1: Detective Ybañez

WARNING: This story contains violence and mature contents. Readers discretion advice.

Sa araw-araw na ginawa ng diyos, ay nakasanasayan niya na paggising sa umaga'y didiretsyo na agad siya sa presinto at gaya ng kaniyang inaasahan. Sa pag-apak palang ng mga paa nito sa harapan ng police station ay siyang salubong ng Chief Superintendent Dwayne Cruz.

Walang emosyon itong nakatingin sa kanilang Chief habang lukot na lukot naman ang mukha nito. Isa pa ito sa kaniyang nakasanayan, ang panenermon ng nakakataas sa kaniya.

"Bakit mo pinakealaman ang imbistigasyon nila!" Pasigaw nitong ani kay Detective Ybañez.

Tila 'di ito natinag sa umuusok na sa galit na si Chief Dwayne Cruz, lalagpasan niya sana ito nung hilahin siya pabalik sa harapan.

"Huwag mo akong tinatalikuran kapag kinakausap kita Ybañez!"

"Chief… Nangyari na, nakahanap na ako ng mga ebidensya na magpapatunay na ang bise-gobernador ay sangkot sa malaking kaso." Kasuwal nitong wika bago ilagay ang kamay sa bulsa't tignan si Chief Superintendent Dwayne Cruz ng diretsyo sa kaniyang mga mata.

"Natatakot ba kayo na baka matanggal ka sa posisyon mo bilang Superintendent?" Wala mang emosyon ang kaniyang mukha'y, mababakas sa boses nito ang pang-iinsulto sa kanilang Chief Superintendent.

"YBAÑEZ! I warn you! Stop whatever you do or else—" hindi na tapos pa ni Chief Dwayne Cruz ang sasambitin nung putulin ito ni Ybañez.

"Or else what? Tatanggalin ninyo ako? Hindi ako takot Chief, alam ko na alam mo kung bakit." Huling saad nito sa naghahamong tinig bago pumasok sa loob.

Pagbukas niya sa pinto ng kanilang opisina'y bumungad agad ang teammates nito na abala dahil binigyan niya, ang bawat isa ng assignment patungkol sa kasong kinasangkutan ng bise-gobernador.

Pagkaupo niya pa lamang sa swivel chair ay agad na binuksan nito ang computer para aralin muli ang statement ng mga whistleblower at mga nakalap na ebidensya laban sa bise-gobernador.

"Angeles," pagtawag nito sa isa niyang ka-miyembro.

Agad naman itong tumayo sa harapan habang nakatingin sa kaniya, "Kumuha ka nang warrant, 'yong iba ay maghanda na. Mamaya lang lalakad na tayo para manghuli ng pating." Ma-awtoridad nitong utos bago muling tignan ang computer.

Nawala ang atensyon sa kanilang mga ginagawa nung biglang kumalabog ang pinto. Pumasok ang dalawang lalake, ang kanilang Chief Superintendent at isang Inspector.

"Walang kukuha nang warrant." Seryosong wika ng kanilang Chief bago tignan si Detective Ybañez na siyang tinitignan lamang siya, na tila balewala lang ang kaniyang sinabi.

"SPO1 Angeles… Susundin mo ba ang utos ko o ako na mismo ang kukuha para maparusan na ang dapat parusahan?"

Kita kay SPO1 Jane Angeles ang pagkabalisa dahil 'di niya malaman kung sino ba ang dapat na sundin sa kanilang dalawa.

Dahil walang kilos na isinasagawa si SPO1 Angeles ay siya na ang tumayo't kumuha ng warrant. Ilang minuto lamang ang lumipas ay nakakuha na sila nang warrant sa tulong ng kaibigan niyang abogado't inspector na saktong nasa presinto nila.

Wala naman na gawa si Chief Superintendent Dwayne Cruz sa katigasan ng ulo ni Detective Ybañez, kaya kumilos na ang kaniyang grupo upang madakip na ang bise-gobernador na maraming nilabag na batas.

Nung makarating na sila'y kanilang pinasok ang pugad ng target. Tahimik nilang nilibot ang bawat sulok hanggang sa isa sa kanila ang nakatunog, kaya nagkaroon nang engkuwentro sa loob ng bahay ng bise-gobernador.

Putukan ng baril ang umaalingawngaw kung saan-saan, mga nababasag na gamit at tilian ng mga taong na bigla rin sa engkuwentro.

"Arestuhin ninyo ang mga 'yan! Ako na ang bahala sa bise-gobernador." Sambit nito bago maingat na umakyat sa hagdan paakyat sa ikalawang palapag ng bahay.

Marahan itong naglakad at pinasok ang bawat kuwarto pero sa pagpasok nito sa kuwarto ng bise-gobernador, ay sinugod siya sa may likuran nito. Buti na lamang at naramdaman agad ito ni Detective Ybañez.

Hinawakan niya ang pulsuhan nito pataas bago sikuhin nang malakas ang braso para mabitawan ang hawak na patalim na siyang napagtagumpayan niya.

Kaniyang ininda ang sakit bago bigayn ng matatalim na tingin si Ybañez, "Ikaw na naman! Hindi mo ba talaga ako titigilan?" Inis na sambit ng bise-gobernador.

"Titigil lang ako kung susuko ka sa mga pulis!" Matigas niyang ani.

Agad naman itong ipinagtanggol ang sarili, "Bakit naman ako susuko sa mga pulis? Wala akong ginagawang masama!" Wika niya bago sugurin si Detective Ybañez.

Sinubukan ng bise-gobernador na suntukin si Ybañez subali't siya ay nabibigo, ni isang suntok ay walang tumama sa kaniya hanggang sa na huli ni Detective ang kamao nito.

Marahas niya itong pinulupot at umikot papunta sa likuran nito, "May karapatan ka manahimik vice governor o kumuha ng abugado—"

Hindi na ituloy ni Detective ang kaniyang sasabihin nung bigla siyang hinead butt nito, kaya nakawala ang bise-gobernador.

Kinuha ng bise-gobernador ang shot gun kung saan at itinutok ito kay Detective Ybañez.

"Sabihin mo nga, ano ba ang na gawa kong kasalanan ha?" Kunot noong tanong nito.

Nanghahamong ngisi ang kaniyang iginanti bago sambitin ang nais na marinig ng bise-gobernador, "Gusto mong isa-isahin ko vice governor? Sige… Illegal smuggling, human trafficking, illegal possession of fire arms, illegal drugs… May nakalimutan ba ako?"

Tumawa ang bise-gobernador nang sobrang lakas at umiiling na tinignan si Detective Ybañez, "Marami ka na palang alam tungkol sa'kin, dapat lang na matahimik ka!" Sambit nito bago kalabitin ang gatilyo ng shot gun.

Napaawang ang bibig ng bise-gobernador nung makita si Detective Ybañez na itinagilid lamang niya nang bahagya ang kaniyang ulo at tila wala lang sa kaniya ito.

Muli niyang sinubukan na paputukan si Ybañez pero agad na hinawakan ni Detective ang leeg ng baril bago itinaas ng bahagya, kung sakali na makalabit ang gatilyo ay walang mapapahamak. At walang ano-ano'y tinadyakan niya ang bise-gobernador bago itapon sa malayo ang baril.

Sinubukan pa manlaban ng bise-gobernador pero napatulog ito ni Ybañez nung tirahin niya ito sa may bandang batok.

Malaya niya na itong na lagyan ng pilak na pulseras na ibinibigay nang mga pulis sa mga katulad niya, bago dalhin sa police station.

Pagkababa pa lamang nila sa sasakyan ay agad na nagbigay ito ng utos, "Dalhin ninyo siya sa interrogation room, i-sunod n'yo na rin pala 'yong mga ebidensya laban sa kaniya." Aniya bago maglakad papunta sa loob ng presinto.

Akmang papasok pa lang siya sa loob ng office unit nila'y agad na hinandlangan na siya ni Detective Santiago.

"Balita ko binugbog mo ang bise-gobernador, baka bukas wala ka ng trabaho dahil sa kayabangan mo," seryosong sambit nito.

Suminghal ito bago buksan ang pinto, ilang segundo pa siyang nakatayo roon hanggang sa tignan niya si Detective Santiago na may mapaglarong ngisi sa kaniyang mga labi.

"Hindi mo lang kasi kaya ang ginawa ko dahil alam mo na wala ka pa sa kalingkingan ko. At isa pa…" Pagtitigil niya sa sinasabi bago ilapit ang kaniyang ulo sa tenga't bumulong ito, "Hindi ako isang aso gaya mo na sunod-sunuran lang sa amo." Huling iwinika nito bago tapikin ang balika't tuluyan nang pumasok sa loob ng opisina.

Pagkaupong-pagkaupo pa lang niya'y siyang pagdating ni Chief Superintendent Dwayne Cruz na lukot na naman ang mukha.

"Anong ginawa mo kay—"

Agad na ipinagtanggol nito ang sarili, "Nanlaban siya, prinotektahan ko lang ang sarili ko. Sinubukan niya akong patahimikin dahil sa mga alam ko kaya inunahan ko na siya," kasuwal niyang sagot.

Umigting ang panga ni Chief Dwayne Cruz dahil sa inis kay Ybañez, "Alam mo ba kung anong ginawa mo? Ngayon ay galit na galit ang mga nasa taas!" Iritableng sigaw nito.

Seryosong tinignan siya ni Detective Ybañez bago sumandal sa kinauupuan niya't makipaglaban nang titigan dito, "May magagawa ba ang galit nila sa na gawa ng bise-gobernador? Kaya ba nilang burahin ang mga ebidensya? … Kung gagawi nila 'yon, baka matanggal kayong lahat paglumabas sa publiko ang kalokohan ninyo," ani ni Detective Ybañez kay Chief Superintendent Cruz na siyang may mapaglarong ngisi sa kaniyang mga labi.

"YBAÑEZ! SUSPENDED KA FOR TWO WEEKS!" galit nitong sigaw.

Nagtangis ang panga niya bago mapailing na tila 'di makapaniwala sa mga narinig, "Suspended ulit? Hindi na ba kayo nagsasawa na suspendihen ako?"

Agad namang tinugunan ito ni Chief Dwayne Cruz, "Hindi! Hangga't hindi mo tinitigilan ang pagiging isip bata mo Ybañez! You need to be professional here!" Nanggagalaiting sambit nito dahilan upang malukot ang mukha ni Ybañez.

"Isip bata? Ginagawa ko lang kung anong tama Chief, siguro naman may isip ka para malaman mo ang dapat gawin sa hindi," makahulugang sambit niya.

Inis na kinalampag ni Chief Dwayne Cruz ang kaniyang mesa bago huminga ng malalim para pakalmahin ang sarili.

"Makinig ka Ybañez. Ginagawa ko ito dahil may ipinangako ako sa mga magulang mo kaya utang na loob, kahit isang beses lang. Makinig ka sa'kin,"

Suminghal si Ybañez nang makailang beses bago tumayo't nakipaghamunan ng matatalim na tingin kay Chief Dwayne Cruz, "Hindi ako makikinig hangga't hindi ko nahuhuli ang walang hiyang 'yon," pagmamatigas nito.

Kaniyang hinilot ang sentido bago niya ito tiganan ng seryoso, "Alam ko na galit ka sa ginawa niya pero, isipin mo na lang na hindi ito gusto—"

Agad naman pinutol ito ni Detective Ybañez, "Tumigil ka na Chief, huwag mo na ipaalala ang mga bagay na tapos na." Aniya bago kunin ang susi ng motor nito.

"Kilala mo ako Chief, hindi ako titigil hangga't 'di ko nakukuha ang hustisya." Huling sambit nito bago lisanin ang presinto't nagmaneho pa-uwi sa tinitirahan niya.

Nung ipinarada niya ang motor ay siyang pagsalubong naman ng kaniyang kaibigan.

"Roswell!" bati niya.

Suminghal muna ito bago tanggalin ang helmet na suot at tignan ang kaibigan, "Anong ginagawa mo rito?" Seryosong tanong niya.

"Masama ba na dalawin ko ang isa sa'king mga kaibigan?"

Iritableng itong naglakad papasok sa bahay niya't nagpahinga, subali't, hindi rin siya nakapagpahinga dahil sa kakulitan ng kaibigan.

"Utang na loob inspector, tumigil ka sa pangungulit mo dahil marami akong iniisip!" Iritableng wika niya sa kaibigan.

Imbis na matakot ito sa pagbabanta ni Ybañez, tinawanan lamang siya nito bago ipulupot ang isang braso sa kaniyang leeg at pabirong ginulo ang buhok.

"Ano ba! Tumigil—"

"Roswell, makisakay ka na lang okay? May hindi tama sa paligid," bulong niya dahilan para matigilan ito.

Anong ibig sabihin niya roon? May nagmamanman sa kaniya? Ano na naman kaya ang kinasangkutan ng isang ito?