ito? … Bakit undetermined ito? Bakit iba ang nakapaloob dito?" Naguguluhang tanong nito bago tignan ang kaibigan.

Tanging pagkibit-balikat lamang ang na i-tugon nito bago tumingin sa bintana na tila inaalam kung may nagmamanman pa ba sa kaniya o wala na.

"Isa 'yan sa mga naging dahilan ko para itakas ang kasong 'yan… Naging interesado rin ako pero alam kong mas magiging interesado ka dahil, nand'yan ang profile ni Vienna." Kasuwal na sagot nito sa kaibigan bago tignan ang kaniyang cellphone.

Simula nung sagutin ni Inspector ang kaibigan ay katahimikan ang namayani sa dalawa hanggang sa basagin ito ni Detective.

"Kailan mo ito nakuha? May nagmamanman ba sa'yo?" Seryosong tanong nito.

Bumuntong hininga ang kaibigan niya bago siya tignan nang diretsyo sa mata upang ipakita na seryoso ito sa bawat salitang lalabas mula sa kaniyang bibig.

"Last week ko lang 'yan nakuha, at mukhang may nakatunog ng ginawa ko. Hindi nga lang ako sigurado kung isa sa mga kasamahan mo ang nakatunog. O baka may ibang nakakita sa'kin at alam niya sa kasong 'yan." Seryosong saad niya bago inumin ang isang basong tubig.

Muling namayani ang katahimikan sa paligid nila hanggang sa magsalita muli si Inspector, "Simula kasi nung makuha ko 'yan, nakakaramdam ako na parang may nagmamasid sa'kin mula sa malayo.

Kaya gumawa ako ng paraan para malaman ko kung sino siya pero. Mukhang alam din niya na gumagawa ako ng paraan para lang malaman ko kung sino ba ang ungas na 'yon," ani ng kaibigan na siyang unti-unting nalulukot ang mukha.

Suminghal lang si Detective Ybañez bago muling pagkatitigan ang larawan ng namayapang kapatid, at bumalatay muli ang pagkaseryoso sa kaniyang mukha. Gayo'ng nanatili ang galit sa mga mata niya.

"Paano mo ito nakuha?" Seryosong tanong nito sa kaniyang kaibigan na Inspector.

Bumuntong hininga ang kaniyang kaibigan habang nakatitig ito sa hawak ni Detective, "Aksidente kong nakita 'yan," sagot nito sa kaniya.

Pumikit ito nang mariin kasabay ng luha na siyang patuloy sa pag-agos palabas sa kaniyang mga mata.

Bakit? Ano ba ang totoo? Pagtatanong niya sa sarili.

Lalong humigpit ang kaniyang pagkakahawak sa folder hanggang sa na lukot ang gilid na parte ng papel.

Muling bumuntong hininga ang kaniyang kaibigan bago ito tapikin sa balikat para kahit papaano'y, mapagaan niya ang loob nito.

"Mahuhuli mo rin siya," tanging na-i-sambit na lamang ng kaniyang kaibigan.

Huminga ito ng malalim para mapakalma ang kaniyang sarili bago buksan ang mga mata na nag-aalab sa galit. Pero napalitan ito ng kalungkutan nung pinagkatitigan niya muli ang larawan ng kaniyang kapatid bago sumumpa.

Pagbabayaran ko ang lahat ng gumawa sa'yo nito, pati na kay Mama at Papa. Ipinapangako ko 'yan. Aniya sa sarili.

"Sabihan mo na lang ako kung, kailangan mo ng tulong ko." Huling sambit ng kaibigan bago umalis sa bahay.

Mas lumalalim ang kaniyang iniisip habang tumatagal pero, nabaling ang atensyon nito sa kaniyang cellphone dahil ito'y tumunog.

Kumunot ang kaniyang noo nung mabasa sa screen ang ngalan ni Chief Cruz bago ito sagutin.

[Where are you Ybañez?]

Nanatili lang siyang tahimik bago tignan muli ang folder, kaniyang dinampot ito bago buksan sa pahina kung nasaan ang profile ng kapatid niya.

[Ybañez?]

Huminga ito ng malalim bago nagsalita, "Chief, I wanna ask you something. Can I handle the White Rose Case?" Seryosong aniya.

[No, may hahawak na ng kasong iyon.] Pagsisinungaling ni Chief Dwayne Cruz.

Huminga ito ng malalim bago pagkatitigan ang papel, "Magbabago rin ang isip mo, Chief." Huling sambit nito bago ibaba ang tawag.

👮🏻🏢

Sa opisina ni Chief Cruz, bumuntong hininga na lamang ito nung babaan siya ng tawag bago sumandal sa swivel chair, at hilutin ang kaniyang sentido dahil sa katigasan ng ulo ni Detective Ybañez.

Ano na naman kaya ang binabalak ng batang iyon? Magbabago ang isip ko? Parang masama ang kutob ko sa bagay na 'to. Aniya sa sarili.

Bumalik lang ang kaniyang diwa nung biglang may pumasok. Ang kanilang Director kasama ang dalawang lalake, "Director Park, take have a seat." Pormal na sambit nito bago umayos ng upo.

"What can I do for you, Director Park?" Kaniyang pormal na tanong habang ang mga mata niya'y nasa Director.

Tumikhim ito bago kunin ang inabot ng isa sa mga kasama niya, ang ipad tablet, "I'll straight you Superintendent Chief Cruz, this is all about the case. The WHITE ROSE CASE," seryosong saad nito habang nakatingin sa tablet na hawak-hawak niya.

"Isang grupo ang pinili ko para humawak ng kasong ito. Sila nga pala ang hahawak ng kaso, Inspector Juarez at Detective Martinez," pagpapakilala nito.

Tanging tango lang ang iginanti nila sa isat-isa, bago muling ibalik ang kanilang mga paningin sa Director na siyang nakatingin kay Chief Dwayne Cruz.

"Director Park, I respectfully your decision but why do you—"

"Na pansin ko, masyado ka nang abala para hawakan ang confidential case gaya nito, kaya kung wala ka ng masasabi pa. I'll go ahead of you." Sambit ng Director bago lisanin ang opisina kasama ang mga lalake.

Bumuntong hininga na lamang si Chief Cruz bago muling sumandal sa kaniyang kinauupuan.

Matagal na akong nagdududa sa ikinikilos ni Director. Sa tuwing pinag-uusapan ang tungkol sa kasong iyon, lalo na't kung ako ang kaharap ay lagi siyang balisa. O ' di naman kaya'y sinusubukan niya itong kunin sa akin. Ano ba ang meroon du'n? May dapat pa ba kaming malaman sa kasong iyon? Nagdududang aniya sa sarili.